Arabische weireld

Arabische weireld in 't groen

D' Arabische weireld (Arabisch: العالم العربي, Al-Alam Al-Arabi) omvat e grôte groep landn, surtout geleegn in West-Azië en Nôord-Afrika. Alhoewel dat de mêerderheid van de menschn in d' Arabische weireld etnisch Arabisch is, zyn der ook grôte populoasjes van andere etnische groepn, lik ounder andere Berbers, Koerdn, Somaliërs en Nubiërs. Arabisch wordt in hêel d' Arabische weireld lik lingua franca gebruukt.

De regio strekt hem uut van den Atlantischn Oceoan in 't westn tout d' Arabische Zêe in 't ôostn, en van de Middellandsche Zêe in 't nôordn tout den Indischn Oceoan in 't zuudôostn. 't Ôostelik dêel van d' Arabische weireld stoat bekend lik de Mashreq en 't westelik dêel lik de Maghreb.

D' Arabische weireld bestoat uut de 22 leedn van d' Arabische Liga, een internationale organisoasje, die neffest de 19 Arabische stoatn ook de Comoorn, Djibouti en Somalië omvat.

De landn van d' Arabische Liga zyn:

• Algereye, Bahreyn, de Comoorn, Djibouti, Egypte, Irak, Jemen, Jordanië, Koeweit, Libanon, Libië, Marokko, Mauritanië, Oman, Palestina, Qatar, Saoedi-Arabië, Soedan, Somalië, Syrië, Tunesië en de Verênigde Arabische Emiroatn.