Teresa van Portugal

Van Wikipedia
Ga naar: Begunplekkn, zoeken
Teresa (Mathilde)
van Portugal
1157-1218
Blason Comte-de-Flandre.svg
Gravinne van Vloandern
Periode 1177-1191
Vôorganger Elisabeth van Vermandois
Ipvolger Margaretha
van den Elzas
Voader Alfons I van Portugal
Moeder Mathilde van Savoye

Teresa van Portugal, of Mathilde (1157 - Veurn, 20 meie 1218) was e Portugeesche infanta (prinsesse). Ze was e dochter van den êeste keunienk van Portugal Alfons I en van Mathilde van Savoye.

In 1177 trouwde ze mè de groaf van Vloandern, Filips van den Elzas. Ze was zyn twidde vrouwe. Ze veranderdeg heur noame no Mathilde, omda ’t zo moeilik was vor heur Portugeesche noame hier goed uut te spreekn.

Vo ’t nieuw land Portugal was e verênigienge mè Vloandern styf belangryk en der kwoamn veel Portugeezn mee, surtout commercantn. Filips kost heur geld goed gebruukn vo zyn oorloge teegn Vrankryk, die deurde tout in 1186.

Teresa kost mè de Fransche keunienk den trouw arrangeern van infante Fernando, e zeune van heur broere Sancho, mè Johanna van Constantinopel, gravinne van Vloandern.

Achter heur vint zyn dôod in 1191 was ze ‘n ende regente over ‘t groafschap Vloandern.

In 1193 is z’hertrouwd met Odo III van Bourgondië, mo je zetteg heur an de kant omda ze gin jounges kost hen, en in 1199 ist ’n hertrouwd met Alix van Vergy.