Arroundissement Halle-Vilvoorde
't Arroundissement Halle-Vilvoorde is een van de twè arroundissement'n van de provinsje Vlams-Broabant in België. 't Ligt bykan helegans round 't Brussels Hoofdstedelik Gewest. 't Arroundissement hèt een ippervlakte van 942,93 km² en telde 673.503 inweuners ip 1 januoari 2025.
't Arroundissement is allêne moar een administratief arroundissement. Gerechtelik moak'n de gemeent'n in 't arroundissement deel uyt van 't gerechtelik arroundissement Brussel. Vo de federoale verkiezingn moak'n ze deel uyt van de kieskring Vlams-Broabant. Vo de provinsjeroadsverkiezingn valt 't arroundissement t'hope mè 't gelyknoamig kiesarroundissement Halle-Vilvoorde.
't Arroundissement Halle-Vilvoorde is ountstoan in 1963 by de vastlegginge van de toalgrenzn. 't Arroundissement Brussel van in dien tyd wierd ton gesplitst in drie arroundissement'n:
- 't twètoalig arroundissement Brussel-Hoofdstad met de 19 gemeent'n van de Brusselsche agglomeroasje
- 't Nederlandstoalig arroundissement Halle-Vilvoorde
- 't arroundissement Brussel-Randgemeent'n met de 6 faciliteit'ngemeent'n round Brussel.
In 1971 wierd 't arroundissement Brussel-Randgemeent'n ipgedoekt en wierd'n de gemeent'n by Halle-Vilvoorde gevoegd. In 1977 wierd de gemeente Muyzn ofgestoan an 't arroundissement Mecheln (provinsje Antwerp'n).
Gemêent'n
[bewerkn | brontekst bewerken]
't Arroundissement omvat de volgnde gemêent'n:
|