Annick De Ridder

Dat artikel es geschreevn in 't Noordelik West-Vlams.

Annick De Ridder (Antwerp'n, 4 februoari 1979) is e Vlamsche advocoate en politica vo den N-VA. Z' is sedert 30 september 2024 minister van Mobiliteit, Openboare Werk'n, Hoavens en Sport in de Vlamsche regerienge-Diependaele.

Ipleidienge

Z' hoalde in 1999 heur kandidateure Recht'n an den UFSIA en in 2002 heur licensje an den UIA. In 2013 hoalde z' e postgraduoatsdiplom Corporate Finance an de Katholieke Universiteit Leuvn.

Tusschn 2007 en 2015 was ze lid van de road van besteur van 't Gemeintelik Hoavnbedryf Antwerp'n en tusschn 2019 en 2024 voorzitter.

Polletieke carrière

Van 2007 tout 2011 was De Ridder fractievoorzitter van Open Vld in d' Antwerpsche gemeinteroad, moar ip 25 november 2013 makte z' heur overstap bekend noa den N-VA.

Ze was districtsroadslid van 't stadsdistrict Antwerp'n van 2001 tout 2006. Z' is sedert 2007 gemeinteroadslid van Antwerp'n en tusschn 2019 en 2024 scheep'n. Ze was Vlams Parlementslid tusschn 2004 en 2024. Ze was deilstoatsenateur en fractieleider van de senoat van 2014 tout 2019.

Ofbeeldiengn die ier by passn ku je vien in de categorie Annick De Ridder van Wikimedia Commons.