Vrije Universiteit Brussel

Van Wikipedia
Campus Etterbeek van de VUB

De Vrije Universiteit Brussel (VUB) is de belangrykste Nederlandstoalign universiteit van Brussel.

Geschiedenisse[bewerkn | brontekst bewerken]

De Vrye Universiteit Brussel is ountstoan uut de Franstoalige ULB die in juni 1834 wierd ipgericht deur een Brusselschn advocoat Pierre-Théodore Verhaegen. 't Was zyn bedoelinge van een universiteit ip te richtn die ounafankelik was van Stoat en Kerke met academische vryeid.

Achter een styf moeilike start met financiële probleemn ging de ULB vanof 't ende van 1800 alsan moa voruut ondanks twi moeilike periodes: den Êeste Weireldoorloge ton dat al de Belgische universiteitn geslootn wierdn, en in 1941 (Twidde Weireldoorloge) ton dat den univ besliste van nie toe te geevn an de inbreukn ip academische vryeid deur de bezetter.

Vanof 1935 wierdn, êest in de faculteit Rechtn, cursussen in 't Nederlands gedoceerd en da wierd geleidelik an uutgebreid noa d' andere faculteitn. Vanof 1963 wierdn in al de faculteitn en scholen colleges in 't Nederlands gedoceerd.

Vanof 1969 wierd de oude unitaire universiteit gesplitst in een Nederlandstoaligen en een Franstoaligen.

Boasisfilosofie[bewerkn | brontekst bewerken]

De VUB et als ênige Vlamsche universiteit 't principe van vry ounderzoek in eur statuutn ingeschreevn. Da principe is gebaseerd ip een tekst van de Fransche wiskundign en nateurfilosoof Henri Poincaré (1854-1912):

Het denken mag zich nooit onderwerpen,
noch aan een dogma,
noch aan een partij,
noch aan een hartstocht,
noch aan een belang,
noch aan een vooroordeel,
noch aan om 't even wat,
maar uitsluitend aan de feiten zelf,
want onderwerpen betekent
het einde van alle denken.

Ip de VUB-zegel stoat de spreuke 'Scientia vincere tenebras' (deur weetnschap de duusternisse overwinn). De spreuke in combinoatie met een bedelzak en twi andn in mekoar gesloan, stoat symbool vo 't vrye en oungeboundn karakter van de VUB. De kleuren (oranje, wit en blauw), de kleuren van de prinselike vlagge van Oranje, verwyzn noa de stryd van de Protestantsche Geuzn en de Prins van Oranje teegn de Spanjoardn en de inquisitie in de 16e êeuwe.

Campussen[bewerkn | brontekst bewerken]

Studentn en personêel[bewerkn | brontekst bewerken]

  • De universitaire gemêenschap telt bykan 9000 studentn en oungeveer 2550 personêelsleedn.

Externe koppelienge[bewerkn | brontekst bewerken]

Wikimedia Commons