Naar inhoud springen

Golden Globe

Winnoare van e Golden Globe
Van Wikipedia
Golden Globes

Golden Globes logo (sinds 2024)


Den HFPA-trofee van 1955 toet 2023[1]
Udige uutreikienge 83ste Golden Globe Awards
Uutgereikt vo Uutzounderlikke prestoaties in internationoale film en televizje
Presentateur Hollywood Foreign Correspondents Association (1943–1954)
Foreign Correspondents of Hollywood (1951–1954)
Hollywood Foreign Press Association (1955–2023)
Dick Clark Productions (Penske Media Corporation en Eldridge Industries) (sinds 2024)
Land Verênigde Stoatn
Êeste uutreikienge 20 januoari 1944
Netwerk KTTV (1960–1964)
NBC (1965–1968, 1978, 1996–2021, 2023)
CBS (1981–1982; sinds 2024)
Gesyndiceerd (1983–1988)
TBS (1989–1995)
Peacock (2023)
Paramount+ (sinds 2024)
Website goldenglobes.com

De Golden Globes zyn pryzn die uutgereikt wordn vo uutzounderlikke prestoaties in internationoale film en televizje. 't Is e joarlikse prysuutreikienge die ol sinds 1944 g'oudn wudt vo kunstenoars, professionals en nunder werk t' êern. De ceremonie goat normoal gezien elkn januoari deure, en is e belangryk ounderdêel van 't pryzenseizoen (awards season) in de filmindustrie, da joarliks zyn oogtepunt bereikt met d' Oscars (Academy Awards). De periode woarin da films en series in anmerkienge kommn vo de Golden Globes lopt van 1 januoari toet 31 december. De Golden Globes wierdn nie uutgezoundn ip d'n tivve in de joarn 1969 toet 1972, in 1979, en in 2022. De ceremonie van 2008 wierd ofgelast deure van de stoakienge van de Writers Guild of America, binst da de ceremonie van 2022 wierd ofgebouwd noar e gala da nie wierd uutgezoundn omdan d'r gin zenders woarn die 't wildn uutzendn.

De ceremonie wierd ôorsprounkelik ipgericht en g'organiseerd deur de Hollywood Foreign Press Association (HFPA), e groep die internationoale journalistn verteegnwoordigde die over d' amusementsindustrie van de Verênigde Stoatn schrêevn. In 2022, binst kritiek en boycotts van d' HFPA over under maniere van werkn (ounder andren e gebrek an diversiteit by de leedn), miek d'n interim-CEO Todd Boehly bekend da de Golden Globe Awards gienkn ommegevormd wordn toet e winstgevend bedryf (for-profit) ounder zyn investeriengsfirme Eldridge Industries ( 't moederbedryf van Dick Clark Productions, dat al sinds 1993 de Golden Globes produceerde). Doaneffest gienk er een nieuw non-profitbedryf upgericht wordn vo de filantropische activiteitn van d' HFPA vôort te zettn. D' erstructureerienge wierd ip 12 juni 2023 van kracht, woaby da de Golden Globes wierdn overgepakt deur Dick Clark Productions, en de filantropische activiteitn van d' HFPA overgiengn noa de Golden Globe Foundation.

Geschiedenisse

[bewerkn | brontekst bewerken]

De Hollywood Foreign Press Association (HFPA) wierd in 1943 ipgericht lik de Hollywood Foreign Correspondent Association (HFCA) deur buutnlandse journalistn in Los Angeles die e beter g'organiseerd proces wildn vo 't verzoameln en verdêeln van cinemanieuws noa nie-Amerikoansche marktn.[2][3][4][5] Êen van d' êeste grôte doeln van d' organisoatie wos 't iprichtn van e ceremonie, gelykig an d' Oscars (Academy Awards), vo filmprestoaties t' êern. D' êeste Golden Globe Awards-ceremonie, die de beste prestoaties in de filmweireld van 1943 êerde, wierd g'oudn in januoari 1944 in de studio's van 20th Century-Fox. De joarn d'rup wierdn de ceremonies ip verschillige lokoaties g'oudn, woarounder 't Beverly Hills Hotel en 't Hollywood Roosevelt Hotel.

