Belle Epoque Centrum (Blanknberge)

Van Wikipedia
Naar navigatie springen Naar zoeken springen
Belle Epoque Centrum in Blanknberge

't Belle Epoque Centrum in Blanknberge is e museum over de Belle Epoque, de periode tusschn 1870 en 1914.

Geschiedenisse[bewerkn | brontekst bewerken]

In den tyd van de Belle Epoque was de bourgeoisie redelik welgesteld. Deur d' industriële revolutië kwamt er neffest den oudn oadel e nieuwe burgerye by uut den industrie en de commerce. Die elite wilde genietn van 't leven. Ze vluchtegen weg uut d' oungezounde en deprimerende steedn ip zoek noa de nateure en alternatievn vo de vervelinge.

Ip 't ende van de 18ste êeuwe begost 't kusttoerisme ip gank te kommn. Deur den anleg van den yzern weg was 't gemakkelikker gewordn vo noa de kust te kommn. En de ryke toeristn wildegen e comfortabel verbluuf en genoeg ountspanninge.

Blankenberge wierd e belangryke toeristische kuststad me grôte bouwkundige realisoatiës lik de Casino, de piere, de Paravang, luxueuze hotels en kustvilla's. De platselikke visschersbevolkinge, 't personêel en de geweune werkmenschn kostn hunder allêne moa vergoapn an die rykdom.

Centrum[bewerkn | brontekst bewerken]

Drie Blanknbergsche belle-epoquevilla's van 1894 zyn gerestaureerd en verbouwd gewist tout een bezoekerscentrum. D' openinge was in november 2008. Der is een interactieve expositië met affiches, postkoartn, mode, foto's en filmmaterioal. Der is ook te zien wa vor 'n invloed dat de Art Nouveau g'hed het in Blanknberge.

't Belle Epoque Centrum is een initiatief van de Stad Blanknberge en 't is gerealiseerd met de financiële steun van d' Europeesche gemêenschap, Toerisme Vloandern, de Vlamsche Overheid, Provincië West-Vloandern en de stad Blanknberge.

Externe koppelienge[bewerkn | brontekst bewerken]