Unie van Atrecht
De Unie van Atrecht es en overeenkomste geslootn up 6 januoari 1579 in de stee Atrecht (Frans: Arras) tusschn de partyen Artesië, et Kamerykse, et Groafschap Henegouwn en Romoans-Vloandern (mè uutzounderienge van Doornik).
De overeenkomste wos surtout ounder impuls van landvoogd Alexander Farnese up gang gezet en wos e reactie up 'n upstand in de Lege Landn.
De gewestn kwoamn overeen:
- dat er gin plekke nie en mè wos vo buutnlandsche troepn
- da ze de Raad van State goungn organiseern lik ounder Karel V
- da ze ol under privileges van voorn 'n upstand goungn were krygn
- da de katholieke godsdienste nog d'enigste godsdienste zou zyn, andere godsdienstn woarn verboodn
Surtout da letste punt makte 't vo de noordelikke gewestn ounmeugelik vo toe te treedn. Lik reactie ierup èn ze zynder under en poar weekn loater verenigd in de Unie van Utrecht.
't Verbound wos dus dudelik teegn de protestantn en calvinistn gericht. Da wos et gevolg van under geweld teegn katholieke priesters, kerkgebouwn en kloosters. De deelnemers van de Unie van Atrecht verweetn de protestantn dan ze de Pacificoatie van Gent geschoundn addn.
Istorici anzien die twee unies lik et begun van de schiddienge van de Zeventien Provinciën.