Schosneere

Van Wikipedia
Ga naar: Begunplekkn, zoeken

E schossenele of e sesnêle is e groensel da in den êesten elft van 'n vôrige eeuw redelik algemêen wos. De bynoame is winterasperge of armeluzeasperge.

't Trekt ip een asperge moa der zit e zwarte schelle round. Die pele makt da j' der zwart' and'n van krygt. 't Is vele werk voe da der of te doen.

A ze gescheld zyn, moe je z'in stikskes snyen van 2 toe 4 centimeter. Toen kok je ze met e scheutje azyn omda ze schône blêek zoen bluuvn en ton moe je z'ofwerk'n met e bechamelsause.

Vô de verskillende noamen van de schossenele in de Vlamse streekdialecten, zie in Typische_West-Vlamsche_woordn. In Vrankryk klappn ze van salsifis.

Inhoudstoffn[bewerkn | brontekst bewerken]

De voediengswoarde van 100 gram vesche schossenelen is:

Energetische woarde 69 kcal / 289 kJ
Koolhydroaten 12,5 gram
Eiwit 1,5 gram
Vet 0,5 gram
Vitamine C 5 mg
Vitamine B1 0,05 mg
Vitamine B2 0,02 mg
Kalium 400 mg
Calcium 60 mg
Yzer 1,5 mg

Têelt[bewerkn | brontekst bewerken]

Schossenelen word'n ip zandground ter plekke gezoaid tussn olf april en begun meie. A ze te vroeg gezoaid zyn, kunn'n de plantn goan bloein, moa de wortels bluuvn wel eetboar. Den afstand tussn de reek'n is 20 toe 25 cm, en in de reke tussn 7 toet 8 cm. Ze kunn'n uutgedoan word'n vanaf 't ende van oktober. De wortels kunn'n teegn de winter, en kunn'n hêel de winter uutgedoan word'n, voe zolange of dat de ground nie bevroorn es. De wortels kunn'n toe 50 cm lange word'n. Voe z'uut te doen met d'and, moe j' met e spa langs de wortels e diepe gerre delven, en ton kun je z'uut de ground oalen.

Schossenelen zyn dus êen van de zeldzoame groensels da je deur de winter kud eetn.