Slikke

Van Wikipedia
Slikke.

Een slikke is een droogvollende ploate ground in een getyenzone. Ze volln droge by lêeg woater en loopn ounder by hoog woater. Slikkn kommn tegenwôordig ollêne vôorn an den Yzermoundienge en in 't Zwin, moar in de vroege Middelêeuwn was 't een belangryke landsvorm an de Vlamsche kust.

Vantydn wordt 't woord slikke gebruukt vor een groundsôorte die verwyst noa de slykachtig ground die blôotkomt by lêeg woater.

Slikkn wordn twê kêern per dag overspoeld. Ton zienkn der klêne, fyne dêeltjies die in 't zêewoater dryvn noa de bodem, wa da plantn verhindert van wortel te zettn. Bovendien is de lage oundeurloatboar, woadeure dat er hem een zwarte lage vormt van zêwier en andere organsimn die doar verrottn.

Slikkn verschilln van schorrn: schorrn stoan ollêne ounder woater by vrê hoog woater, slikkn praktisch by ieder hoog woater. Doadeure zyn slikkn, in tegenstellienge mè schorrn, nie begroeid. Toch komt der veel leevn vôorn in de slikkn, vôorol bêestjies die under in 't zand wegsteekn, en dat is een goeie plekke vo 't eetn vo strandveugels.

Slikkn zyn ook een goeie bronne vo wurms die een visscher an zyn haak kan steekn.