Frans Pourbus den Oudern

Van Wikipedia
(deureverweezn van Frans Pourbus den Oudn)

Portreit van e vint, meugelyks e zelfportreit

Frans Pourbus den Oudern of Frans Pourbus I (Brugge, 1545 - Antwerpn, 19 september 1581) was e Vlamsche kunstschilder die surtout bekend is vo zyn portreitn en religieuze composiesjes. Je schilderde ook e poar genretaferêeln. Je was de zeune van de prominente Brugsche schilder Pieter Pourbus en de voader van Frans Pourbus de Joengern die een internationale portreitist kwam van den Europeeschn oadel. Zyn moeder was Anna Blondeel, dochter van de kunstnoare Lanceloot Blondeel.

Frans Pourbus krêeg zyn êeste ipleidienge van zyn voader. Je werkte in 1564 in de beroemde schildersatelier van Frans Floris in Antwerpn.

Je trouwde mè Suzanne Floris, nichte van zyn mêester Frans Floris en dochter van beeldhouwer en architect Cornelis Floris de Vriendt. Ze krêegn vier joengers woaroender Frans Pourbus de Joengern. In 1569 was Frans Pourbus geregistreerd ols mêester van de Sint-Lucasgilde in Brugge en ook in de Sint-Lucasgilde in Antwerpn.

In 1578 stierf zyn vrouwe en j' hertrouwde met Anna Mahieu, dochter van de schilder Jan Mahieu. Ze krêegn e zeune die Mozes noemde, e noame die der zou kunn ip wyzn dan ze Calvinistn woarn.

Werk[bewerkn | brontekst bewerken]

Religieuze werkn

Frans Pourbus krêeg vele ipdrachtn vo religieuze composiesjes. Je schilderde 14 panêeln die de geschiedenisse van Sint-Andreas (1572) uutbeeldn en e drieluuk van Viglius Aytta (1571) vo de Sint-Boafskathedroale van Gent. In 1574 krêegt 'n e belangrykn ipdracht van de Sint-Moartensabdie in Dôornik vo 't koor van de kerke ipnieuw te decoreern achter de schoa veroorzakt deur de Beeldnstorm van 1566.

Portreitn
Genretaferêeln
Wikimedia Commons