Zwevezêle

Van Wikipedia
Zwevezêle
Ofbeeldienge:Wapen van Zwevezele.png

Liggienge in de gemêente Wiengne
Geografie
Provinsje West-Vloandern
Gemêente Wiengne
Coördinoatn 51°02′NB 3°12′OL
Oogteliggienge {{{hoogte}}} m
Ippervlakte km²
Inweuners
Bevolkiengsdichtheid
5.378 (01/01/2007)
/km²
Vintn
Vrown
{{{mannen}}}%
{{{vrouwen}}}%
Andre info
Postcode 8750
Zonenummer
[[ofbeeldienge:{{{foto}}}|300px]]
{{{byschrift}}}

Zwevezêle is een dêelgemêente van Wiengne. De middeleeuwse noame van Zwevezêle was 'Sweveseele', minstns van in de 15e êeuwe. Ter zyn twee parochies: de die van de Platse (Sint Aldegonde) en de die van 'n Hille (Sint Jozef, 1964). In 1965 oad de gemêente 5277 inweuners. Zwevezêle fusioneerde in 1976 met Wiengne.

Geschiedenisse[bewerkn | brontekst bewerken]

De noame Sweveseele is verzekersten ofgeleid van de stam, de Sweven of Sueven die al deur Julius Caesar vermeld woarn. Zelfs Tacitus schreef over de Sueven in zyn werk 'Germania' uut het joar 98: "Wat betreft de Goden vereren ze voornamelijk Mercurius (=Odin), ... Hercules (=Thor) en Mars (=Tyr) ... Een deel van de Sueven offert ook aan Isis." (uit: Axel van Valvrucht, 'Germaanse mythologie, magie en mysteries'.) De noame Zêeland is verzekersten wok ofgeleid van Sueven. (Een 'v' wier vroeger, lik in 't Latyn, uutgesprookn als 'w', cfr. Sverige (Zweden), van doar wok: Zeeuws). In 'Byvoegsel op Marcus van Vaernwyks Historie van Belgis of Kronyke der Nederlandsche Oudheid' (1561) kun je leezn in et vuufde kapittel: "Den naem van Sweven, nog bestaende in den genen van de gemeenten van Zwevelo, in de provincie van Drenthe, Sweveseele, by Meulebeke, en Sweveghem, by Harelbeke, in West-Vlaenderen." De noame Sweveseele veranderde in 1949 officieel en definitief in Zwevezele. In de joarn tsjestig van de verleen êeuw stound er een motofabrieke in Zwevezêle: Claeys-Flandria. Ter woarn ôok twee brouweryen in de Lichterveldestroate. Ze brouwden bier en mohtegen limonoade. Eén van die brouweryen, Callewaert, was zynen tyd verre voruut. Ulder limonoademerk, 'White Star' oad ten latste van achter den Twède Weireldoorlog nen Ingelsen noame (in plekke van ne Fransen dat ton mode was). Moar: ze oan niet allêne witte, gele en roo (grenadine) moar ôok lichtgroene limonoade! Eeuwige roem!

Beziensweirdigheedn[bewerkn | brontekst bewerken]

Kyk noa Bouwkundig erfgoed in Zwevezêle

Den toren van Sint Aldegonde is uut de 15sten êeuw. De reste van de kerke is erbouwd in 1965. Roend de kerke stoan bedevoartskapelletjes ter êre van Sint-Aldegondis die wordt verêerd teegn kanker. In 't nôordn van Zwevezêle liggn de Munck-bussn, met oude schône boomn. Nie bekend, toch styf schône.

Bekende Zwevezêelnoars[bewerkn | brontekst bewerken]

  • Jules Sap (1891? -1966), overlevende van den Titanic, woa dan ze van zyne noame 'Sop' oan gemoakt. Voardege noar Amerika om d'r round Detroit t'elpn in den ôogst van de bêetn. Ter woarn in 't totoal zes Zwevezêelnoars op de Titanic oat-ie zonk; ol in de derde klasse. Loater eet ie nog in Vrankryk in den ôogst gewerkt, als 'Fransman'.
  • Willy Vanneste (°1944), woun in 1967 ne rit in de Rounde van Vrankryk en droeg ter de gelen trui. Won in 1970 de vierdoagse van Duunkerke en woun in 1972 het kampioenschap van Zurich.
  • Joe Harris, alias Georges Lisabeth (1943-2003), zanger (Drink rode wijn, Meisjes zeggen gauw, Ik wil een knoopje aan je bloesje zijn, ...), brocht zyne jeugd deure in Zwevezêle.
  • André Vandewiele (°1926) krêeg den 22sten ogustus 2006 het ereburgerschap van Wiengne-Zwevezêle woar dat-ie geboorn is en weundege tot in 1951.

't citoat[bewerkn | brontekst bewerken]

Raymond van het Groenewoud moakte Zwevezêle onsterfelik in Vloandern in zyn liedje: "Je veux de l'amour" - "'k Heb gezongen in Aalst, Peutie, Zwevezele, Genoelselderen"

Boek[bewerkn | brontekst bewerken]

André Vandewiele, geschiedenis van Zwevezele (2 dêeln).

Gebeurtenissen[bewerkn | brontekst bewerken]

Joarlikse carnavalstoet in februaori, ingericht deur d'orde van de boloetn

Externe koppelienge[bewerkn | brontekst bewerken]

Wikimedia Commons