Centroal-Macedonië

Dat artikel es geschreevn in 't Noordelik West-Vlams.

---

Ligginge van Centroal-Macedonië in Grieknland

Centroal-Macedonië (Grieks: Κεντρική Μακεδονία, Kentriki Makedonia) is êen van de dertien periferien (regio's) van Grieknland. 't Ligt in 't nôordn van 't Grieks vasteland. De regio hèt een ippervlakte van 18.810,52 km² en telt 1.795.669 inweuners (2021). Den hoofdstad en grotste stad van Centroal-Macedonië is Thessaloniki.

Vlagge

In 't westn grenst 't an West-Macedonië, in 't zuydwestn aan Thessalië en in 't ôostn an Ôost-Macedonië en Thracië. In 't nôordn grenst 't an de landn Bulgareye en Nôord-Macedonië. Te zuydn van de regio ligt d' Egeïsche Zêe. De monnikstoat Athos, geleegn ip e schiereiland van Centroal-Macedonië, hè sedert 1926 een autonome stoatus en valt direct ounder de Grieks-orthodoxe Kerke.

Centroal-Macedonië bestoat uyt zeevn regionoale districtn (perifereiaki enotita):

• Chalcidice (Χαλκιδική)
• Imathia (Ημαθία)
• Kilkis (Κιλκίς)
• Pella (Πέλλα)
• Piëria (Πιερία)
• Serres (Σερρες)
• Thessaloniki (Θεσσαλονίκη).

Ofbeeldiengn die ier by passn ku je vien in de categorie Central Macedonia van Wikimedia Commons.