Weireldkampioenschappn velokoerse 2005

Van Wikipedia
Ga naar: Begunplekkn, zoeken

't Weireldkampioenschap koers 2005 wos organiseerd in Madrid (Spanje) van 20 tout en met 25 september 2005. De koers vo de elite by de mann wos 273 km lank op een euvelachtig parcours. Winnoare wos Tom Boonen.

Koersverloop (elite)[bewerkn | brontekst bewerken]

In ’t êeste dêel van de koers woarn d’r viere vôorn (Vasilev, Lopez Martin, Raison, Muravyev), moa dedie speelnde gin rolle in ’t verder verloop van de wedstryd. ’t Parcours wos 273 km lank, moa ‘t wos moa in de latste 50 km da ‘t spannend kwam.

De Spanjoardn rêedn vele op kop. Zyder wilnde de cours ard moakn, want nunder sprintkanon Oscar Freire dei ni mei. In de vorlatste rounde ontstoug ’t er e nieuw kopgroeptje mi twi Belgen: Philippe Gilbert en Stijn Devolder. D’anger woarn Calcagni, Lagoetin, Davis, Perdiguero, Valverde, Pereiro, Piil, Wegmann, Laverde en Paolo Bettini. Bettini attakeerde en êest koste ollêne Wegmann volgen. Gilbert, Devolder, Valverde, Perdiguero en Piil kostn doarachter ouk ansluutn. ‘t Peletong volgde op minder of 30 secondn.

In de laatste ronde wos olles were t’erdoen. ’t Zag 't er nar uut da ’t e massasprint gounke zyn, en ollêne Petacchi, Robbie McEwen en Boonen speelnde op dat moment nog mei. Karsten Kroon attakeerde en d’r kwam e nieuwn kopgroep mit ouk Vinokourov , Bettini en Leukemans. Nu veranderde ’t van slag om slinger.

In ’n latstn kilometer voerde Peter Van Petegem de forsing: e wilde zyn groeptje werebriegn by de koplopers want van de sprinters adde ollêne Boonen ’t latste klemmetje overleefd (McEwen en Petacchi nieje). Vinokourov, Bettini, Boogerd, Moerenhout, Serrano en Stangelj goungn de latste rechte lyne in, mi e poar meters vôorsproung. Moa d’achtervolgers kêernde were. ’t Belgisch team (met ounder anger Mario Aerts, Nick Nuyens, Peter Van Petegem en Bjorn Leukemans) adde beirewerk verricht.

Alejandro Valverde gounk ’n sprint an. Moar in de latste vichtig meter wos ’n inoald deur Tom Boonen.

Uutslag (elite)[bewerkn | brontekst bewerken]

  1. Tom Boonen Flag of Belgium.svg in 6u 26' 10"
  2. Alejandro Valverde Flag of Spain.svg z.t.
  3. Anthony Geslin Flag of France.svg z.t.
  4. Marcus Ljungqvist Flag of Sweden.svg z.t.
  5. Murilo Fischer Flag of Brazil.svg z.t.
  6. Jakob Piil Flag of Denmark.svg z.t.
  7. Alexandre Kolobnev Flag of Russia.svg z.t.
  8. Andreas Klier Flag of Germany.svg z.t.
  9. Julian Dean Flag of New Zealand.svg z.t.
  10. Martin Elmiger Flag of Switzerland.svg z.t.

Andere winnoars[bewerkn | brontekst bewerken]

  • Tydrit ventn (elite)
  1. Michael Rogers 53' 34" 49 Flag of Australia.svg
  2. José Iván Gutiérrez 53' 58" 26 Flag of Spain.svg
  3. Fabian Cancellara 53' 58" 38 Flag of Switzerland.svg
  • Wegrit ventn (beloftn): Dmytro Grabovskyy Flag of Ukraine.svg
  • Wegrit vrouwn: Regina Schleicher Flag of Germany.svg
  • Tydrit ventn (beloftn): Mikhail Ignatiev Flag of Russia.svg
  • Tydrit vrouwn: Karin Thürig Flag of Switzerland.svg