De belfortn in België en Vrankryk zyn een uniek totoal van 56 torren, die deur den UNESCO zyn uutgeroepn toet een weirelderfgoed. Dat is omdat een belfort d' uutdrukkienge is van de burgerlike onafhankelikheid in de steedn van 't Groafschap Vloandern en ommestreekn.
In vergelykienge met de kastêeltorre (symbôol van den oadel) en de kerketorre (symbôol van de kerke) vertegenwôordigt 't belfort de macht van 't burgerlik besteur en de commersantn. De belfortn wierdn tussen den 11e en de 17e êeuwe gebouwd en kunn'n van bouwstyle varieern, romoans, gotisch en renaissance toe barok. Winnig torren stoan up under eign. De mêeste belfortn zyn gebouwd up of an een stadhuus of een lakenhalle.
Beholve de burgerlike belfortn hèt de lyste ook drie kerketorren die as uutkyktorre of alarmbeltorre dienst deen: den Onze-Lieve-Vrouwekathedroale in Antwerpen, de Sint-Romboutskathedroale in Mecheln, en de Sint-Leonarduskerke in Zoutleeuw - olle drie in Vloandern.
In 1999 naamt UNESCO 26 Vlamse en 6 Woalse torren up in de lyste Belfortn in Vloandern en Wallonië. In 2005 wierdn 23 belfortn in 't nôordn van Vrankryk en 't Woalse belfort van Gembloers toegevoegd. Nie up de lyste is 't Belfort van 't Stadhuus van Brussel, moa da makt ol dêel uut van 't weirelderfgoed van de Grôte Markt van Brussel.
Belfort. De Burggroafschap van Veurne-Ambachts vroegere zetel bekend als Landhuus en Belfort. 't Landhuus wierd loater 't Justitiepaleis en is tegenwôordig een culturêel gebouw.
Belfort Brugge
Belfort en lakenhalle Yper
Belfort Gent
Stadhuus en Belfort Oudenoarde
Stads- & Lakenhalle Herentals
Stadhuus en Belfort Lier
Belfort Oalst
Belfort Bergn
Belfort Doornik
Belfort Dendermonde
Belfort boven den oude stad en de hangend' hoovn van Thuin
Stadhuus van Mecheln met van lienks noa rechts: Paleis van de Grôte Road, belfort en de lakenhalle
