Zwankendamme
Uit Wikipedia
Zwankendamme is een kleen dorptje in de provincie West-Vloandern tusschn Lissewege en Zeebrugge. ‘t Ligt an ‘t Boudewynkanoal en sedert 1932 is ’t officieel een deel van Brugge. ‘t Dorp aad bie de tellienge van 2007 724 inweuners.
Vroeger was ‘t gekend vo z'n glas- en cokesfabrieke moa in ’t begun van de 20e eeuwe woarn d’r ook nog vil andere fabriekn lik een outzoagerie, een exportslachterie en een munitiefabrieke. De cokesfabrieke laag ol lange stille vo da z'afgebroewken wierd. De groend wo dasse vroeger stoend zat vul vergif mo je wor nu heeltergangs gekuust, woadeure dat de kaliteeit van 't leven in Zwankendamme stief an 't verbeter'n is, dasse an 't verbeter'n is!
Zwankendamme ed z'n eigen stoasje achter den iezeren weg van Brugge no Zeebrugge.
[bewerkn] Geschiedenisse
Zwankendamme is ip 23 juni 1932 officieel gewordn, moa de noame bestoat al vele langer. D’r zyn verschillnde theorieën over de oorsprong. De noame komt verzekers van ‘t oude middelnederlandsche woord “swanken” wat da ‘krinkeln’ betekent en ‘dam’ is een dyk. Zwankendamme zou dus “krinkeldyk” willn zeggn. In ieder geval lagt er vroeger, woa da nu ’t Lisseweegs Varretje onder Wulfsberge deurelopt, een hofstee, herberg “Zwankendamme” (mè joartal 1643). Nog vo da die hofstee gebouwd wierd stond er ip de zelfste plekke een “heerlijkheid” mè de noame Zwankendamme die ofankelik was van de “Wulfbergshoeve” die een leenhoeve was van de burg in Brugge. Van die hoeve wast er al sproake in 1429: Binden ambachte en de parochie van lisseweghe, noord-west van der kercke van lisseweghe, recht on de westzijde van der stede dat men heet Wulfsberghe. Moa d'oudste nederzettinge was de “Gaarlemhoeve”, verzekers zelfs ouder of “Ter Doest”. ‘t Zoudt een nederzettinge of heim gewist zyn van een Frankischn kolonist, “Garlingo”. Vandoar de noame “Gerlingoheim”, loater ingekort tot “Gaarlem”.
In 2007 kwam Zwankendamme in 't nieuws omda de menschen d'r mee inzaten dat de d'uutbreidienge van d'have vanZêebrugge under leven oenaangenaam zoe maken.
