Danaïedn
De Danaïedn (Oudgrieks: Δαναΐδες Danaḯdes) zyn in de Grieksche mythologie de 50 dochters van keunienk Danaos van 't oude Libië.
Danaos vluchtte mè zyn dochters noar Argos, omda zyn twilliengbroere Aigyptos de meisjes wilde verplichtn van te trouwn mè zyn 50 zeuns. Moa den trouw gieng algelyk deure teegn hunder goeste. Danaos zette zyn dochters oender druk vor hunder vintn te vermôordn ip den huweliksnacht. Juste moa d' oudste dochter, Hypermnestra, spoarde heur vint (Lynceus) omda z' hem geirn zag.
Os straffe vo 't vermôordn van hunder vintn, wierdn de 49 andere dochters deur de goodn noa de Tartaros (den oenderweireld) gezoendn. Doar wierdn ze verôordêeld toet een êeuwige, zinloze kwellienge. Ze mostn woater bluuvn droagn in e bodemloos vat.
D' uutdrukkienge "'t Vat van de Danaïedn vulln" betêeknt da j' e zinloze toake moet uutvoern, die nôois ofgerakt.
 |
Ofbeeldiengn die ier by passn ku je vien in de categorie Danaides van Wikimedia Commons. |