Deyle
De Deyle (Nederlands: Dijle, Frans: Dyle, Woals: Tîle) is e riviere die deur de Belgische provinsjes Woals-Broabant, Vlams-Broabant en Antwerpn stroomt. 't Is e zyriviere van de Rupel en ze makt dêel uut van 't stroomgebied van de Schelde. 't Gebied ten ôostn van Brussel, woar dat de Deyle deure stroomt, noemt 't Deyleland.
De belangrykste plekk'n an de Deyle zyn Ottignies-Louvain-la-Neuve, Woaver, Leuvn en Mecheln.
De Deyle ountspriengt in Houtain-le-Val (Genappe), in de provinsje Woals-Broabant. Verder noa 't nôordn stroomt de Deyle deur Leuvn woar da z' e vuuftal zyoarms vormt. In Werchter (Rotseloar) moundt de Demer uut in de Deyle, die ton in nôordwestelike richtienge noa Mecheln stroomt. Vorby die stad moundn de Zenne en 't Kanoal Leuvn-Deyle in de Deyle uut, an 't Zennegat. Ten nôordn van Mecheln vormt de Deyle t'hope met de Nete de Rupel.
De Deyle komt Leuvn binn via de grôte sluyze (Grote Spuy) 
De Deyle in Leuvn 
De Deyle in Mecheln
 |
Ofbeeldiengn die ier by passn ku je vien in de categorie Dijle van Wikimedia Commons. |