Henrietta Awards van de Foreign Press Association of Hollywood

[bewerkn | brontekst bewerken]

In 1950 splitstn e poar journalistn nunder of van d' HFCA vo de Foreign Press Association of Hollywood (FPAH) ip te richtn. 't Wos de FPAH die d'n Henrietta Award vo World Film Favorite (Weireldwyde filmfavoriet) instelde. Dien prys wierd loater, achter da de FPAH en de HFCA in 1955 fusioneerden, uutgedêeld deur de nieuwe organisoatie, de Hollywood Foreign Press Association. De noame "Henrietta" wierd wel behoudn toet in 1980 (vo 't filmjoar 1979).[2]

De FPAH ield nunder êeste World Film Favorite Festival ip 27 januoari 1951, woaby dan ze Henrietta Awards uutdêeldn in verschillige categorieën. D'n prys, een iengel boovn e weireldbolle ip viere ôge piloarn, wierd vernoemd noa de president van de FPAH, Henry Gris. De winnoars van d'n Henrietta vo World Film Favorite woarn Gregory Peck en Jane Wyman. Ip 't twidde World Film Favorite Festival van de FPAH ip 26 januoari 1952, wos d'n Henrietta e grôot standbeeldje van e blôte vrouwe met e blomme in eur andn. Ip boasis van een internationoale poll by 900 gazettn, tydschriftn en radiostations, krêegn Alan Ladd en Esther Williams de goudn Henrietta vo Weireldfavorietn. Zilveren Henrietta's vo "Best Young Box Office Personality" wierdn gegeevn an Leslie Caron, Tony Curtis, John Derek, Mitzi Gaynor, Marilyn Monroe en Patrice Wymore. Ip 't derde festival da g'oudn wierd ip 14 februoari 1953, wonn'n John Wayne en Susan Hayward de goudn Henrietta's.[2]


De HFCA bleef intusschn nunder eign Golden Globe Awards udn. In 1950 ad de HFCA een specioalen êreprys ingesteld om uutzounderlikke bydraagn an d' amusementsindustrie t' erkenn'n. D'n êesten prys wierd gegeevn an regisseur en producent Cecil B. DeMille, vo zyn internationoale rolle bin'n de filmweireld. D' officiële noame van d'n prys wierd doardeure de Cecil B. DeMille Award.[6]

In januoari 1954 ieldn de twêe organisoaties e gezamelikke ceremonie, en 't joar d'r up fusioneerden ze ounder de nieuwe noame Hollywood Foreign Press Association. D'n Henrietta Award wierd ofgeschaft, moar d' HFPA installeerde een specioaln prys genaamd World Film Favorite, wuk dat e Goudn Bolle wos met een iengel d'r up. Juuste lik by d'n Henrietta Award wierd de winnoare van de nieuwe HFPA Golden Globe bepoald deur een weireldwyde poll uutgevoerd deur Reuters. Dien prys, die soms nog d'n Henrietta Award wierd genoemd, wierd uutgedêeld toet 1980 (vo 't filmjoar 1979), woarna dat 'n definitief wierd ofgeschaft.[2]

Achter de fusie

[bewerkn | brontekst bewerken]

Binst de 13ste Golden Globe Awards in februoari 1956 wierd d'n êeste Golden Globe vo televizjeprestoaties uutgedêeld. De drie êeste vaste categorieën vo televizjepryzn, noamelik Beste TV-Serie, Beste TV-Acteur en Beste TV-Actrice, miekn nunder debuut binst de 19ste Golden Globe Awards in moarte 1962.


