Arabisch Schiereiland
't Arabisch Schiereiland of kortweg Arabië (Arabisch: شبه الجزيرة العربية shibh al-jazīrah al-ʻarabīyah of جزيرة العرب jazīrat al-ʻArab; eiland van d' Arabiern) is e schiereiland in West-Azië, ten ôostn van Afrika. Met een ippervlakte van 3.237.500 km² is ze 't grotste schiereiland van de weireld, qua omvang te vergelykn met Indië. Ip 't Arabisch Schiereiland liggn neegn landn: Bahrein, Koeweit, Oman, Qatar, Saoedi-Arabië, de Verênigde Arabische Emiroatn en Jemen, moar ook de zudelike dêeln van Irak en Jordanië.
Geografisch gezien wordt 't Arabisch Schiereiland begrensd deur Mesopotamië en de Levant in 't nôordn en nôordwesten en omgeevn deur den Indischn Oceoan: de Perzische Golve, de Stroate van Hormuz en de Golve van Oman in 't ôostn en nôordôostn, d' Arabische Zêe in 't zuudôostn, de Golve van Aden in 't zuudn, de Bab el-Mandeb (Stroate van Mandeb) in 't zuudwestn en de Rôo Zêe in 't westn. 't Grotste dêel van 't schiereiland wordt bedekt deur d' Arabische woestyne, een uutbreidienge van de Sahara.
De regio speelt e belangryke geopolletieke rolle in 't Middn-Ôostn en d' Arabische weireld deur zyn grote vôorroadn olie en goaze.
Karavanne in d' Ad Dahna-woestyne (Saoedi-Arabië) 
Zicht ip Riyad, Saoedi-Arabië 
Ras al-Jinz in Oman, 't mêest ôostelik punt van 't Arabisch Schiereiland
 |
Ofbeeldiengn die ier by passn ku je vien in de categorie Arabian Peninsula van Wikimedia Commons. |