Tour de France 2009

Van Wikipedia
Ga naar: Begunplekkn, zoeken
Tour de France 2009

'n Tour de France 2009, mêestol verkort toet 'n Tour van 2009, is 'n 96stn Tour uut de geschiedenisse.

Vantevôorn is er surtout aandacht egoan no 't werekêern van Lance Armstrong achter dat 'n êentige joarn uuteschid wos en no 'n soap round Tom Boonen, die mo 'n dag vôor 'n start beschid krêeg over of dat 'n nu muchte meidoen of nie achter dat 'n estekt wos voun cocaïne.

Uutendelik wos 't Contador die zounder ol te vele moeite won, me mêer of 4 minuutn vôorn up Andy Schleck. Armstrong stoeg oek up 't podium.

'n Groenn boai wos voun Hushovd, olhoewel dat 'n mor 1 rit won, tegenover 6 voun Cavendish.

Gegeevns[bewerkn | brontekst bewerken]

  • 21 rittn tusschn 4 en 26 juli
  • 3445 km
  • 20 ploegn
  • 180 coureurs

Ploegn[bewerkn | brontekst bewerken]

't Doen 20 ploegn mei, woavan 17 Pro Tourploegn (ollêne Fuji-Servetto muchte nie meidoen deur de dopiengzoakn van 't joar dervôorn (Ricco en Piepoli)) en 3 continentoale ploegn (Skill-Shimano, Cervélo en Agritubel).

De 20 ploegn zyn:

  • AG2R-La Mondiale (FRA)
  • Agritubel (FRA)
  • Astana (KAZ)
  • Bbox Bouyges Telecom (FRA)
  • Caisse d'Epargne (SPA)
  • Cervélo TestTeam (ZWI)
  • Cofidis (FRA)
  • Euskaltel-Euskadi (SPA)
  • Française des Jeux (FRA)
  • Garmin-Slipstream (USA)
  • Katjoesja (RUS)
  • Lampre-N.G.C. (ITA)
  • Liquigas (ITA)
  • Milram (DUI)
  • Quick-Step (BEL)
  • Rabobank (NED)
  • Saxo Bank (DEN)
  • Silence-Lotto (BEL)
  • Skil-Shimano (NED)
  • Team Columbia-HTC (USA)

Coureurs[bewerkn | brontekst bewerken]

Favorietn[bewerkn | brontekst bewerken]

  • Alberto Contador (winnoare in 2007)
  • Carlos Sastre (winnoare in 2008)
  • Cadel Evans (twiddn in 2007 en 2008)
  • Denis Mensjov (winnoare van 'n Giro in 2009)
  • Lance Armstrong (7x winnoare)

West-Vloamiengn[bewerkn | brontekst bewerken]

  • Jurgen Van de Walle (upegeevn achter rit 2 - sleutelbêenbreuke en geperforeerde lounge)
  • Stijn Devolder

Oud en jounk[bewerkn | brontekst bewerken]

  • Oudstn coureur: Iñigo Cuesta (Cervélo, SPA, 40 joar (2 juni 1969))
  • Joungstn coureus: Rigobert Uran (Caisse d'Epargne, COL, 22 joar (26 januoari 1987))

Overzicht rittn[bewerkn | brontekst bewerken]

Rit 1 - 4 juli - Fabian Cancellara[bewerkn | brontekst bewerken]

  • Monaco (15 km - tydrit)
Fabian Cancellara wint met 19 secondn vôorn up Contador (die an 't tusschnpunt up e klem van vierde categorie nog 'n rapstn wos) en 20 up Wiggins. Grôotn verliezer is Mensjov, die ol rechtet mêer of minute verlôor up Contador. Armstrong at 'n tienstn tyd.

Rit 2 - 5 juli - Mark Cavendish[bewerkn | brontekst bewerken]

  • Monaco > Brignoles (182 km)
4 vluchters (Augé, Clement, Dessel en Veikkanen) zyn epakt up 10 km van de mete deur Ignatiev, die zelve 5 km vodder estekt is. In 'n sprint wint Cavendish simpel.

Rit 3 - 6 juli - Mark Cavendish[bewerkn | brontekst bewerken]

  • Marseille > La Grande-Motte (196 km)
4 vluchters (Bouet, De Kort, Dumoulin en Perez) houdn 't uut toet up 30 km van de mete deur en êeste peletong. Deur de stravn wiend van upzyds is er in woaiers ereedn en is 't peletong in twêen escheurd. Olle favorietn buutn Armstrong en 'n gilvn boai Cancellara zittn in 't twidde peletong. Cavendish is wel mei en wint were.

