Rubrouck

Rubroek
Rubrouck
Rubrouck in ‘t arroundissement Duunkerke
Woapen	Vlagge

Geografie
Regio	Nord-Pas-de-Calais
Departement	Nord
Arroundissement	Duunkerke
Kanton	Kassel
Liggienge	50.839169 NB 2.356111 OL
Coördinoatn	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	14,88 km²
Inweuners
Inweuners Bevolkiengsdichtheid	882 (2006) 59,3 inw./km²
Andere
Burgemêester	Christine Devulder
Postcode	59285
Webadres	Communes.com

Rubrouck (Nederlands: Rubroek) is e gemêente in Frans-Vloandern, in 't Fransche Département du Nord. In 't dorptje wierd er Vlams geklapt toet in de twientigste êeuwe.

Rubrouck is surtout bekend van de Vlamsche franciscoan en ontdekkiengsreiziger Willem van Rubrouck, die toet in Mongolië gerakt is. 't Is doamee dat de gemêente verzusterd is met de Mongoolsche stad Bulgan.

Rubrouck ligt in 't herte van 't Fransche Houtland. Der zyn nog veel huuzn in de traditionele lokoale styl bewoard en der wordn nog oude Vlamsche noamn gebruukt vo stroatn en plings.

D'omliggende gemêentn zyn:

Volckerinckhove in 't nôordwestn
Bollezeele in 't nôordn
Broxeele in 't westn
Arnyke in 't ôostn
Buysscheure in 't zuudwestn
Noordpeene in 't zuudn
Ochtezeele in 't zuudôostn

Geschiedenisse [bewerkn]

Rubrouck is vo 't êest vermeld in 1104 en vanof de 12ste êeuwe woarn der verschillige heerlikheedn. D'historische kern van 't dorp was e kastêel, woavan dat de mote (kunstmoatign heuvel) bewoard is.

't Dorp beleefde zyn grotste bloeiperiode in de 16ste êeuwe en ha ton e rederykerskoamer: Het Sacrament met de leuze "Alleven groene".

In 1845 ha Rubrouck nog 1580 inweuners, in 1975 nog moa 680. De latste decennia is ter wel were e lichte toenoame.

Beziensweirdigheedn [bewerkn]

Middelêeuwsche mote, nu mè boerhof (10ste-12ste êeuwe, Broxeele boane).
De Sint-Sylvesterkerke (16ste en 18ste êeuwe), e beschermde hallekerke die gedêeltelik gebouwd zou zyn mè stêens van d' ofgebrookn kathedroale van Terwoan.
Pastorie gebouwd ip e klêne mote.