Vinpôotsalamander

Van Wikipedia

De vinpôotsalamander (Lissotriton helveticus) es een sôorte salamander. Nen andere noame voo de salamander es de droadsteirt of zwemvoetsalamander.

Uutzicht[bewerkn | brontekst bewerken]

Ge keunt de mannekes erkenn an udder zwarte zwemvliezn in de lente en an et kôordje an 't einde van uddern steirt. De rugge es lichtbruun tot olyfgroen en j'eit gin plekkn ip zyn kele. De buuk eit wel plekkn, moar nie zo duudelik als by de klêen woatersalamander en zekers nie by de vrouwkes. Ip de buuk eit de vinpôotsalamander een geel/oranje stri epe. De mannkes koomn 8 cm, de vrouwkes 9 cm grôot.

De larvn koomn 3 tot 5 cm lang. Een typisch kenmerk voo de vinpôotsalamander es het mêer vôorkoomn va neotenie.

Verspreidienge[bewerkn | brontekst bewerken]

In West-Vloandern zie je nie dikwyls nen vinpôotsalamander omdat ie nie vôorkomt in de duunn, de kust- en Scheldepolders en valleien van de riviern. Ge keunt em een bitje vindn in e striepe die begunt round d'euvels van Euvelland en die endigt in Oetulst en round Brugge.

Weunplekkn[bewerkn | brontekst bewerken]

De vinpôotsalamander vind je vôorol by woater an de rand va bossn.

Externe koppelienge[bewerkn | brontekst bewerken]

Wikimedia Commons