Bernard Quintin

Dat artikel es geschreevn in 't Noordelik West-Vlams.

Bernard Quintin (1971) is e Brusselschn diplomoat en polletieker vo de Franstoalige liberoale partie MR. J' is sedert februoari 2025 minister van Binnlandsche Zoak'n en Veiligheid, belast mè Beliris, in de Belgische federoale regerienge-De Wever.

In december 2024 wierd ie benoemd tout federoal minister van Buyt'nlandsche en Europeesche Zoak'n, Buyt'nlandschn Handel en Federoale Culturele Instelliengn in de regerienge-De Croo tout februoari 2025, als ipvolger van Hadja Lahbib die Europees commissoaris kwam.

Ipleidienge

Quintin hoalde in 1993 e licensje in middeleiwsche geschiedenisse an den ULB en je was ton e tyd leiroare in België en Mexico. Achter dat ie in 1998 an den ULB e master in d' internationale betrekkiengn hoalde, gieng't ie in november 2001 als ambtenoare werk'n ip 't ministerie van Buyt'nlandsche Zoak'n, Buyt'nlandschn Handel en Internationale Soamnwerkienge.

Vo dat ie minister kwam was't ie beroepsdiplomoat vo België en binn d' Europeesche instelliengn. Je stound bekend als Afrikakenner.

Ofbeeldiengn die ier by passn ku je vien in de categorie Bernard Quintin van Wikimedia Commons.