Vierschansntoernôoi

Van Wikipedia

Het Vierschansntoernôoi es een toernôoi in het Schansspringn. 't Es het belangrykste toernôoi van 't joar, en lik dat de noame zegt goat het deure ip vier verschillende schansn. Het êeste toernôoi ging deure in 1952, en sindsdien es't joarliks gehoudn, olsan round de joarwisselienge.

De vier schansn[bewerkn | brontekst bewerken]

Gelyk gezeit springn de schansspringers ip vier schansn, en dat in een periode van oungeveer tien doagn, tussn Kestdag en driekeuniengn. Der zyn twêe schansn in Duutsland, en twêe in Ôostnryk, en de toernee gelyk da ze in 't Duuts zeggn, es een ideoale gelegeneid om voo een bitje sportieve rivaliteit te zorgn tussn die twêe landn.

  • Oberstdorf (Duutsland): de Schattenbergschanze: êeste schanse, me een K-punt va 137 meiters
  • Garmisch-Partenkirchen (Duutsland): de Grosse Olympiaschanze, met een K-punt va 115 meiters. Dit es de belangrykste wedstryd van het toernôoi (en dus van het joar). Ie goat oltyd ip 1 januoari deure en es de ênigste schansspringwedstryd die ôok in de landn die traditioneel gin springers ein bekend es. Voo veel minsn stoat ie gelyk me Nieuwjoarsdag, want ie weirdt traditioneel utgezondn achter et concer in Weenn.
  • Innsbrück (Ôostenryk): Bergiselschanze, K-punt 120 meiters
  • Bischofshofen (Ôostenryk): Paul-Ausserleitner-Schanze, K-punt 125 meiters

De wedstryd in 2007-2008[bewerkn | brontekst bewerken]

De wedstryd ging van de joare deure ip 30 december (Oberstdorf, winnoare Thomas Morgenstern), 1 januoari (Garmisch-Partenkirchen, winnoare Gregor Schlierenzauer) , 4 januoari (Inssbrück, Janne Ahonen), en 6 januoari (Bischofshofen, Janne Ahonen). 't Wos den êeste kêe da ze van de nieuwe Große Olympiaschanze in Garmisch-Partenkirchen sproungn. De wedstryd in Innsbrück koste nie deuregoan en es verplatst gewist noa Bischofshofen ip 5 januoari. 't Es nog nôois gebeurd da et vierschansntoernôoi ip drie in plekke van ip vier schansn deureging. Janne Ahonen eit ôok et eindklassement gewonn, en es mè zyn 5 eindoverwinniengn recordouder.

Puntndêlienge[bewerkn | brontekst bewerken]

De wedstrydn van het vierschansntoernôoi zyn ôok specioal omda de puntendêlienge anders es dan in de andere wedstrydn. De springers springn in 25 koppelkes en moakn ounderêen ut wie dat er noo de finallerounde mag. De beste vuuf verliezers weirdn ôok ipgevist en zo koomn we tot dertig dêelnemers in de twêede rounde.

Recente winnoars[bewerkn | brontekst bewerken]

Noast de winnoare per schanse, es't er ôok een regelmoatigheidscriterium. 'Deen die de mêeste puntn g'oald eit over de vier schansn tôpe, es eindwinnoare. De latste joarn es het vierschansntoernôoi gewounn deur: