Tienpootign

Van Wikipedia
(deureverweezn van Decapoda)

Tienpootign (Decapoda) zyn 'n orde van krêeftachtign in de klasse Malacostraca, woaroender vele gekende soortn lyk de krabbn, krêeftn en geirnoars. De meeste zyn oaseters. D' orde bevat noa schattienge bykans 15.000 soortn in oengeveer 2.700 geslachtn, met oengeveer 3.300 fossiele soortn. Bykan den helt van de soortn zyn krabbn. De geirnoars (3.000 soortn) en Anomura, woaroender heremietkrêeftn en porseleinekrabbn (2.500 soortn), moakn 't grotste deel uut van de reste.

Tienpootign kunn wel 38 anhangsels hèn. Vuuf poar van die anhangsels zyn looppootn (pereopoodn) ip de latste vuuf segmentn van de thorax. By vele tienpootign droagt één poar van die looppootn schoarn. An de voorkant van de pereopoodn zyn der drie poar anhangsels die zorgn vo de voedienge. An de kop zyn der vuuf poar anhangsels, woaroender moenddeeln en antennes. An 't achterlyf zyn der vuuf poar zwempootn, de pleopoodn. Nog e latste poar, die uropoodn genoemd wordn, vormn de steirt t'hope met de telson.

Taxonomie[bewerkn | brontekst bewerken]

D' orde Decapoda telt recent 14.756 soortn.

  • Oenderorde: Dendrobranchiata
    • Superfamilie: Penaeoidea
    • Superfamilie: Sergestoidea
  • Oenderorde: Pleocyemata
    • Infraorde: Stenopodidea
    • Infraorde: Caridea (geirnoars)
    • Infraorde: Astacidea (krêeftn)
    • Infraorde: Glypheidea
    • Infraorde: Axiidea
    • Infraorde: Gebiidea
    • Infraorde: Achelata
    • Infraorde: Polychelida
    • Infraorde: Anomura
    • Infraorde: Brachyura (krabbn)
Wikimedia Commons