Woestenyn an de kustn van de schiereilandn Avalon en Burin

Van Wikipedia

Liggienge van d' ekostreeke in Nôord-Amerika.
Liggienge van de boreoale busschn in de weirld.
Zicht ip de boreoale busschn.
Rizêrvoat Koape Sinte-Marja, woa da de grôote van de broedkolôonje van Jan-van-Gentn (Morus bassanus) ipvolt.

De woestenyn an de kustn van de schiereilandn Avalon en Burin is 'n ekostreeke uut d' ekozôone Nearctis vôgnst de Weirld Nateur-Stichtienge (WWF). D' ippervlakte van d' ekostreeke besloa 207 199 êktoarn [1]. De busschn maakn dêel uut van 't bioom de boreoale busschn of de tajga van nôordlik Kanada [2][3].

Beschryvienge[bewerkn | brontekst bewerken]

De woestenyn an de kustn van de schiereilandn Avalon en Burin bezettn d' uutendn van zuudlikke schiereilandn van Newfoundland, in de Kanadeesche provinsje Newfoundland en Labrador. De joarliksche gemiddelde temprateure bedroagt 5,5 °C. De gemiddlde zoomre-temprateure is 11,5 °C mo dr is veele mist in da sezoen. De gemiddelde wientre-temprateure is -1 °C. De joarliksche neerslag ligt tusschn 1200 mm en 1500 mm. Die ekostreeke is ook blôotgesteld an neevle uut de zêe hêel 't joar deure [4]. De twêe schiereilandn steekn 200 m ooge uut boovn de zêespeegle. De kantn goan boets noa beneen en zyn rotsachtig. Dichte by de kustn ist 't reljif diepe ingesneen deur d' eroozje van de woatre-loopn binst dat in 't binneland de streeke iddre plat en golvnd is. De natte stikkn vormn mêer of 25 % van d' ippervlakte van d' ekostreeke.

Plantn-weirld[bewerkn | brontekst bewerken]

De plantn-bedekkienge van de woestenyn an de kustn van de schiereilandn Avalon en Burin is êenig in Nôord-Amerika. Dr zyn vôorbeeln van glykoardige vegetoasjes te vienn in Ysland, in ’t nôordn van Schotland en ip Spitsbergn. De vegetoasje, oovrêersnd oogvêen, bestoat uut gezelschappn van mossn, korstmossn, Ericaceae en kreupl-oet van boalsm-denne (Abies balsamea).

Bêestn-weirld[bewerkn | brontekst bewerken]

De karieboe (Rangifer tarandus) en 't moras-snêew-oen (Lagopus lagopus) zyn typiesch vo die ekostreeke. De kustn ên rotswandn die geschikt zyn vo 't nesteln van zêeveugls, lkik de Jan-van-Gent.

Bedreigiengn en beschermienge[bewerkn | brontekst bewerken]

Dr wordt geschat da 95 % van die ekostreeke oengerept is. De winnige verstôorienge wordt in d' êeste plekke verôorzakt deur e poar gemêenschappn die lanst de kuste weunn.

Zied ook noa[bewerkn | brontekst bewerken]

Boreoale busschn uut 't Nearctis
NA0601 Boreoale bergbusschn van 't Alaska-Schiereiland Alaska (USA)
NA0602 Busschn van 't sentroal Kanadeesch Schild Kanada
NA0603 Boreoale busschn roend de Cook-Golve Alaska (USA)
NA0604 Boreoale busschn van de Koopre-Ôogvlakte Alaska (USA)
NA0605 Boreoale busschn in ôostlik Kanada Kanada
NA0606 Tajga van 't ôostlik Kanadeesch Schild Kanada
NA0607 Vlakte-tajga van Binn-Alaska en Joekon Kanada/USA
NA0608 Busschn van sentroal Kanada Kanada
NA0609 Busschn van 't westlik Kanadeesch Schild Kanada
NA0610 Tajga tusschn de Muskwa-Bergn en 't Grôot Sleevie-Mêer Kanada
NA0611 Busschn van d' ooglandn van Newfoundland Kanada
NA0612 Busschn van 't nôordlik Kanadeesch Schild Kanada
NA0613 Busschn van de nôordlikke Kordieleera Kanada
NA0614 Tajga van de Nôordwestlikke Gebiedn Kanada
NA0615 Woestenyn an de kustn van de schiereilandn Avalon en Burin Kanada
NA0616 Tajga an de zuudlikke Hudson-Boaje Kanada
NA0617 Drooge busschn van 't binneland van Joekon Kanada


Eksterne koppliengn[bewerkn | brontekst bewerken]

Verwyziengn[bewerkn | brontekst bewerken]

  1. (en) Ecoregion NA0615 : South Avalon-Burin oceanic barrens (Global Species).
  2. (en) Ecoregion NA0615 : South Avalon-Burin oceanic barrens (WWF)
  3. (en) Ecoregion NA0615 South Avalon-Burin oceanic barrens (Nationalgeographic)
  4. (en) Ecoregion NA0615 South Avalon-Burin oceanic barrens (WWF).