Zêevounksje
Uit Wikipedia
| Zêevounksje | |||||||||||||
|---|---|---|---|---|---|---|---|---|---|---|---|---|---|
 |
|||||||||||||
| Taxonomische indêlienge | |||||||||||||
|
|||||||||||||
| Sorte | |||||||||||||
| Noctiluca scintillans Linnaeus, 1758 |
Een zêevounksje (Noctiluca scintillans) is een êencellig algsje (dinoflagelloat), dat deur anroakienge mè zeurstoffe (vb. deur de slag van een boare), een chemische reactie oundergoat woadeure dat er een luchtflitse ipgewekt wordt. Da fenomeen gebeurt by warme temperateure, in oundiep woater en by wryvienge.
Noctiluca scintillans wil letterlik zeggn "flitsend nachtluchtje". Vroeger wierd et Noctiluca miliaris genoemd wat da "duusd nachtluchtjes" betêkent.
Noctiluca wordt tout de groep van heterotrofe dinoflagelloatn gerekend. Heterotroof wil zeggn da ze zelve gin voediengstoffn kunn moakn lik plantn, moa da ze angeweezn zyn ip voedseldêeltjes in 't woater.
[bewerkn] Uutzicht
't Algsje ziet er uut lik e klêen deurzichtig ballongsje met e steirtje van achtern (flagel). De diameter is 0,5 toet 1 mm wat da styf grôot is vor een algsje. Vele sôortn fytoplankton zyn nog veel klinder.
De luchtjes van zêevounksjes wordn geproduceerd in specioale organellen (scintillons) en zyn gemakkelik te zien met 't menschelik oge. Ze wordn geproduceerd binst een chemisch proces woaby dat er energie vrykomt. Da proces wordt bioluminiscentie genoemd. De mêeste dinoflagelloatn zendn round de 600 miljoen fototonen in een flitse uut.
[bewerkn] Viezn
Os j' ip e warme zomernacht ip 't strange wandelt, kun je wel e kêe "de sterretjes van de zêe" zien. Schuumkoppn van de boarn luchtn ton ip, wat dat e prachtig zicht is. An de kust wordt 't fosforesceern van de zêe viezn of vierzn genoemd.
