Stern

Van Wikipedia
Ga naar: Begunplekkn, zoeken

Sternn zyn zêeveugels van de familie Sternidae, verwant an de mêeuwn. Sternn zyn weireldwyd versprêed.

Biologie en gedrag[bewerkn | brontekst bewerken]

De mêeste sternn broen in de gemoatigde streekn gelik West-Europa en trekkn over lange ofstandn. Azô vliegt den Arctischn stern ieder joar van zyn broeigebied in 't nôordelik holfround noar Antarctica en were. Een zo'n veugel die geriengd was as een joungstjie (en dus nog nie kost vliegn) up de Farne-eilandn an den ôostkust van Iengeland wierd drie moandn loater weregevoundn in Melbourne in Australië - een ofstand van 22.000 km, of 240 km per dag.

Over 't olgemêen zyn sternn middelmoatige toet grôte veugels mè grysde of witte pluumn, en dikwils mè zwarte makeriengn up zyn kop. Z' hèn een lange snoavel en zwemvliezn an under voetn. Ze zyn lichter gebouwd en mêer gestroomlynd dan mêeuwn, en under vlucht ziet der vrê elegant uut, met under lange vleugels en under gevorkte steirt.

't Mêrendêel van de sternn visschn deur up under prôoie te duukn, dikwils achter dan ze een ende biddn up de zelste plekke. Ze zweevn moa zeldn en zwemmn ook nie regelmoatig, en ton ollêne moa vor een bad te neemn.

Sternn broen in grôte, dicht upêengepakte kolonies, en under nest is dikwils nie mêer dan een poar stokstjies of plantenmaterioal. Sternn leevn over 't olgemêen redelik lank (juuste gelik andere zêeveugels), en van sommige sôortn weetn me dan mêer dan 25 toe 30 joar oud kunn'n wordn.