Rit 4 - 7 juli - Astana[bewerkn | brontekst bewerken]

  • Montpellier (38 km - ploegntydrit)
Astana wint vôorn Garmin en Saxo. Armstrong pakt 40 secondn up Cancellara en komt 0,22 secondn te kort voun 't gilf te pakkn. Grôte verliezers zyn Cervélo (Sastre), Silence-Lotto (Evans) en Rabobank (Mensjov).

Rit 5 - 8 juli - Thomas Voeckler[bewerkn | brontekst bewerken]

  • Le Cap d'Agde > Perpignan (197 km)
6 coureurs (Geslin, Goetarovitsj, Ignatiev, Sapa, Timmer en Voeckler) ryen e goeie 200 km up kop. 't Peletong mispakt nem en grakt er nie mi by. Ignatiev spriengt twi kirs up 6 km van de mete, mor is weerepakt. Voeckler goat up 5 km en houdt et. Ignatiev is nog juuste 'n twiddn vôorn 't peletong, woavan da Cavendish 'n sprint wint.

Rit 6 - 9 juli - Thor Hushovd[bewerkn | brontekst bewerken]

  • Girona > Barcelona (175 km)
Van de vier vluchters Augé, Chavanel, Millar en Txurruka bleef ter up 't ende ollêne Millar over. 't Peletong kwam ter nog over en in 'n sprint bergup wos Hushovd 'n rapstn, vôorn Oscar Freire.

Rit 7 - 10 juli - Brice Feillu[bewerkn | brontekst bewerken]

  • Barcelona > Andorra-Arcalis (224 km)
Riblon, Martinez, Gutierrez, Fröhlinger, Feillu, Kern, Pineau, Nocentini en Koesjinski goan in twi kirs weg en up 't ende spriengt Brice Feillu up 'n klem nor Arcalis. En houdt het en wint. Byn de favorietn spriengt Contador weg en niemand ku mei. Rinaldo Nocentini pak het gilf met zes secondn up Contador en achte up Armstrong, Cancellara verliest êentige minuutn.

Rit 8 - 11 juli - Luis Leon Sanchez[bewerkn | brontekst bewerken]

  • Andorra la Vella > Saint-Girons (176 km)
Van e vlucht met 10 coureurs bluuvn der achter 'n Col d'Agnês nog viere over (Astarloza, Casar, Efimkin en Sanchez). Up 't ende sproung Efimkin weg (die hêel 'n dan nietnt edoan hadde omdat 'n e ploegmoat is van Nocentini), mor de reste rochte der nog juuste by en in 'n sprint wint Sanchez vôorn Casar.

Rit 9 - 12 juli - Pierrick Fédrigo[bewerkn | brontekst bewerken]

  • Saint-Gaudens > Tarbes (160 km)
Achter dat Armstrong de koers lam eleid hadde, kus 'n de vier vluchters Duqué, Fédrigo, Pellizotti en Voigt êentige minuutn pakkn. Achter 'n Aspin en 'n Tourmalet blêevn Fédrigo en Pellizotti over. Ze kus 'n 't houdn, in 'n latstn droai beguste Pellizotti te sprintn, mo Fédrigo kus 't er up 't ende nog juuste over. Derde Fransche ritzege en twidde voun Bbox.

Rit 10 - 14 juli - Mark Cavendish[bewerkn | brontekst bewerken]

  • Limoges > Issoudun (193 km)
In 'n rit up de Franschn Nationoaln Fêestdag mucht de ploegn gin ortjes gebruukn, woadeure dat er verre nie ekoerst wos, uut protest. 't Rêedn wel 4 coureurs weg (Dumoulin, Ignatiev, Hupond en Vaugrenard), mo dedie begustn oek mor echt te koersn up 30 kilomeiters van de mete. 't Peletong kust ze egliek nog stekkn en in de sprint wos 't Cavendish die won.

Rit 11 - 15 juli - Mark Cavendish[bewerkn | brontekst bewerken]

  • Vatan > Saint-Fargeau (192 km)
'n Traditioneeln langn vlucht stoeg up noame van Vansummeren en Sapa. Up 5 kilomeiter van de mete wos 't edoan voun nunder en Cavendish won were, zyn vierdn rit.