Vanaf 1963 wierdn de trofeeën uutgedêeld deur êen of mêerdere menschn die "Miss Golden Globe" wierdn genoemd, een titel die ip 5 januoari 2018 wierd erdoopt toet "Golden Globe Ambassador" (Ambassadeur). De degenen die die rolle krêegn, woarn traditionêel gezien de dochters (en soms de zeuns) van e bekende sterre, en lik e kwestie van preusheid wierd d'r vele ruzje over gemakt tusschn de bekende ouders.[7]

In 2009 wierd 't Golden Globe-beeldje erountworp'n (moa nie vo d'n êeste kêer in de geschiedenisse). De New Yorkse firme Society Awards werkte e joar lank t'ope met d' HFPA vor e beeldje te moakn da uniek marmer bevatte en de kwaliteit en 't goudgehalte van 't beeldje verbeterde. 't Wierd vôorngesteld ip e persconferentie in 't Beverly Hilton vôorn da de show begost.[8]

De Carol Burnett Award wierd in 't leevn geroepn lik de televizje-teegnhanger van de Cecil B. DeMille Award, vernoemd noa d'n êesten ountvanger d'rvan in 2019, d' actrice en comédienne Carol Burnett.[9]

Inkomsten van d' uutzendiengn

[bewerkn | brontekst bewerken]

D' inkomstn van de joarlikse ceremonie ein derveur ezorgd da de HFPA miljoenen dollars koste dounêern an goeie doeln die te moakn ein me d' amusementsindustrie. Ôok kostn ze doamee studiebeurzen en andre programma's betoaln vo toekomstige film- en televizjeprofessionals. De mêest uutgesprookn begunstigde zyn de Young Artist Awards, die joarliks wordn uutgereikt deur de Young Artist Foundation (in 1978 ipgericht deur lid van de Hollywood Foreign Press, Maureen Dragone) vo jounge Hollywood-acteurs ounder de 21 joar t' êern. Ze zörgn ôok vo studiebeurzen vo jounge kunstenoars die fysiek of financieel in de knoope zittn.[10][11][12]

Boycot in 2022 en overnoame deur Dick Clark Productions

[bewerkn | brontekst bewerken]

In 2021 krêeg d' HFPA e masse kritiek over 't gebrek an zwarte verteegnwoordigienge binn'n eur leedn.[13] Ip 3 meie 2021 miek d' HFPA plann'n bekend vor een ervormiengspakket, woarounder een toenoame van 50% mêer leedn over de vôlgende 18 moandn, t'ope me nieuwe posities, termynlimietn, en praktykn vo nunder verantwoordelikheid te verbeetern.[14] Desoundanks gaf de bewegienge Time's Up en e groep van 100 PR-bedryvn kritiek ip 't gebrek an e dudelikke tydslyne vo 't invulln van sommigte nieuwe besteursposities. Ze zein da 't nôois rap genoug gienk grêed zyn vo d'n cyclus van de kommn'de 79ste Golden Globe Awards in januoari 2022. Time's Up zei ôok da 't pakket "gruutndêels gin specifieke details" of "verbintenissn vo echte verantwoordelikheid of veranderienge" bevatte.[15]

Ip 7 meie 2021 mieken zowèl Amazon Studios as Netflix bekend dan ze nunder activiteitn met de HFPA gingn stopzettn toet datter genoug actie gienk oundernoomn wordn in d' ervormiengn.[16][17] Andere mediabedryven volgdn ip 10 meie,[18] woarounder NBC, die ankoendigde da ze de 79ste Golden Globe Awards nie gingn uutzendn ip tivve, moa dan ze wél oopn stoundn vor e ceremonie in 2023 ozen d' ervormiengn van de HFPA gienkn slagen.[19] WarnerMedia boycotitte ôok d' HFPA,[18] en acteur Tom Cruise gaf d'n prys die t'n a gewonn'n vo Born on the Fourth of July, Jerry Maguire en Magnolia were uut solidariteit.[20]

