Democroatn 66

Democroatn 66 (Nederlands: Democraten 66, ofgekort: D66, tout 1985: D'66) is een Hollandsche polletieke partie met e socioalliberoale signateure. Ze noemn hunder zelve progressief, socioalliberoal en ook wel vryzinnig. De partie wierd ipgericht ip 14 oktober 1966 in Amsterdam. D' ambiesje was e progressieve, nie-dogmoatische, moa pragmoatische volkspartie te zyn mè mêer zeggnschap van burgers in al d' openboare besteursorgoann, van hoge tout lêge. Nog assan is de partie vôorstander van administratieve vernieuwienge, moa der stoan ook andere thema's centroal, lik individuele ountplooiienge en Europeesche soamnwerkienge.

By de Twêede Koamerverkieziengn van 29 oktober 2025 (best te vergelykn met de Belgische Koamer van volksverteegnwoordigers) hoalde D66 mè 26 zetels heur beste resultoat ôois en kwam ze de grotste partie. Doadeure leverde de partie vo den êerste kêe de minister-president: Rob Jetten, die ip 23 februoari 2026 beëdigd wierd als minister-president van 't kabinet-Jetten.

Achter de Twêede Koamerverkieziengn van 1967 kwam D'66 de Twêede Koamer binn mè zeevn zetels. Sedertdien zyn de verkieziengsresultoatn wisselvallig verloopn. By de verkieziengn van 2025 hoalde D66 mè 26 zetels 't grotste antal zetels in zyn bestoan en kwam ze de grotste partie van Holland.

Volksverteegnwoordigienge

D66 hè meegedoan an acht kabinettn. De volgnde menschn zyn vicepremier gewist:

Hans van Mierlo
Jan Terlouw
Els Borst
Thom de Graaf
Laurens-Jan Brinkhorst
Kajsa Ollongren
Wouter Koolmees
Sigrid Kaag
Rob Jetten (vervangienge van Sigrid Kaag)

Externe link

Officiële website

Ofbeeldiengn die ier by passn ku je vien in de categorie Democraten 66 van Wikimedia Commons.