Rit 12 - 16 juli - Nicki Sørensen[bewerkn | brontekst bewerken]

  • Tonnerre > Vittel (200 km)
In 'n twoofsn rit wos de winste wel voun etwien van e groep vluchters. Lefèvre sproung êest, toune kwaamn Martinez, Pellizotti, Calzati, Fothen en Pauriol derby en 10 kilomeiter vodder oeke Sørensen. Up 22 kilomeiter van de mete gienk Sørensen weg, me Calzati in zyn wiel. Up de grôte 5 kilomeiters rêed 'n Deen oek Calzati derof en wont 'n zyn êestn Touretappe.

Rit 13 - 17 juli - Heinrich Haussler[bewerkn | brontekst bewerken]

  • Vittel > Colmar (200 km)
In en bergachtige etappe wos er ol vroeg (achter 3 km) en demarrage van Moreau, die Garate, Voigt, Uran, Haussler, Chavanel en Perez meikrêeg. 't Wos uuteindelik Haussler die 'n bestn wos en won met mêer of 4 minuutn vôorn up 'n twiddn Txurruka (die nog tope me Brice Feillu wos wegesproungn uut 't peletong).
Freire en Dean zyn beistn 'n rit beschootn met e luchtkarabine.

Rit 14 - 18 juli - Sergei Ivanov[bewerkn | brontekst bewerken]

  • Colmar > Besançon (199 km)
In e plattn rit wos 't Martijn Maaskant die zorgde voun 't begun van e grôotn groep van 12 die wegblêef van 't peletong. 't Wos 'n Rus Ivanov die won.
E motto rydt teegn êentige fans en êen dervan, e vrouwe, overleeft het nie.

Rit 15 - 19 juli - Alberto Contador[bewerkn | brontekst bewerken]

  • Pontarlier > Verbier (207 km)
't Gebeurde vanolles in d'etappe, mo 't wos uuteindelik Contador die toogde wien dat 'n bestn klemmer is. Up 'n klem no Verbier in Zwitserland rêed 'n weg van de reste up 6 kilomeiters van 'n arrivee en pakte 43 secondn up Andy Schleck en mêer of e minute up de reste. E pakte oek 'n gilvn boai.

Rit 16 - 21 juli - Mikel Astarloza[bewerkn | brontekst bewerken]

  • Martigny > Bourg-Saint-Maurice (160 km)
In verschillige golvn wos 't er e kopgroep evormd woavan dat 'n Bask Astarloza won. Voun 't klassement gebeurde der nie vele, buutn Evans die tyd verlôor.

Rit 17 - 22 juli - Fränk Schleck[bewerkn | brontekst bewerken]

  • Bourg-Saint-Maurice > La Grand-Bornand (169 km)
Achter e zwoarn bergrit, blêevn de broers Schleck en Contador over en 't wos Fränk die won. De reste van de groep kwaamn ollemoale up mêer of 2 minuutn an.

Rit 18 - 23 juli - Alberto Contador[bewerkn | brontekst bewerken]

  • Annecy (40 km - tydrit)
Contador won met 't vierde van niet vôorn Cancellara, die surtout in 't latste stik indeliks vele tyd werepakte.

Rit 19 - 24 juli - Mark Cavendish[bewerkn | brontekst bewerken]

  • Bourgoin-Jallieu > Aubenas (195 km)
'n Êen achter 'n aarn groep probeerde weg te groakn, mor uuteindelik wos 't were e massasprint met e logischn winnoare: Mark Cavendish.

Rit 20 - 25 juli - Juan Manuel Garate[bewerkn | brontekst bewerken]

  • Montélimar > Mont Ventoux (167 km)
Van e grôotn groep blêevn an 'n arrivee up de Ventoux Garate en Martin over en 't wos 'n Spanjoard die won. Van de favorietn woarn Andy Schleck en Contador de beste.

Rit 21 - 26 juli - Mark Cavendish[bewerkn | brontekst bewerken]

  • Monterreau-Fault-Yvonne > Parys (160 km)
Traditioneel wos 't up de Champs Elysées e massasprint, die deur Cavendish ewonn is, zyn zesde winste.