Achter dedie gebeurtenissn miek d' HFPA e tydslyne bekend vo d' ervormiengn die round de weke van 2 ogustus mostn ofgeround zyn.[21] Ip 1 oktober kwam d' HFPA met e lyste van 21 nieuwe leedn die g'engageerd woarn ounder d' ervormiengn, en benoemden ze Todd Boehly (eigenoare van ceremonieproducent Dick Clark Productions) toet "interim CEO".[22][23] Ip 15 oktober miek d' HFPA ankoendigiengn da ze nog olsan van plan woarn om de 79ste Golden Globe Awards te udn ip 9 januoari 2022, met of zounder e nieuwn mediapartner.[24] Omdat de Golden Globe Awards nie up tivve quamen bie NBC, probeerde de Critics Choice Association nunder Critics' Choice Movie Awards ceremonie e weke idder te zettn vo 't gat te vulln en nunder prestige te verôogn. Da wierd loater uutgesteld deure van de Omikronvariant van 't coronavirus.[25][26] De 79ste ceremonie wierd uutendelik uutgevoerd lik e nie-uutgezoundn, privé-presentoatie me e beperkt antal gastn (surtout begunstigdn van d' HFPA-filantropie) en e strikt COVID-19-protocol.[27]

In juli 2022 keurde de HFPA e grôte erstructureerienge goed, woarounder Boehly e winstgevende entiteit zou iprichtn via zyn holdingmaatschappye Eldridge Industries (eigenoare van Dick Clark Productions, da de tv-uutziendiengn van de Golden Globes ol produceert sinds 1993, en ôok 't amusementsblad The Hollywood Reporter).[28] Die entiteit bezit 't intellectueel eigndom van de Golden Globe Awards en ziet toe up de "professionaliserienge en moderniseerienge" van de ceremonie, woarounder "'t verôogn van de grôotte en diversiteit van de stemmers vo de joarlikse pryzn". De filantropische activiteitn van de HFPA zoun apart vôortgezet wordn lik e non-profitbedryf.[29][30] NBC wos 't er loater met akkôord vo e contract van êen joar t' ounderteeknn vo de 80ste Golden Globe Awards uut te zendn ip 10 januoari 2023.[31] Die ceremonie wierd verplatst noar e dysendagavend vo nie in d'n boel te loopn me de National Football League en de College Football Playoff National Championship.[32]

Ip 12 juni 2023 wierdn de bezittiengn en 't intellectueel eigndom van de Golden Globe Awards gekocht deur DCP (da ounder andren in d' andn is van de Penske Media Corporation, eigenoare van concullega-amusementsbladn Deadline Hollywood en Variety) en Eldridge. De financiële details van de kôop wierdn nie bekendgemoakt. De filantropische activiteitn van de HFPA woarn overgedreevn noar e nieuwe entiteit genoemd de Golden Globe Foundation.[1][33][34]

Podcasts toegevoegd in 2026

[bewerkn | brontekst bewerken]

Vo de pryzn van 2026 voegden de Golden Globes e nieuwe categorie vo Beste Podcast toe, refererend noa de 'seismische' groei van 't medium. D'n êesten prys wierd gewonn'n deur Amy Poehler vo eur wekelikse show, Good Hang with Amy Poehler.[35]

Regels

[bewerkn | brontekst bewerken]

Verkiesboarheid

[bewerkn | brontekst bewerken]

De kwalificernde periode vo olle nominoaties is 't kalenderjoar van 1 januoari toet 31 december.[36]

Voice-over prestoaties en cameo's woarin da menschn nundern eign speeln, kommn nie in anmerkienge vo de film- en tv-acteercategorieën.

