Rudolf I van Bourgondië

Van Wikipedia
Ga naar: Begunplekkn, zoeken
Rudolf I van Bourgondië
859- 912
Keunienk van Ipper-Bourgondië
Periode 888 - 912
Vôorganger Karel den Dikkn
(Oost-Francië)
Ipvolger Rudolf II van Bourgondië
Voader Koenroad II van Auxerre
Moeder Waldrada van Worms
Zyn keunienkryk Transjuranië in ‘t groen

Rudolf I van Bourgondië (859 - 25 oktober 912) was keunienk van Ipper-Bourgondië (of Transjuranië) van 888 tout an zyn dôod.

Rudolf was ofkomstig van ’t Huus Welfn en was de zeune van Koenroad II, groaf van Auxerre en hertog van Ipper-Bourgondië. J’erfde d’abdye St. Maurice van zyn voader en da miek hem de machtigstn persôon van Ipper-Bourgondië.

Je was êest hertog van Ipper-Bourgondië van 876. In 888, achter d’ofzettienge en den dôod van Karel den Dikkn, wierd 'n verkoozn deur den oadel tout keunienk, en wierd het keunienkryk Ipper-Bourgondië gesticht.

Rudolf ha hêel Lotharingen gewild, moar Arnulf van Karinthië, de nieuwe keunienk van Oost-Francië, verzetteg hem doa teegn en ’t blêef slicht goan tusschn die twêe.

De reloasjes mè zyn andere gebeurs woarn beter. Zyn zuster Adelaide trouwde me Richard, den êestn hertog van Bourgondië. Zyn dochter, ook Adelaide, trouwde mè Lodewyk den Blendn, keunienk van Lêger-Bourgondië, en zyn dochter Willa trouwde mè Boso van Toscane.

Rudolf wierd ipgevolgd deur zyn zeune keunienk Rudolf II van Bourgondië. Ounder hem wierdn Ipper- en Lêger-Bourgondië verênigd tout et keunienkryk Arelat.

Rudolf II van Bourgondië wordt vele verward mè Rudolf, de keunienk van West-Francië, die ook de twiddn hertog van Bourgondië was.

Vrouwe en jounges[bewerkn | brontekst bewerken]

Rudolf was getrouwd mè Willa (of Guilla), dochter van Boso van Provence, en je was de voader van:

  • Rudolf II van Bourgondië
  • Adelaide, getrouwd me Lodewyk den Blendn
  • Willa, getrouwd me Boso van Toscane

Zyn weeuwe, keuniginne Guilla, trouwde in 912 met Hugo van Arles.