Babelutte

Van Wikipedia
Naar navigatie springen Naar zoeken springen
Babeluttn
Moeder Babelutte in Blanknberge

Een Babelutte (uutsproake Babbelute), is een sôorte beuterspekke, die in 1885 uutgevoundn is deur Moeder Babelutte, die in Heist leefde van 1841 tout 1912. 't Is een specialiteit van de kust.

Geschiedenisse[bewerkn | brontekst bewerken]

Round d' eeuwwisselienge, was 't moa d' elite die noa de kust ip vakanse kwam. In dien tyd vestigde een jounk en ambitieus koppel hunder ip een hoek in Heist. De vint was temmerman en binst de wintermoandn hield 'n hem bezig me badkarrn moakn en herstelln. In de zomer liept 'n round ip 't strange me Boules de Berlin, gebakkn deur zyn vrouwe. Z'n vrouwe kost ook styf goed Babbeloars bakkn, een spekke die in dien tyd deur vele visschersvrouwn me suker en beuter uut de Polders gemakt wierd. Ze was ook 'n echte commercante en ze verkocht heur nog warme Babbeloars ip een bladje papier an d' elitaire badgastn. Zynder verfranstn de noame Babbeloare noa Babelutte en noemdn de vrouwe van ip den hoek la mère Babelutte.

Moeder Babelutte[bewerkn | brontekst bewerken]

Den dag van vandoage is Moeder Babelutte een familiebedryf me winkels ip verschillige plekkn an de kust. D'r wordn nie allêne Babeluttn verkocht moa nog vele andere soortn spekkn, nougat en chocola.