Films moetn ten minste 70 menuutn deurn en vo minimum zeevn doagn in de cinema in en round Los Angeles (Greater Los Angeles Area) gespeeld ein, beginn'nde vôorn middernacht ip 31 december. Films meugn in de cinema, via pay-per-view, of digitoal uutgebrocht zyn.[36]

Vo de categorie Beste nie-Iengelstoalige film moetn de films nie per se in de Verênigde Stoatn uutgebrocht zyn. Ten minste 51 percent van d'n dialoog moe in een andre toale of 't Iengels zyn, en ze moetn êest in nunder land van êrkomste uutgebrocht zyn binst een periode van 14 moandn van 1 november toet 31 december vôorn d' uutreikienge. Moar aze film deure van censuur nie in zyn eign land kost uutkommn, ka't ie wel nog in anmerkienge kommn ozzen êen weke lank in de Verênigde Stoatn is uutgebrocht in 't kwalificernde kalenderjoar. D'r is gin limiet ip 't antal films da e bepoald land mag inzenden.[36]

Een tv-programma moet in de Verênigde Stoatn uutgezoundn wordn binst de prime time eurn van 20:00 toet 23:00 (of van 19:00 toet 23:00 ip zundag). E show mag ip geweune tivve, ip de (basis of premium) koabel of digitoal wordn uutgezoundn; e komt nie in anmerkienge ozzen ollêne via pay-per-view of digitoale filmdistributie te zien is. Doaneffest moet e tv-show ofwel in de Verênigde Stoatn gemakt zyn, ofwel e financiële en creatieve coproductie zyn tusschn een Amerikoansche en e buutnlandse productiemoatschappye. Vodder zyn realityshows en nie-gescripte programma's uutgeslootn.[36]

E film ka nie in zowèl de film- as de tv-categorieën wordn ingeschreevn, en moe in plekke doarvan gekoozn wordn ip boasis van 't ôorsprounkelik uutbriengiengsformoat. Ozet êest ip den Amerikoanschen tivve wierd uutgezoundn, ka 't in de tv-categorieën meedoen. Ozet êest in de cinema of ip pay-per-view uutkwaam, moe 't in de filmcategorieën meedoen. E vertôonienge ip e filmfestival zorgt er nie voorn dat e tv-programma wudt gediskwalificeerd.[36]

Acteurs in e tv-serie moetn in ten minste zesse ofleveriengn verschynn binst 't kwalificernde kalenderjoar. Acteurs in e tv-film of miniserie moetn vo ten minste vuuf percent van d'n tyd in die tv-film of miniserie te zien zyn.[36]

Nominoaties en stemmn

[bewerkn | brontekst bewerken]

Inschryviengsformuliern vo films moetn binn'n de tien doagn achter d' officiële vertôonienge ountvangn zyn. Tv-programma's moetn "zo rap of meugelik" vôorn d'n deadline wordn ingediend.[36] Vo tv-programma's volstoat et dan ze beschikboar zyn vo de stemmers in e gankboar formoat, inclusief d' ôorsprounkelikke tv-uutziendienge.

Vanaf de ceremonie van 2023 eit de HFPA de verplichtienge weggedoan datter een exclusieve persconferentie moeste g'oudn wordn deur d' organisoatie vo elken genomineerdn film — e praktyk die a bygedroegn an probleemn me transparantie.[37]

Stembiljettn vo de nominoaties te kiezn wordn in november noa de stemmers gestuurd, t'ope met een "Erinneriengslyste" van verkiesboare films en tv-programma's.[38] Elk HFPA-lid stemt ton ip zyn top vuuf in elke categorie, genummerd van 5 toet 1, woaby da 5 nunder êeste keuze is. De genomineerdn in elke categorie zyn ton de vuuf keuzes die de mêeste stemmn krygn. 't Gerangschikt stemmn wudt ollêne gebruukt by e gelykstand, woaby da nummer 5 vuuf puntn weird is, nummer 4 viere puntn, enzovôorts.[36]

Achter da de nominoaties bekend wordn gemakt ip d'n twidden moandag van december, krygn de stemmers de defenitieve stembiljettn.[38] De winnoare in elke categorie wudt gekoozn uut de genomineerdn via de mêerderheid van stemmn. By e gelykstand is de winnoare d'n deen die de mêeste stemmn ad ip 't nominoatiebiljet.[36]

