Tour de France 2011

Van Wikipedia
Ga naar: Begunplekkn, zoeken
Overzicht van de rittn

'n Tour de France 2011 is 'n 98sn Tour uut de geschiedenisse. Uutzounderlik wos dat 'n êestn rit gin proloog wos, mor e geweunn rit die ankwam up de Mont des Alouettes en die ewonn is deur Philippe Gilbert. Belangryke veranderiengn zyn de verdêlienge van de puntn voun de groenn boai en de bolletjes, woadeure dan d'echte sprinters en d'echte klemmers die boais kunn pakkn.

Gegeevns[bewerkn | brontekst bewerken]

  • 21 rittn
  • 3430 km
  • 22 ploegn, woavan 2 Belgische (Omega Pharma-Lotto & Quick-Step)
  • 198 coureurs

Ploegn[bewerkn | brontekst bewerken]

't Dein 22 ploegn mei, doavan woarn der 18 Pro Tourploegn. 4 ploegn begunn met 9 coureurs van 't zeste land: Euskaltel (ollemoale Baskische Spanjoardn), Europcar en Saur-Sojasun (ollemoale Fransmans) en Katjoasja (ollemoale Russn).

  • AG2R-La Mondiale (FRA)
  • Astana (KAZ)
  • BMC Racing (VS)
  • Cofidis (FRA) (WC)
  • Euskaltel-Euskadi (SPA)
  • Team Europcar (FRA) (WC)
  • FDJ (FRA) (WC)
  • Team Garmin Cervélo (VS)
  • Team HTC-High Road (VS)
  • Team Katjoesja (RUS)
  • Lampre-ISD (ITA)
  • Team Leopard-Trek (LUX)
  • Liquigas-Cannondale (ITA)
  • Team Movistar (SPA)
  • Omega Pharma-Lotto (BEL)
  • Quick-Step (BEL)
  • Rabobank (NED)
  • Team Radioshack (VS)
  • Saur-Sojasun (FRA) (WC)
  • Saxo Bank-Sungard (DEN)
  • Sky ProCycling (GB)
  • Vacansoleil-DCM (NED)

Coureurs[bewerkn | brontekst bewerken]

Favorietn[bewerkn | brontekst bewerken]

West-Vloamiengn[bewerkn | brontekst bewerken]

Speciaal[bewerkn | brontekst bewerken]

  • Andrey Amador: Team Movistar, 'n êestn Costa Ricoan in 'n Tour.
  • Anthony Delaplace: Saur-Sojasun, 21 joar oud en 'n joungsn coureur.
  • Jens Voigt: Team Leopard-Trek, 39 joar oud en 'n oudstn coureur (e moand ouder of Chris Horner van Team Radioshack).

Overzicht rittn[bewerkn | brontekst bewerken]

Rit 1 - 2 juli - Philippe Gilbert[bewerkn | brontekst bewerken]

  • Passage du Gois > Mont des Alouettes (Les Herbiers)
De vlucht van 'n dag wos voun Roy, Quemeneur en Westra, mo ze kustn 't nie houdn toet up 't ende. Up 10 kilomeiters van 't ende vieln der e masse coureurs en oundermêer Contador verlôor doadeure mêer of e menute up d'aar favorietn. In e sprint bergup wos 't Cancellara die êest gienk, mo Gilbert remonteerde zounder vele rôoi en won vôorn Evans.
  • 1. Philippe Gilbert (BEL - Omega Pharma-Lotto)
  • 2. Cadel Evans (AUS - BMC Racing)
  • 3. Thor Hushovd (NOO - Garmin-Cervélo)

Rit 2 - 3 juli - Garmin-Cervélo[bewerkn | brontekst bewerken]

  • Les Essarts > Les Essarts (ploegntydrit)
Ploegntydrit, ewonn deur Garmin-Cervélo, woadeure dat Thor Hushovd 'n gilvn boai pakt.
  • 1. Garmin-Cervélo (VS)
  • 2. Sky ProCycling (GB)
  • 3. BMC Racing (VS)

