Bulgoars

Verdêlienge van Bulgoarsche sprekers ip de Balkan: ██ Bulgoars is de toale van de mêerderheid ██ Bulgoars is de toale van e belangryke minderheid

't Bulgoars (български език, bălgarski ezik) is e Sloavische toale van de Zuud-Sloavische groep, die gesprookn wordt deur circa 9 miljoen menschn. De toale is nauwe verwant an 't Macedonisch.

't Is d' officiële toale van Bulgareye en 't makt sedert 2007 dêel uut van d' officiële toaln van d' Europeesche Unie. 't Wordt ook geklapt deur de Bulgoarsche gemêenschappn in Oekraïne, Nôord-Macedonië, Moldoavië, Servië, Roemenië, Hongareye, Albanië, Grieknland en Turkeye.

Alfabet

't Bulgoars wordt geschreevn in 't cyrillisch schrift met 30 letters. Hierounder stoat 't alfabet met de passnde IPA-weirdn:

А а [/a/]?	Б б [/b/]?	В в [/v/]?	Г г [/g/]?	Д д [/d/]?	Е е [/ɛ/]?	Ж ж [/ʒ/]?	З з [/z/]?	И и [/i/]?	Й й [/j/]?
К к [/k/]?	Л л [/l/]?	М м [/m/]?	Н н [/n/]?	О о [/ɔ/]?	П п [/p/]?	Р р [/r/]?	С с [/s/]?	Т т [/t/]?	У у [/u/]?
Ф ф [/f/]?	Х х [/x/]?	Ц ц [/ʦ/]?	Ч ч [/tʃ/]?	Ш ш [/ʃ/]?	Щ щ [/ʃt/]?	Ъ ъ [/ɤ/]?	Ь ь [/ʲ/]?	Ю ю [/ju/]?	Я я [/ja/]?

Grammatica

In 't Bulgoars zyn d' oorsprounkelike noamvalln verre hêlegans verdweenn. Doarom is ’t gemakkeliker of vele andere Sloavische toaln. Ter vergelykienge: 't Russisch kent nog 6 noamvalln en 't Pools zelfs 7.

't Bulgoars, t'hope mè 't Macedonisch, verschilt ook van andere Sloavische toaln deur 't ountbreekn van den infinitief van e werkwoord en deur 't gebruuk van lidwoordn. Die lidwoordn wordn lik achtervoegsel achter 't woord geplatst.

Zie de Bulgoarse uutgoave van Wikipedia.

Ofbeeldiengn die ier by passn ku je vien in de categorie Bulgarian language van Wikimedia Commons.