Overzicht klassementn[bewerkn | brontekst bewerken]

Rit Winnoare Stand
Jersey yellow.svg
Gilvn boai
Puntn
Jersey green.svg
Groenn boai
Bergkeunienk
Jersey polkadot.svg
Bolletjes
Joungernklassement
Jersey white.svg
Wittn boai
Ploegnklassement
Jersey yellow number.svg
Gilf nummer
Strydlust
Jersey red number.svg
Rôod nummer
1 Fabian Cancellara Fabian Cancellara Fabian Cancellara Alberto Contador Roman Kreuziger Astana Gin prys
2 Mark Cavendish Mark Cavendish Jussi Veikkanen Stef Clement
3 Mark Cavendish Tony Martin Samuel Dumoulin
4 Astana Gin prys
5 Thomas Voeckler Mikhail Ignatiev
6 Thor Hushovd Stéphane Augé David Millar
7 Brice Feillu Rinaldo Nocentini Brice Feillu Christophe Riblon
8 Luis León Sánchez Thor Hushovd Christophe Kern AG2r Sandy Casar
9 Pierrick Fédrigo Egoi Martínez Franco Pellizotti
10 Mark Cavendish Thierry Hupond
11 Mark Cavendish Mark Cavendish Johan Van Summeren
12 Nicki Sørensen Team Saxo Nicki Sørensen
13 Heinrich Haussler Thor Hushovd Franco Pellizotti Heinrich Haussler
14 Sergei Ivanov AG2r Martijn Maaskant
15 Alberto Contador Alberto Contador Andy Schleck Astana Simon Špilak
16 Mikel Astarloza Franco Pellizotti
17 Fränk Schleck Thor Hushovd
18 Alberto Contador Gin prys
19 Mark Cavendish Leonardo Duque
20 Juan Manuel Gárate Tony Martin
21 Mark Cavendish Fumiyuki Beppu
Uutslag Alberto Contador Thor Hushovd Franco Pellizotti Andy Schleck Astana Franco Pellizotti

Eindklassementn[bewerkn | brontekst bewerken]

Gilvn boai

Coureur Ploeg Tyd
1 Alberto Contador (SPA) Jersey yellow.svg Jersey yellow number.svg Astana
2 Andy Schleck (LUX) Jersey white.svg Team Saxo Bank + 4'11
3 Lance Armstrong (VS) Jersey yellow number.svg Astana + 5'24
4 Bradley Wiggins (GB) Garmin-Slipstream + 6'01
5 Fränk Schleck (LUX) Team Saxo Bank + 6'04
6 Andreas Klöden (DUU) Jersey yellow number.svg Astana + 6'42
7 Vincenzo Nibali (ITA) Liquigas + 7'35
8 Christian Vande Velde (VS) Garmin-Slipstream + 12'04
9 Roman Kreuziger (TSJ) Liquigas + 14'16
10 Christophe Le Mével (FRA) Française des Jeux + 14'25

Groenn boai

Coureur Ploeg Puntn
1 Thor Hushovd (NOO) Jersey green.svg Cervélo-TestTeam 280
2 Mark Cavendish (GB) Team Columbia-HTC 270
3 Gerald Ciolek (DUU) Team Milram 148

Bolletjes

Coureur Ploeg Puntn
1 Niemand (dopard Pellizotti)
2 Egoi Martinez (SPA) Euskaltel-Euskadi 135
3 Alberto Contador (SPA) Jersey yellow.svg Jersey yellow number.svg Astana 126

Wittn boai

Coureur Ploeg Tyd
1 Andy Schleck (LUX) Jersey white.svg Team Saxo Bank
2 Vincenzo Nibali (ITA) Liquigas + 3'24
3 Roman Kreuziger (TSJ) Liquigas + 10'05

Ploegnklassement

Ploeg Tyd
1 Astana Jersey yellow number.svg
2 Garmin-Slipstream + 22'35
3 Team Saxo Bank + 28'34

Upgevers[bewerkn | brontekst bewerken]

  • Rit 2
  • Jurgen Van de Walle (Quick-Step, BEL): sleutelbêen ebrookn en geperforeerde lounge
  • Rit 4
  • Piet Rooijakkers (Skil-Shimano, NED): evolln in 'n ploegntydrit en zyn arme ebrookn
  • Rit 5
  • Robert Gesink (Rabobank, NED): pols ebrookn
  • Rit 7
  • Sébastien Joly (Française des Jeux, FRA): ziek, tende
  • Rit 8
  • Koldo Fernandez (Euskaltel, SPA): te loate binn
  • Eduardo Gonzalo (Agritubel, SPA): ziek, tende
  • David Le Lay (Agritubel, FRA): upegeevn
  • Oscar Pereiro Sio (Caisse d'Epargne, SPA): vroeg elost en upegeevn
  • Rit 9
  • Danilo Napolitano (Katjoesja, ITA): te loate binn
Wikimedia Commons