Vanaf de ceremonie van 2024 bestound de stemgroep uut 310 menschn, woarounder verteegnwoordigers van journalistn uut 76 landn, en 95 leedn die lid woarn van de HFPA.[39][40]

Ceremonie

[bewerkn | brontekst bewerken]

Oofdartikel: Lyste van Golden Globe Awards-ceremonies

D' uutziendienge van de Golden Globe Awards, die weireldwyd in 167 landn te zien is, is mêestol de derdemêest bekeekn pryzenshow van 't joar, ollêne achter d' Oscars en de Grammy Awards. Sinds 2010 wierd het live uutgezoundn in olle tydzônes van de Verênigde Stoatn. Toet da Ricky Gervais de show in 2010 presenteerde, wos d' uutreikienge êen van de twêe grôte Hollywood-pryzenshows (nêffest de Screen Actors Guild Awards) die gin vaste presentateur a; elk joar wierd de ceremonie in 't begun van d' uutziendienge g'ïntroduceerd deur een andre persôon. Gervais kwam de twêe joarn d'rup were om de 68ste en 69ste Golden Globe Awards te presenteern.[41][42] Tina Fey en Amy Poehler presenteerden de 70ste, 71ste en 72ste Golden Globe Awards van 2013 toet en met 2015.[41] Het themanummer van de Golden Globe Awards, da in 2012 debuteerde, wierd geschreevn deur de Japansche muzikant en componist Yoshiki.[43]

Uutziendiengn

[bewerkn | brontekst bewerken]

D' HFPA a idder e winstgevend uutzendcontract mè NBC,[44] die de Golden Globes-ceremonie êest lokoal in Los Angeles begost uut te zendn in 1958, en vanaf 1964 nationoal. Moar in 1968 beweerde de Federal Communications Commission (FCC) da de show "t publiek misleidde over oe da de winnoars wierdn bepoald" (d'r wierdn beschuldigiengn gemakt da de winnoars deur e lobby wierdn gekoozn; om winnoars te motiveern vo noa de ceremonie te kommn, wierd nunder verteld dan ze gin prys gingn krygn an ze nie kwoamn, en da 't ton noar een andren gienk goan). De FCC gaf NBC e reprimande vo nunder dêelname an 't schandoal. Doardeure weigerde NBC vo de ceremonie uut te zendn tusschn 1968 en 1974.[45][46]

Sinds 1993 a Dick Clark Productions (DCP) de ceremonie geproduceerd mè NBC lik zender; de betrokknheid van DCP kwam ip e moment van instabiliteit vo de Golden Globes, woarounder e verminderde geloofweirdigheid en 't verlies van nunder contract me CBS (in de tusschnperiode addn ze e contract met de koabelzender TBS vo de ceremonie uut te zendn).[47] Content over d' inzet van Dick Clark, stound er in 't contract van de HFPA een oungewone bepoalienge die DCP vo de reste van nunder doagn de rolle van producent gaf, ip vôorwoarde dan ze een uutzendakkôord me NBC kostn bluuvn oudn.[48]

Deure van dreigementn van schryvers die 't evenement wildn picketn (postvattn) lik dêel van de stoakienge van de Writers Guild of America, wierd d' uutreikienge van de 65ste Golden Globe Awards ofgelast en vervangn deur e persconferentie van een eure woarip da de winnoars wierdn bekendgemoakt. Oewêl da NBC d' exclusieve zender van de persconferentie wilde zyn, botste NBC me d' HFPA en Dick Clark Productions over de vôorgestelde verslaggevienge, lik d'n eis voor e vergoedinge vo de rechtn, en zörgn over plann'n vo Billy Bush en Nancy O'Dell van NBC's gesyndiceerd amusementsnieuwsprogramma Access Hollywood lik presentateurs te gebruukn. D' HFPA miek doarachter bekend dan ze de verslaggevienge van de persconferentie deur andre zenders nie gingn teegnoudn.[49] Zowèl E! as de TV Guide Network (die normoal gekend woarn vo nunder rôdelôperverslaggevienge ip grôte pryzenshows) zondn de persconferentie uut, juuste lik CNN.[50][51] NBC weigerde uutendelik om de conferentie zelve uut te zendn; den uutzendtyd wierd ingevuld deur e preview special van Dateline NBC, e special van een eure met de resultoatn gepresenteerd deur Bush en O'Dell, en een Access Hollywood post-show, ôok gepresenteerd deur Bush en O'Dell.[52][53][54]

