Slag by Pavia (1525)

Van Wikipedia
Ga naar: Begunplekkn, zoeken
Slag by Pavia deur Juan de la Corte

De Slag by Pavia (24 februoari 1525) was e gevecht binst den Italioanschn oorloge van 1521–1526, woarin dat de Franschn keunink Frans I verlôor van keizer Karel V. Deur die nederloage wierd ’n gedwoungn van z’n ansproakn ip Nôord-Itoalië ip te geevn en Karel V krêeg nu de macht.

D'Italioansche oorloogn woarn begost in 1494. Itoalië was binst de Renaissance verdêeld in verschillige rivaliserende stoatn die bedreigd wierdn deur d' Europeesche grôotmachtn van dien tyd, surtout Frankryk en Spanje. D’r vochtn Zwitsersche landsknechtn mee.

De Vrede van Madrid in 1526 makte een ende an den oorloge. Achter da vredesverdrag volgde de Damesvrede van Kameryk in 1529, woaby da Karel V vertegenwoordigd was deur z’n tante Margaretha van Oostnryk en Frans I deur z’n moeder Louise van Savoye. De keunink van Frankryk most z’n ansproakn ipgeevn ip ‘t Ertogdom Milaan, ‘t Keuninkryk Napels, Franche-Comté, Doornik, Artesië en Krôonvloandern.