Wintersloap
De wintersloap is e maniere vo de winter deure te kommn by verschillige sôortn van bêestn. In de koude wintermoandn is ’t dikwils moeilik vor an eetn te geroakn en ist er winnig beschuttinge in de nateure.
D’r zyn verschillige sôortn van bêestn die e wintersloap oudn lik wêekbêestn, insectn, slangn, schildpaddn, aketissn, amfibien en e poar zoogdiern lik muuzn, vlêermuuzn en egels.
Binst de wintersloap kommn die bêestn in e lethargische (bewegingloze, inactieve) toestand. De lichoamstemperateure doalt styf lêge (hypothermie). De mêeste lichoamsfuncties lik de stofwisselinge, ’t oasemen en de bloedsomloop zyn styf verminderd en ’t erte klopt veel troager of normoal. Azo wordt er bykan gêen energie verbruukt woadeure da de bêestn bykan gin eetn nôdig en. Sommigte leggn e wintervôorroad an en d’r wordt ook gebruuk gemakt van de vetreserves die ipgesleegn zyn binst de warmere moandn.
