Willem II van Vloandern

Van Wikipedia
Ga naar: Begunplekkn, zoeken
Willem II van Vloandern
1224-1251
Blason Bourbon-Dampierre.png
Hêre van Dampierre
Periode 1231-1246
Vôorganger Willem II van Dampierre
Ipvolger Gwyde van Dampierre
Blason Comte-de-Flandre.svg
Groaf van Vloandern
Periode 1246-1251
+ Margaretha II
Vôorganger Margaretha II
Ipvolger Margaretha II
Voader Willem II van Dampierre
Moeder Margaretha II

Willem III van Dampierre (1224 - 6 juni 1251) was hêre van Dampierre van 1231, en groaf van Vloandern van 1246 toet 1251 ols Willem II van Vloandern. Je was den oudste zeune van Willem II van Dampierre.

Zyn moeder Margaretha van Constantinopel erfde Vloandern en Henegouwn in 1244, en van da moment begost de Vlams-Henegouwse successieoorloge tusschn de jounges van heur êeste vint Burchard van Avesnes en de jounges van heur twidde vint Willem II van Dampierre.

De Fransche keunienk Lodewyk IX kwam tussn en je besliste in 1246 dat Henegouwn noa ‘t Huus Avesnes zou goan en Vloandern noa ’t Huus Dampierre. Willem kwam groaf van Vloandern, tegoare mè zyn moeder, en Jan I van Avesnes groaf van Henegouwn.

In november 1247 trouwde Willem mè Beatrix van Broabant, dochter van Hendrik II van Broabant en weeuwe van Hendrik Raspe. Z’haan gin jounges.

Van 1248 toet 1250 dêe Willem mee an de zeevnste kruustocht, tegoare mè Lodewijk IX.

J’is gestorvn an zyn kwetseurn van e steekspel in Trazegnies. Zyn moeder was nog vôort gravinne van Vloandern toet da ze in 1278 ofstand dêed vor heur joungere zeune Gwyde van Dampierre.

Achter den dôod van Jan I van Avesnes in 1257 blêef Margaretha nog gravinne van Henegouwn tout da ze stierf in 1280. Ze wierd doar ipgevolgd deur heur klêenzeune Jan II van Avesnes.