Barentszzêe

Liggienge van de Barentszzêe ten nôordn van Rusland en Nôorweegn

Grenze van Rusland en Nôorweegn in de Barentszzêe

De Barentszzêe (Noors: Barentshavet; Russisch: Баренцево море, Barentsevo More) is e zêe ten nôordn van Rusland en Nôorweegn. De twêe landn betwistn de liggienge van de zêegrenze, woarby dan de Noorn de vôorkeure geevn an de medioan en de Russn an de meridioan. In 2010 ist er 'n overêenkomst tusschn de twêe landn ofgeslootn.

De zêe wordt in 't zuudn begrensd deur Lapland mè 't Kola-schiereiland en 't verdere vasteland van Rusland. In 't westn ligt de zêe teegn de nôordôostgrenze van de Nôorsche Zêe. An den ôostkant wordt de zêe begrensd deur den archipel Nova Zembla (Joezjny-eiland en Severny-eiland), in 't nôordwestn deur Spitsbergn en in 't nôordôostn deur Frans Jozefland.

Geschiedenisse

De Barentszzêe is genoamd noa den Hollandsche zêevoarder (en oentdekkingsreiziger) Willem Barentsz die in 1596 strandde up Nova Zembla. Moa lange tyd wierd de zêe Moermanskzêe (Russisch: Moermanskoje more) genoamd. 't Zuudôostelyk dêel tusschn d' eilandn Kolgoejev en Vajgatsj, ten nôordn van de Petsjoraboaie en ten zuudn van Nova Zembla wordt Petsjorazêe genoamd. D' êerste volledige bathymetrische koarte van de zêe wierd in 1933 gepubliceerd deur zêegeologe Maria Klenova.

Referensjes

• Akkoord Russn en Norn over Barentszzêe - trouw.nl

Ofbeeldiengn die ier by passn ku je vien in de categorie Barentszzêe van Wikimedia Commons.