Rit 3 - 4 juli - Tyler Farrar[bewerkn | brontekst bewerken]

  • Olonne-sur-Mer > Redon
E vlucht met Bouet, Delage, Guttierez, Ruben Perez en Terpstra krêeg 8 menuutn, mor uuteindelik wos 't e massasprint woarin dat Tyler Farrar wonn, 'n êestn Amerikoan die dat ekunn het up Independence Day.
  • 1. Tyler Farrar (VS - Garmin-Cervélo)
  • 2. Romain Feillu (FRA - Vacansoleil-DCM)
  • 3. José Joaquin Rojas (SPA - Movistar)

Rit 4 - 5 juli - Cadel Evans[bewerkn | brontekst bewerken]

  • Lorient > Mûr de Bretagne
Olhoewel dat Gilbert de grôotn favoriet wos, wos 't Cadel Evans die 'n rit won.
  • 1. Cadel Evans (AUS - BMC Racing)
  • 2. Alberto Contador (SPA - Saxo Bank-Sungard)
  • 3. Alexandre Vinokourov (KAZ - Astana)

Rit 5 - 6 juli - Mark Cavendish[bewerkn | brontekst bewerken]

  • Carhaix > Cap Fréhel
'n Rit endigde up e massasprint, mo de mêeste echte sprinters dein nie mei, buutn Cavendish, die won vôorn Gilbert. Beisn 'n rit woarn der e masse coureurs die vieln (lik Contador), Nicki Sørensen wos omverre ereen deur e motard, die zyn villo oek e hêel ende meislipte.
  • 1. Mark Cavendish (GB - HTC-High Road)
  • 2. Philippe Gilbert (BEL - Omegha Pharma-Lotto)
  • 3. José Joaquin Rojas (SPA - Team Movistar)

Rit 6 - 7 juli - Edvald Boasson Hagen[bewerkn | brontekst bewerken]

  • Dinan > Lisieux
'n Zesdn rit wos e rit woarin da 't mollejoungn rinde. In 'n sprint wos 't Edvald Boasson Hagen die zyn êestn Tourrit won.
  • 1. Edvald Boasson Hagen (NOO - Sky ProCycling)
  • 2. Matthew Goss (AUS - HTC-High Road)
  • 3. Thor Hushovd (Noo - Garmin-Cervélo)

Rit 7 - 8 juli - Mark Cavendish[bewerkn | brontekst bewerken]

  • Le Mans > Châteauroux
E rit voun d'echte sprinters die oek ezo uutdroei: Cavendish toogde nog eki dat 'n 'n rapstn sprinter is.
  • 1. Mark Cavendish (GB - HTC-High Road)
  • 2. Alessandro Petacchi (ITA - Lampre-ISD)
  • 3. André Greipel (DUI - Omega Pharma-Lotto)

Rit 8 - 9 juli - Rui Costa[bewerkn | brontekst bewerken]

  • Aigurande > Super Besse
'n Portugees Rui Costa blêef over van e langn vlucht en won boovn up Super Besse.
  • 1. Rui Costa (POR - Movistar)
  • 2. Philippe Gilbert (BEL - Omega Pharma-Lotto)
  • 3. Cadel Evans (AUS - BMC Racing)

Rit 9 - 10 juli - Luis Leon Sanchez[bewerkn | brontekst bewerken]

  • Issoire > Saint-Flour
Vou 'n twiddn dag tereke won 't er e vluchter die won, mo 't wos surtout en incident met en otto van France 2 woarover dat er mêest ekout wos. Dienn otto stak up e verkêerd moment de 5 vluchters vôorn, moeste de boane upschokkn voun nie teegn e boom te vlammn en rêed teegn Flecha, die rechtet viel en doadeure Johnny Hoogerland meitrok, die top over klôotn in 'n stekkerdroad vlôog.
  • 1. Luis Leon Sanchez (SPA - Rabobank)
  • 2. Thomas Voeckler (FRA - Europcar)
  • 3. Sandy Casar (FRA - FDJ)

