Belgische federoale regeringe

Dat artikel es geschreevn in 't Noordelik West-Vlams.

De Belgische federoale regeringe is d' uytvoernde macht van België. Ze voert nie alleine de Belgische wet'n uyt, moa ze speelt ook e rolle by de wetgeevnde macht via wetsountwerp'n en amendement'n.

De federoale regeringe bestoat uyt ten hoogste 15 ministers. Doa kun'n ook nog stoatssecretoarisn an toegevoegd word'n. De regeringe is soamngesteld uyt eevnvele Nederlandstoalign of Franstoalign, eventueel den eiste minister uytgezounderd.

De ministers en stoatssecretoarisn zyn de medewerkers van de keunink als hoofd van d' uytvoernde macht.

Sinds 1944 is de zetel van de federoale regeringe gevestigd in de Wetstroate 16, woar dat de Ministerroad de vrydagnucht'nd t'hopekomt.

Soamnstellinge

Volgns de Groundwet benoemt de keunink de ministers van de Belgische federoale regeringe. Moar in de praktyk word'n de ministers meestal deur de partieleiders van de coaliesjepartners geselecteerd.

België het e representatief kiessystème woardeure dat uyt e bepoald kiesgebied verteegnwoordigers uyt meirdere partien word'n angeduyd (in teegnstellinge tout 't meirderheidsstelsel mè moar 1 verteegnwoordiger per kiesdistrict).

Soamnstellinge van de teegnwoordige federoale regeringe

De teegnwoordige regeringe is sedert 2025 de regeringe-De Wever. Die regeringe bestoat uyt de volgnde partien: ██ N-VA (24 zetels) ██ MR (19 zetels) ██ LE (14 zetels) ██ Vooruit (13 zetels) ██ CD&V (11 zetels)

Noame			Functie en bevoegdheed'n
Kernkabinet
	Bart De Wever	N-VA	Premier
	David Clarinval	MR	Vicepremier en minister Werk, Economie en Landbouw
	Maxime Prévot	LE	Vicepremier en minister Buyt'nlandsche Zoak'n, Europeesche Zoak'n en Ountwikkelingssoamnwerkinge
	Frank Vandenbroucke	Vooruit	Vicepremier en minister Sociale Zoak'n en Volksgezoundheid, belast met Armoedebestrydinge
	Vincent Van Peteghem	CD&V	Vicepremier en minister Begrotinge, belast met Administratieve Vereenvoudiginge
	Jan Jambon	N-VA	Vicepremier en minister Finansjes, Pensioen'n, belast met Nationale Loterie en de Federoale Culturele Instellingn
Ministers
	Annelies Verlinden	CD&V	Minister Justiesje, belast met de Noordzeie
	Bernard Quintin	MR	Minister Bin'nlandsche Zoak'n en Veiligheid, belast mè Beliris
	Theo Francken	N-VA	Minister Defensje, belast mè Buyt'nlandsche Handel
	Jean-Luc Crucke	LE	Minister Klimoat, Mobiliteit en Ecologische Transiesje
	Vanessa Matz	LE	Minister Moderniseringe van den Overheid, belast met Overheidsbedryvn, Ambtenoarezoak'n, Regie der Gebouwn, Digitaliseringe en Federoale Weet'nschappelike Instellingn
	Rob Beenders	Vooruit	Minister Consument'nbescherminge, Sociale Fraudebestrydinge, Persoon'n met e handicap en Gelyke Kansn
	Anneleen Van Bossuyt	N-VA	Minister Asiel en Migroasje en Moatschappelike Integroasje, belast mè 't Grootsteed'nbeleid
	Mathieu Bihet	MR	Minister Energie
	Eléonore Simonet	MR	Minister Mid'nstand, Zelfstandign en KMO's

Overzicht federoale regeringn (sinds 2008)

Nr.	Regeringe	Premier	Partien	Begun	Ende	Doagn
92	Leterme I	Yves Leterme (CD&V)	CD&V/cdH, Open Vld/MR, PS	20 moarte 2008	30 december 2008	285
93	Van Rompuy	Herman Van Rompuy (CD&V)	CD&V/cdH, Open Vld/MR, PS	30 december 2008	25 november 2009	330
94	Leterme II	Yves Leterme (CD&V)	CD&V/cdH, Open Vld/MR, PS	25 november 2009	6 december 2011	741
95	Di Rupo	Elio Di Rupo (PS)	PS/sp.a, Open Vld/MR, CD&V/cdH	6 december 2011	11 oktober 2014	1040
96	Michel I	Charles Michel (MR)	MR/Open Vld, N-VA, CD&V	11 oktober 2014	9 december 2018	1520
97	Michel II	Charles Michel (MR)	MR/Open Vld, CD&V	9 december 2018	27 oktober 2019	322
98	Wilmès I	Sophie Wilmès (MR)	MR/Open Vld, CD&V	27 oktober 2019	17 moarte 2020	141
99	Wilmès II	Sophie Wilmès (MR)	MR/Open Vld, CD&V	17 moarte 2020	1 oktober 2020	198
100	De Croo	Alexander De Croo (Open Vld)	PS/Vooruit (sp.a), MR/Open Vld, Ecolo/Groen, CD&V	1 oktober 2020	3 februoari 2025	1586
101	De Wever	Bart De Wever (N-VA)	N-VA, MR, LE, Vooruit CD&V	3 februoari 2025	nu

Ofbeeldiengn die ier by passn ku je vien in de categorie Federal Government of Belgium van Wikimedia Commons.