Rudy Provoost
Rudy Provoost (Ostende, 1959) is Chief Executive Officer (CEO) by Rexel.
Inoud |
Persôonlik[bewerkn]
Rudy Provoost groeide ip in Gistel en je studeerde psychologie an 'n universiteit van Gent en bedryfskunde an de Vlerick Management Schole, woa dat 'n nu ook lid is van de Road van Besteur. [1] [2] Binst zyn legerdienst in 1983-1984 was 'n officier by de medischn dienst van 't Belgisch leger en je volgde een universitaire specialisoatie in klinisch management. Rudy Provoost is getrouwd en j'het drie zeuns.
Carrière[bewerkn]
Provoost startte zyn professionele carrière in 1984 by 't ounderdêel "Management Systems" van Procter & Gamble Benelux, woa dat 'n betrokkn was by verschillige projectn.
In 1987 begost 'n als Marketing Planning Manager by Canon België en in 1989 wierd 'n benoemd tout General Manager Marketing vor al de bedryfsounderdêeln.
Rudy Provoost makte in 1992 den overstap noa Whirlpool als General Manager vo België, woa dat 'n verschillige postn haad van Europeesche VP Consumer Services tout Senior Officer van Whirlpool Corporation. In 1999 wierd Provoost benoemd tout Vice President Brand Group van Whirlpool Europa.
In 2000 startte Rudy Provoost zyn carrière by Philips als Executive Vice President Consumer Electronics Europe. Je wierd in ogustus 2003 benoemd tout Chief Executive Officer Global Sales and Services van Consumer Electronics. Je wierd ton ook lid van de Philips Group Road van Besteur. In 2004 begost Provoost als CEO van Consumer Electronics tout in 2008 en je stapte ton over noa zyn functie van nu als CEO van Philips Lighting. [3] [4] [5]
In september 2011 goa Provoost weg by Philips en je wordt grôotn boas by Rexel in Frankryk, e multinational met 28.000 personêelsleedn, gespecialiseerd in de distribuusje van elektrisch materioal. [6]
Lidmoatschappn[bewerkn]
Provoost is sedert april 2006 lid van de Philips Executive Board en van de Philips group council sedert ogustus 2003. Je was van ogustus 2004 tout meie 2008 president en vôorzitter van de EICTA (European Industry Association) en van 2006 tout 2008 directeur en vôorzitter van de road van besteur van LG-Philips LCD (referentie 9). Vo 't moment is Provoost lid van de board of directors van TCL Corporation sedert januoari 2007 en van de EFQM (European Federation of Quality Management) van april 2008.