Rit 10 - 12 juli - André Greipel[bewerkn | brontekst bewerken]

  • Aurillac > Carmaux
E vlucht me zesse (de Fransche Di Grégorio, Minard, Vichot, El Fares en Delaplace en 'n Italioander Marcato) wos were epakt deur d'achtervolgienge van Omega Pharma-Lotto, die rêedn vou nundern sprinter Greipel. Gilbert sproung nog weg up 't ende, mo 't droei egliek uut up e sprint. Cavendish beguste e tikkeltje te vroeg te sprintn en Greipel kuste nem kloppn en ezo zyn êestn Tourrit winn.
  • 1. André Greipel (DUI - Omega Pharma-Lotto)
  • 2. Mark Cavendish (GB - HTC-High Road)
  • 3. José Joaquin Rojas (SPA - Movistar)

Rit 11 - 13 juli - Mark Cavendish[bewerkn | brontekst bewerken]

  • Blaye-les-Mines > Lavaur
Van e vlucht met zesse blêef Lars Boom 't langste vôorn, mo 't wos uuteindelik egliek e massasprint, 't wos Cavendish die won en nog eki toogde wien dat 'n bestn sprinter van de latste joarn is.
  • 1. Mark Cavendish (GB - HTC-High Road)
  • 2. André Greipel (DUI - Omega Pharma-Lotto)
  • 3. Tyler Farrar (VS - Garmin-Cervélo)

Rit 12 - 14 juli - Samuel Sanchez[bewerkn | brontekst bewerken]

  • Cugnaux > Luz-Ardiden
In 'n êestn bergrit in de Pyreneeën begustn de betere te ryen in de latste ofdoalienge vôorn Luz-Ardiden, up 'n Tourmalet gebeurde der nietnt. 't Wos Philippe Gilbert die deuretrok en ne krêeg Samuel Sanchez en Jelle Vanendert mei. Die twêe hoaldn olle vluchters nog in en lietn oek Gilbert achter. Die twêe blêevn oek juuste vôorn Fränk Schleck, die edemarreerd wos van d'aar favorietn. 't Wos Sanchez die won, Contador verlôor mêer of en hoolve menute up Fränk Schleck en oek e seconde of vichtiene up d'aar favorietn.
  • 1. Samuel Sanchez (SPA - Euskaltel)
  • 2. Jelle Vanendert (BEL - Omega Pharma-Lotto)
  • 3. Fränk Schleck (LUX - Leopard-Trek)

Rit 13 - 15 juli - Thor Hushovd[bewerkn | brontekst bewerken]

  • Pau > Lourdes
In e bergrit die eigentlik gin echtn bergrit wos ('n top van de latstn klem, 'n Aubisque, lei up bykan 50 kilomeiters van de mete), blêevn der en hanfel coureurs vôorn. 't Wos lange Jérémy Roy die ollêne vôorn rêde, mor uuteindelik kustn Hushovd en Moncoutié nem werepakkn en 't wos 'n Nôor die won, in zyn boai van weireldkampioen.
  • 1. Thor Hushovd (NOO - Garmin-Cervélo)
  • 2. David Moncoutié (FRA - Cofidis)
  • 3. Jérémy Roy (FRA - FDJ)

Rit 14 - 16 juli - Jelle Vandendert[bewerkn | brontekst bewerken]

  • Saint-Gaudens > Plateau de Beille
Van e vroegn vlucht blêef Sandy Casar 't langste over, mo ne moeste oek plôoin up 'n klem van Plateau de Beille. Up 7 kilomeiters van 'n arrivee gienke Vanendert weg en 'n hield het uut.
  • 1. Jelle Vanendert (BEL - Omega Pharma-Lotto)
  • 2. Samuel Sanchez (SPA - Euskaltel)
  • 3. Andy Schleck (LUX - Team Leopard-Trek)

