Wyndoale

Van Wikipedia
Ga naar: Begunplekkn, zoeken
Uutzicht ip Wiendoale
Sint-Jozefskerke

Wyndoale es een parochie van Toeroet. Wyndoale es vôorol bekend vo zyn kastêel: het Kastêel van Wyndoale.

Geschiedenisse[bewerkn | brontekst bewerken]

Een zekere Zustre Blanca eet ooit gezeid: "tja, da volk van 't Geuznbus, dat eet de noame uut eeke gekapt te zyn: nie gesnoeid, met het erte ip d'anden. Moar da volk had wel een erte van koekebrôod, zuk een da ze zelve moakn en goe sukeren."

Wyndoale is gegroeid van in 't Geuznbus, noa de top van 'Wyndaele Berg', geschid deur een oede spôorweg (nu: de oede tringroute), in de schoaduw van 't middeleeuwse kastêel van de 'Matthieus de Wynendaele'.

‘t Is in Wyndoale dat Maria van Bourgondië van eur peird is gevooln, en woa dat Leopold III de capituloatie teegn Duutsland eet getekend.

't Geuznbus werd ip 30 mei 1912 officieel deur een keuninklik decreet in 't Stoatsblad toet 'Parochie Wyndaele' verheevn. Den dag doarachter ountvieng de Toeroetse dekenye een brief van den Biskop vô da te bevestign. De 5de juni 1912 benoemde Mgr. Waffelaert Camiel Meysmans toet paster. (Camiel Meysmans stound in de volksmound gekend als 'stoete Koarel') De volgende pasters woarn benoemd: Georges Deroulez (1923), Prosper Moncarey (1925), Alberic Deleu (1933), Jozef Neirynck (1938), August Willems (1961) en Paul Depondt (1981). Diene latstn verliet de parochie in 2001, en was azô de latste paster van Wyndaele.

At de parochie ipgericht werd in 1912, werd er zere een nôodkerke gebouwd (wuk da nu de parochiezoale is), en da werd ip de 25sten oktober van da joar ingewyd. Toet tonne had het schooltje van 't Geuznbus - nu geleegn in de Schoolstroate - als nôodkerke gefungeerd.

De hudige Sint-Jozefskerke kwam ter pas ounder de vierde paster, Alberic Deleu. Ip 4 juni 1936 werd het Neo-Romoanse gebouw deur Mgr. Lamiroy ingezegend. De noame van de klokke was 'Koarel', genoemd noa Karel de Goede, de twidde patrôon van Wyndaele.