Stêenkrabbe

Van Wikipedia
(deureverweezn van Carcinus maenas)

De stêenkrabbe of strangekrabbe (Carcinus maenas) is e zwemkrabbe van de orde tienpôtigen die vele vôornkomt an de Vlamsche kust.

Uutzicht[bewerkn | brontekst bewerken]

Stêenkrabbn zyn bruungroen tout rôodachtig van kleur en blêker an den ounderkant. Ze wordn 4 tout 6 cm grôot. Z'hen twi schoarpôotn en vier poar looppôotn. De rugge wordt bedekt deur e pantser (carapax) dat uut één stik bestoat. 't Achterlyf is noa vôorn geboogn ounder de buuk. An de vôorkant hen ze twi oogn ip steeltjes en twi antennes. Round de mound hen ze zes poar pôotjes, die e rolle speeln by 't eetn.

Levenswyze[bewerkn | brontekst bewerken]

Stêenkrabbn loopn lik de mêeste krabbn ipzyds. Ze zyn 's nachts actief en groavn hunder overdag in. Ze leevn 3 tout 4 joar.

Voedinge[bewerkn | brontekst bewerken]

Stêenkrabbn eetn oas en plantn, mor ook levende prôoin lik worms, visjes, schelpbêestn en geirnoars.

Vôortplantinge[bewerkn | brontekst bewerken]

De wuvetjes kunn verschillige kêern 's joars bevrucht wordn, mor allêne os ze juste verveld (verschoald) zyn. Hêel 't joar deure zyn d'r wuvetjes die met eitjes roundloopn ounder 't buukpantser. Achter da 't bêestje uut 't ei gekroopn is, zyn d'r 4 stadia vo dat de larve een echte krabbe gewordn is.

Leefgebied[bewerkn | brontekst bewerken]

Stêenkrabbn leevn ip zanderige en rotsachtige kustn an de Nôordzêe en de Waddnzêe, mor ook an d' Atlantische kustn van Nôord-Amerika.

Wikimedia Commons Mêer ofbeeldiengn die ier by passn ku je vien ip Carcinus maenas ip Wikimedia Commons.