Rit 15 - 17 juli - Mark Cavendish[bewerkn | brontekst bewerken]

  • Limoux > Montpellier
Lik voorspeld is er e massasprint, die simpel ewonn is deur Cavendish.
  • 1. Mark Cavendish (GB - HTC-High Road)
  • 2. Tyler Farrar (VS - Garmin-Cervélo)
  • 3. Alessandro Petacchi (ITA - Lampre)

Rit 16 - 19 juli - Thor Hushovd[bewerkn | brontekst bewerken]

  • Saint-Paul-Trois-Châteaux > Gap
'n 16sn rit wos e styvn rappn rit, woarin dat Ryder Hesjedal 'n latstn wos van e vlucht, vôorn dat 'n inhoald wos deur 2 Noorn; zyn ploegmoat Thor Hushovd en Edvald Boasson Hagen. Die drie sprinttn voun de zege en 't wos Hushovd die 't hoalde, vôorn Boasson Hagen en Hesjedal. Contador, Samuel Sanchez en Evans kustn nog wegryen van d'aar favorietn en bitje tyd pakkn.
  • 1. Thor Hushovd (NOO - Garmin-Cervélo)
  • 2. Edvald Boasson Hagen (NOO - Sky)
  • 3. Ryder Hesjedal (CAN - Garmin-Cervélo)

Rit 17 - 20 juli - Edvald Boasson Hagen[bewerkn | brontekst bewerken]

  • Gap > Pinerolo (ITA)
In 'n êestn echtn Alpnrit gienkt er ol vroeg e groeptje van 14 weg, doaby zat er 1 Belg: Bjorn Leukemans. Up 'n klem no Sestrière sproungt Perez Moreno van Euskaltel weg, mor up 'n noastn klem no Pramartino wos 'n weerepakt deur Chavanel en bitje loater oek deur Boasson Hagen. 'n Dienn demarreerde toune van Chavanel en n'hield het uut toet an de mete en wonn zyn twiddn rit. Voun 't gilf verlôor Voeckler e bitje tyd deur at 'n in de latste ofdoalienge uut 'n droai gienk en up en uprit van en huus uutkwam, in 'n zestn droai hadde Hivert van Saur-Sojasun oek ol rechtedeure egoan.
  • 1. Edvald Boasson Hagen (NOO - Sky ProCycling)
  • 2. Bauke Mollema (NED - Rabobank)
  • 3. Sandy Casar (FRA - FDJ)

Rit 18 - 21 juli - Andy Schleck[bewerkn | brontekst bewerken]

  • Pinerolo (ITA) > Col du Galibier (Serre Chevalier)
In 'n keuninginnerit over 3 cols buutn categorie (Colle dell'Agnello, Izoard en Galibier met de mete up 'n klem) gienkt er groeptje weg met doarin oundermêer Dries Devenyns en Maxime Monfort. Up 'n Izoard, up 60 kilomeiters van de mete, demarreerde Andy Schleck en 't gienk niemand mei. In d'ofdoalienge kwam Schleck byn zyn ploegmoat Monfort en tope hoaldn ze iederêen in. In 'n anloop no 'n Galibier, e lastig stik in 't dal met de wiend teegn, dein surtout Monfort en Schleck 't werk, Devenyns dei oek zyn dêel, mor Iglinski en Roche dein nie aars of sleepn. At 'n klem echt beguste, gienk Schleck ollêne deure en ne kuste 't houdn toet an de mete, woa dat 'n e bitje mêer of 2 menuutn idder wos of zyn broere Fränk. Evans, die zevve 2 menuutn ofedoan had van 't gat da Schleck hadde, wos 'n derdn. Voeckler endigde 'n vuufdn, woadeure dat 'n 15 secondn overhield in 'n stand up Andy Schleck. Contador moeste lossn woadeure dat zyn Tour verlôorn wos.
  • 1. Andy Schleck (LUX - Team Leopard)
  • 2. Fränk Schleck (LUX - Team Leopard)
  • 3. Cadel Evans (AUS - BMC Racing)

