Weireldkampioenschappn velokoerse

Van Wikipedia
Ga naar: Begunplekkn, zoeken
Boai in de kleurn van de regenboge

De Weireldkampioenschappn Velokoerse zyn een collectie van velokoersn woarvan da de winnoars udder weireldkampioen meugn noemn. 't Zyn êendagswedstrydn die deuregoan ip 't ende van 't wielersezoen, ievers eind september, begun oktober. Ze weirdn deur de UCI georganiseerd sedert 1927. Sedert 1994 bestoat er ouk e weireldkampioenschap tydrit. D’r bestoat e weireldkampioen in de categoriejn van de elite, de beloften en de vrouwn. De winnoare mag een joar de zogezeide 'regenboogtrui' droagn. At e weireldkampioen ze titel verliest, meugt 'n wel bluuvn met e strieptje in de kleurn van de reegnboge bluuvn ryen.

Organisoasje en parcours[bewerkn | brontekst bewerken]

Der zyn een aantal dingn die et weireldkampioenschap ounderscheidn van normoale koersn: zô es't de ênige koerse die deuregoat met nationoale teams (van 10 man). De koerse weirdt gereen ip een geslootn lokoal parcours in ne (grôte) stad. Deur de lange afstand bluuft de koerse olsan vrêe lange geslootn, en es't soms moar in de latste round(n) dat er iet gebeurt. Omdat 't WK idder joar deuregoat in e angern stad, verschilln de parcours ossan. Nu is ’t e ki plat en zyn de sprinters bevôordeeld, ton were zit er e bergsje in en zyn de klemmers in ’t vôordêel. ’t WK is ol twi keirs in West-Vloandern organiseerd ewist: in 1950 in Môoslee en in 1957 in Woaregem.

Weireldkampioenn elite vintn van de voorbye joarn[bewerkn | brontekst bewerken]

Joar Plekke Goud Med 1.png Zilver Med 2.png Brons Med 3.png
2013 Firenze, Itoalië Portugal Rui Costa Spanje Joaquin Rodriguez Spanje Alejandro Valverde
2012 Valknburg, Holland België Philippe Gilbert Nôorweegn Edvald Boasson Hagen Spanje Alejandro Valverde
2011 Kopenhagen, Denemarkn Verênigd Keunienkryk Mark Cavendish Austroalië Matthew Goss Duutsland Andre Greipel
2010 Melbourne, Austroalië Nôorweegn Thor Hushovd Denemarkn Matti Breschel Austroalië Allan Davis
2009 Mendrisio, Zwitserland Austroalië Cadel Evans Rusland Aleksandr Kolobnev Spanje Joaquim Rodríguez
2008 Varese, Itoalië Itoalië Alessandro Ballan Itoalië Damiano Cunego Denemarkn Matti Breschel
2007 Stuttgart, Duutsland Itoalië Paolo Bettini Rusland Aleksandr Kolobnev Duutsland Stefan Schumacher
2006 Salzburg, Oostnryk Itoalië Paolo Bettini Duutsland Erik Zabel Spanje Alejandro Valverde
2005 Madrid, Spanje België Tom Boonen Spanje Alejandro Valverde Vrankryk Anthony Geslin
2004 Verona, Itoalië Spanje Óscar Freire Duutsland Erik Zabel Itoalië Luca Paolini
2003 Hamilton (Ontario), Canada Spanje Igor Astarloa Spanje Alejandro Valverde België Peter Van Petegem
2002 Zolder en Hasselt, België Itoalië Mario Cipollini Austroalië Robbie McEwen Duutsland Erik Zabel
2001 Lissabon, Portugal Spanje Óscar Freire Itoalië Paolo Bettini Slovenië Andrej Hauptman
2000 Plouay, Vrankryk Letland Romans Vainsteins Pooln Zbigniew Spruch Spanje Óscar Freire
1999 Verona, Itoalië Spanje Óscar Freire Zwitserland Markus Zberg Vrankryk Jean-Cyril Robin
1998 Valkenburg, Holland Zwitserland Oscar Camenzind België Peter Van Petegem Itoalië Michele Bartoli
1997 San Sebastian-Donostia, Spanje Vrankryk Laurent Brochard Denemarkn Bo Hamburger Olland Léon van Bon
1996 Lugano, Zwitserland België Johan Museeuw Zwitserland Mauro Gianetti Itoalië Michele Bartoli
1995 Duitama, Colombia Spanje Abraham Olano Spanje Miguel Indurain Itoalië Marco Pantani

Belgn en West-Vloamiengn[bewerkn | brontekst bewerken]

Tom Boonen als weireldkampioen (2006)

De Belgn zyn et mêest succesvol gewist in de Weireldkampioenschappn: België telt 26 weireldkampioenn, en eit doarmee de êeste platse. Itoalië es twiddes mè 19 kampioenn. Philippe Gilbert wos de latste Belg die gewounn eit, Johan Museeuw de latste West-Vloamieng. Andere Belgn zyn Tom Boonen (2005), Rudy Dhaenens (1990), Claude Criquielion (1984), Freddy Maertens (1981), Eddy Merckx (1974, 1971, 1967), Jean-Pierre Monseré (1970), Benoni Beheyt (1963), Rik Van Looy (1961, 1960), Rik Van Steenbergen (1957, 1956, 1949), Stan Ockers (1955), Briek Schotte (1950, 1948), Marcel Kint (1938), Eloi Meulenberg (1937), Jean Aerts (1935), Karel Kaers (1934), Georges Ronsse (1929, 1928).

Weireldkampioenschappn 2007[bewerkn | brontekst bewerken]

In 2007 gingn de weireldkampioenschappn deure in Stuttgart, van 26 to 30 september. De elite moest 267,4 km ofleggen, de vrouwn en beloftn 133,7 en 171,9 km. De winnoars woarn:

Wikimedia Commons