Arabische Zêe

Liggienge van d' Arabische Zêe tusschn 't Arabisch Schiereiland en Indië

D' Arabische Zêe (Arabisch: بحر العرب, Bahr al-'Arab) is e zêe van den Indischn Oceoan die tusschn 't Arabisch Schiereiland en Indië ligt.

De zêe is ca 2.400 kilometer brêed en de maximumdiepte is 5.395 m. D' Arabische Zêe hèt twêe belangryke takkn: de Golve van Aden in 't zuudwestn, die via de zêestroate van Bab-el-Mandeb in verbiendienge stoat met de Rôo Zêe; en de Golve van Oman in 't nôordwestn, die ansluut ip de Perzische Golve. De Golve van Khambhat is een inham van d' Arabische Zêe an de westkust van Indië.

Landn die an de kust van d' Arabische Zêe liggn zyn Indië, Iran, Oman, Pakistan, Jemen en de Verênigde Arabische Emiroatn. Steedn an de kust zyn ounder andere Mumbai in Indië en Karachi in Pakistan.

Ofbeeldiengn die ier by passn ku je vien in de categorie Arabian Sea van Wikimedia Commons.