Thomas Blondelle

Van Wikipedia

Thomas Blondelle (Brugge, oktober 1982) is e West-Vlamsch'n tenor, operazanger en componist.

Blondelle is de zeune van Ingrid Bonneure en Paul Blondelle, lêroare klassieke toal'n en êredirecteur van 't Sint-Andreasinstituut. Je studeerdege musicologie an de Katholieke Universiteit Leuven, woa dat hy hem mè grôote ounderscheidynge zyn diplom hoaldege in 2006. Je volgdeg' ook stages en masterclasses.

Pryz'n[bewerkn | brontekst bewerken]

  • Êeste prys vo solozang in de wedstryd Axion Classics van Dexia Bank.
  • Twidde prys Prix Jâcques Dôme in Verviers (moarte 2002).
  • Halve finalist Competizione dell'opera in Dresden (meie 2004).
  • Prys vo veelbelovend joung talent ip 't Vinas–concours in Barcelona (januoari 2005).
  • Finalist van 't Concours International de Chant de Marmande (ogustus 2006).
  • Förderpreis für junge Künstler van de Staatstheaterfreunde Braunschweig Duutsland (2007).

Keuniginne Elisabethwedstryd[bewerkn | brontekst bewerken]

In 2011 won Blondelle de twidde prys in de Keuniginne Elisabethwedstryd 2011 vo zang, de beste prestoasje ôois vor e Belg. D'n êeste prys was vo de Zuud-Koreoansche soproan Hong Haeran.

Operacarrière[bewerkn | brontekst bewerken]

  • Van september 2006 tout juli 2009 was 't hy hem solist by 't Stoatstheoater Braunschweig.
  • Je debuteerde in 2009 an de Deutsche Oper Berlin en was te zien in 2 premières.
  • In 't seizoen 2009-2010 wierd hy hem vaste solist an de Deutsche Oper Berlin.

Je trad ook nog ip in 't Saito Kinen Festival in Japan, in de Volksoper Wien en in de Bayerische Staatsoper München.

Concertzanger[bewerkn | brontekst bewerken]

Zyn concertrepertoire omvat de grôote oratoria :

Componist en librettist[bewerkn | brontekst bewerken]

Blondelle is ook componist en librettist. Vo zyn liedern geschreev'n in 1999, 2000 en 2001 het hy hem de KBC Aquarius composiesjeprys gekreeg'n vo jounge componist'n.

Je schreef lieder'n die in 1999, 2000 en 2001 de KBC Aquarius composiesjeprys vo jounge componist'n kreeg'n. Zyn musical Sarah gyng in Brugge in première in moarte 2005. Je componeerde en êeste opera ounder de noame Icaria.

Blondelle werkt ook ols librettist. Je schreef 't libretto vo de kynderopera 'De Witte Slang' van Damien Parmentier.

Externe lynk[bewerkn | brontekst bewerken]