The Fast Show

Van Wikipedia
Ga naar: Begunplekkn, zoeken

The Fast Show is een Iengelse komische reekse bestoande uut ollemoale korte sketches die zêre achter mekoar kommn ('t es doamee dat 't The Fast Show noemt). Ze moakn vele gebruuk van running gags: bepoalde personages en situoaties kommn hêelsan were.

Der zyn vier reeksen van gemakt gewist tussen 1994 en 2004 en wos in Iengeland moa ôok doabuutn styf populair. De reekse eit 2 BAFTA's gewonn. Little Britain kwam loater en es vrêe duudlik achtergedoan van The Fast Show en wordt doamee ôok wel e ki den ipvolger van The Fast Show genoemd.

De belangrykste acteurs[bewerkn | brontekst bewerken]

Enigte personages en sketches[bewerkn | brontekst bewerken]

  • Ed Winchester (presentator die verre nôois 'n twuk anders zegt dan Hi, I'm Ed Winchester)
  • Ted & Ralph (nen homofiele, beschoamden baron die verliefd es ip zyne werkmens Ted)
  • Carl Hooper (presentator van 't Australische That's Amazing)
  • Unlucky Alf (nen oude vint by wie dat nôois meezit, olsan gevolgd deur zyn uutsproake bugger)
  • Competitive Dad (probeert olsan beter te zyn dan zyne zeune)
  • Arthur Atkinson (stand-up comedian van vôorn 'n oorlog. How queer! Where's me washboard?)
  • Dave Angel (Eco-Warrior)
  • The Off-roaders (Simon Bush en Lindsay Mottram, die off the beaten track goan, moar olsan miserie tegenkomn met under ne jeep)
  • Bob Fleming (oestnde presentator van programma's over 't leven ip de buutn)
  • Chanel 9 (een parodie ip Zuud-Europese televisie. Buono Estente, Boutros Boutros Ghali!)
  • Ron Manager (voetbolcommentator die van de hak ip de tak springt small boys in the park, jumpers for goal posts. Marvellous!)
  • John Actor (speelt hêelsan Monkfishen in een nieuwe dramareeks op de BBC)
  • Rowley Birkin QC (nen alcoholieke adellikken keirel die styf moeilik te verstoan es en zyn verhoaln olsan endigt met I'm afraid I was very, very drunk)
  • Archie (soain caféganger, die ieder beroep ol et uutgevoerd)
  • Billy Bleach (betwetende caféganger)
  • Swiss Toni (nen ottoverkoper die olles wit van de vrouwtjes en olles vergelykt met making love to a beautiful woman)
  • Louis Balfour (presentator van Jazz-club, die olles great vindt)
  • Ken & Kenneth (lichtjes oversekste verkopers van klêern vo vintn Wooh! Suits you, sir!)
  • Johnny Nice Painter (komt hysterisch a 't woord Black volt)
  • Patrick Nice (vindt olles dat 'n tegenkomt Nice, lik 't vindn van de originele versie van den Bybel)
  • Colin Hunt (nen 'gêestigen' kantoorcollega die eigentlik niemand gêestig vindt)
  • Jesse (die hêelsan klapt over 't ginne dat 'n vandeweke g'eetn eit)
  • Checkout Girl (kassierster die ip al je aankopen commentoar gift)
  • Chris Jackson (The Crafty Cockney, steelt olles)
  • Roy and Renée (koppel woadat de vint nietn te zeggn eit)

Doaneffenst zyn der ôok bepoalde uutsproakn die hêelsan were kwoamn (ip de mêest oungepaste momentn) en gekend zyn.

  • You ain't seen me, right?
  • Does my bum look big in this?
  • Does anyone fancy a pint? (byvoorbeeld beist een AA-meeting)
  • I'll get my coat.
  • Sorry, I've just cum.
  • Brilliant (tiener uut Manchester die olles brilliant vindt)

Beroemde fans[bewerkn | brontekst bewerken]

  • Johnny Depp wos 't er nen grôten fan van en mocht ôok ne ki meespeeln by Ken & Kenneth (Suit you).

Externe koppelienge[bewerkn | brontekst bewerken]