Rit 19 - 22 juli - Pierre Rolland[bewerkn | brontekst bewerken]

  • Modane > Alpe d'Huez
In e kortn rit van juuste mêer of 100 kilomeiters gienkt er e groeptje weg woavan dan der up 'n top van 'n Galibier ('n twiddn col achter 'n Télégraphe) nog 2 overschôotn: Rui Costa en Riblon. Dedie kustn in 't wiel bluuvn van Contador en Andy Schleck, die wegesproungn woarn van d'aar favorietn. In d'ofdoalienge kuste Samuel Sanchez oek nog were kommn en in 'n anloop nor Alpe d'Huez kust er e groeptje met Evans en oek nog e groep van e man of 40 werekommn. Up da moment gienkn Pierre Rolland en Ryder Hesjedahl weg, ze kustn met bykan e menute an Alpe d'Huez begunn. Doa sproung Contador rechtet weg en niemand kuste mei. Contador liet iederêen achter, mo Sanchez en in zyn wiel Rolland kustn up 't ende werekommn en 't wos Rolland die nog kuste demarreern en ezo 'n êestn Fransman kommn die e rit won. Contador had up e moment mêer of e menute up Evans en de Schlecks, mor uuteindelik hield 'n e hoolve menute over an de mete. Thomas De Gendt kuste mei met de betere en endigde 'n zesdn in e rit woarin dan olle boais buutn 'n groenn van schoers veraardn.
  • 1. Pierre Rolland (FRA - Europcar)
  • 2. Samuel Sanchez (SPA - Euskaltel)
  • 3. Alberto Contador (SPA - Saxo Bank)

Rit 20 - 23 juli - Tony Martin[bewerkn | brontekst bewerken]

  • Grenoble > Grenoble (tydrit)
Cancellara, die 'n grôotn favoriet wos voun 'n tydrit, moeste in de rinne ryen en endigde dus mo 'n achtsn. 't Wos Thomas De Gendt die lange 'n êestn tyd hadde, toet dat Tony Martin doa mêer of menute ounder gienk. 't Wos vaneigns surtout de 57" dat Andy Schleck vôornhadde up Cadel Evans die telde en nog vôorn hoolf koers hadde Evans dadde ol inhoald, an de mete wos 't verschil 2'30 en ezo won 'n Australiër zyn êestn Tour.
  • 1. Tony Martin (DUI - HTC-High Road)
  • 2. Cadel Evans (AUS - BMC Racing)
  • 3. Alberto Contador (SPA - Saxo Bank)

Rit 21 - 24 juli - Mark Cavendish[bewerkn | brontekst bewerken]

  • Créteil > Parys (Champs-Élysées)
Mark Cavendish die wuk dat iederêen dervan verwacht hadde: winn, met e lengte vôorn.
  • 1. Mark Cavendish (GB - Team HTC-High Road)
  • 2. Edvald Boasson Hagen (NOO - Sky ProCycling)
  • 3. André Greipel (DUU - Omega Pharma-Lotto)

Overzicht klassementn[bewerkn | brontekst bewerken]

