Tryntje

Van Wikipedia
Ga naar: Begunplekkn, zoeken
Carduelis spinus

Tryntje (Carduelis spinus, Sijs in't Nederlands) is e zangveugeltje út de familie van de vienkn.

Het Tryntje kud je vele zien in de winter, ip vetbollekes. Z'én e bitje de maniern van mêezekes, en eetn geirne oundersteboovn. Z'én wok de grotte van e mêezeke, mo ze zyn felder gekleurd in't geel met groen.

Beschryvienge[bewerkn | brontekst bewerken]

Tryntjes én e langde van à peu près 12 centimeters.

Vulgroeide vintjes zyn geel-groene met e bitje zwort ip under kopke, de rik is in stripkes, geel-groen en zwort. De búk ét (contraire an de vlasvienke), wok e gestript dessingske. Under vleugels én e gele strepe.

Het vulgroeide wuvveke is e bitje grysder van kleur, en ét gin zwort ip under kopke.

Ze leevn vele in groepkes.

Teetn[bewerkn | brontekst bewerken]

Tryntjes hangn véle oundersteboovn vo t' eetn. Z' eetn geirne zadjes van verschillende boomn lik de trynnebotte (vandoa de naome) en berkn.

Vlucht[bewerkn | brontekst bewerken]

E tryntje ét e bitje de vlucht van e mêezeke. Kort en me vele snakskes. Oa je ze in e groepke ziet vliegn, ton is't lik e mierenest.

Leefomgevienge[bewerkn | brontekst bewerken]

Verspreidienge van het tryntje (groene = hêel 't joar).

Tryntjes kommn over hêel Europa voorn, en wok in't oostn van Azië.

Ze zittn dikwils in dennebussn, mo 's winters zie je ze mêestol by trynnebottn.

Wikimedia Commons