Rit Winnoare Stand
Jersey yellow.svg
Gilvn boai
Puntn
Jersey green.svg
Groenn boai
Bergkeunienk
Jersey polkadot.svg
Bolletjes
Joungernklassement
Jersey white.svg
Wittn boai
Ploegnklassement
Jersey yellow number.svg
Gilf nummer
Strydlust
Jersey red number.svg
Rôod nummer
1 Philippe Gilbert Philippe Gilbert Philippe Gilbert Philippe Gilbert Geraint Thomas Omega Pharma-Lotto Perrig Quemeneur
2 Garmin-Cervélo Thor Hushovd Garmin-Cervélo Gin prys
3 Tyler Farrar José Joaquin Rojas Mickaël Delage
4 Cadel Evans Cadel Evans Jérémy Roy
5 Mark Cavendish Philippe Gilbert José Ivan Guttierez
6 Edvald Boasson Hagen Johnny Hoogerland Adriano Malori
7 Mark Cavendish José Joaquin Rojas Robert Gesink Yannick Talabardon
8 Rui Costa Philippe Gilbert Tejay van Garderen Tejay van Garderen
9 Luis Leon Sanchez Thomas Voeckler Johnny Hoogerland Team Europcar Flecha & Hoogerland
10 André Greipel Marco Marcato
11 Mark Cavendish Mark Cavendish Mickaël Delage
12 Samuel Sanchez Samuel Sanchez Arnold Jeannesson Team Leopard-Trek Geraint Thomas
13 Thor Hushovd Jérémy Roy Team Garmin-Cervélo Jérémy Roy
14 Jelle Vanendert Jelle Vanendert Rigoberto Uran Team Leopard-Trek Sandy Casar
15 Mark Cavendish Niki Terpstra
16 Thor Hushovd Team Garmin-Cervélo Mikhail Ignatiev
17 Edvald Boasson Hagen Ruben Perez
18 Andy Schleck Rein Taaramäe Andy Schleck
19 Pierre Rolland Andy Schleck Samuel Sanchez Pierre Rolland Alberto Contador
20 Tony Martin Cadel Evans Gin prys
21 Mark Cavendish
Uutslag Cadel Evans Mark Cavendish Samuel Sanchez Pierre Rolland Team Garmin-Cervelo Jérémy Roy

Eindklassementn[bewerkn | brontekst bewerken]

Gilvn boai

Coureur Ploeg Tyd
1 Cadel Evans (AUS) Jersey yellow.svg BMC Racing
2 Andy Schleck (LUX) Team Leopard-Trek + 1'34
3 Fränk Schleck (LUX) Team Leopard-Trek + 2'30
4 Thomas Voeckler (FRA) Team Europcar + 3′20
5 Alberto Contador (SPA) Team Saxo Bank-Sungard + 3′57
6 Samuel Sanchez (SPA) Polka-dotted jersey Euskaltel-Euskadi + 4′55
7 Damiano Cunego (ITA) Lampre + 6′05
8 Ivan Basso (ITA) Liquigas + 7′23
9 Tom Danielson (VS) Jersey yellow number.svg Team Garmin-Cervélo + 8′15
10 Jean-Christophe Péraud (FRA) AG2R-La mondiale + 10′11

Groenn boai

Coureur Ploeg Puntn
1 Mark Cavendish (GB) Jersey green.svg Team HTC-High Road 334
2 José Joaquin Rojas (SPA) Team Movistar 272
3 Philippe Gilbert (BEL) Omega Pharma-Lotto 236

Bolletjes

Coureur Ploeg Puntn
1 Samuel Sanchez (SPA) Jersey polkadot.svg Euskaltel-Euskadi 108
2 Andy Schleck (LUX) Team Leopard-Trek 98
3 Jelle Vanendert (BEL) Omega Pharma-Lotto 74

Wittn boai

Coureur Ploeg Tyd
1 Pierre Rolland (FRA) Jersey white.svg Team Europcar
2 Rein Taaramäe (EST) Cofidis + 0'46
3 Jérôme Coppel (FRA) Saur-Sojasun + 7'53

Ploegnklassement

Ploeg Tyd
1 Team Garmin-Cervélo Jersey yellow number.svg
2 Team Leopard-Trek + 11'04
3 AG2R-La Mondiale + 11'20

Externe koppelienge[bewerkn | brontekst bewerken]