In 2010 sloot Dick Clark Productions e verlengienge van nunder akkôord mè NBC toet 2018. Da contract wierd echter ounderandeld zounder da de HFPA 't wiste. D' HFPA klaagde DCP an voor die deale, en ôok over beweeriengn da 't bedryf digitoale rechtn probeerde te verkôopn die ze nie addn; d' HFPA a e nieuw contract gewild da nunder e grôter dêel van d' inkomstn van d' uutziendienge gienk geevn.[48] In april 2012 besliste rechter Howard Matz in 't vôordêel van DCP en ield de "perpetuity"-clausule (êeuwigdeurende clausule) mè NBC in stand. J' merkte ip da de HFPA in 't verleden e geschiedenisse a van "ounzakelik vertôon van misplatste prioriteitn" en "plooin vo periodes van zwoare oenrust en persôonlikke ruzjes", in teegnstellienge toet DCP, da "verteegnwoordigd wierd deur êen ervoarn besteurder die perfect in stoat wos om eerlik en effectief omme te goan me 't dikkels amateurechtige gedrag van d' HFPA". Matz gaf vôorbeeldn van 't enthousiasme van d' HFPA over de reloatie en nunder verlangn vo "nie gecanceld te wordn", lik 't negeern van nunder eign statuutn deur e verlengienge goed te keurn in 2001 zounder officiële stemmienge. De zoake wierd vo 't United States Court of Appeals for the Ninth Circuit (Hof van Beroep) gebrocht.[48]

In 2014 kwoamn Dick Clark Productions en d' HFPA toet e schikkienge; de details wierdn nie bekendgemoakt, moa DCP beloofde zyn rolle lik producent an te oedn toet ten minste 't ende van nunder udig contract me NBC, en t'ope te werkn met d' HFPA om "t merk uut te breidn me unieke en sponnende amusementservariengn". NBC a 't recht ip d' êeste weigerienge vo nunder contract achter 2018 te vernieuwn, moa de biddienge gienk ôok oopnstoan vo d' andre zenders;[55][56] In september 2018 gienk NBC akkôord vo zyn rechtn ip de Golden Globes te verlengn toet 2027, woaby da de bestoande uutzendregeliengn en de betrokknheid van Dick Clark Productions beoudn bleevn.[57][58]

In 2019 en 2020 zond NBC in de loate zundagnamiddag de playoff-match van de National Football League (NFL) uut (die istorisch gezien noar een andren NFL-zender gienk) lik anloop noa de Golden Globes. Vanweuge de grôte kykcyfers van de NFL-playoffs, wos de bedoelienge vo de tv-kykcyfers van de Golden Globes - die tusschn 2017 en 2018 mè 11% woarn gezakt - omhoge te krygn.[59] Oen de match toch zou uutloopn, was NBC van plan vo de Golden Globes in nunder geêel uut te zendn ip e vertroagde uutziendienge.[60] De ceremonie van 2021 wierd uutgesteld noa 28 februoari vanweuge d'n impact van de COVID-19-pandemie ip de cinema en tivve, woardeure dan ze 't NFL-seizoen in 't geêel vermeedn.[61]

Volgns de idder vernoemde boycot van 2022 weigerde NBC om de ceremonie van 2022 uut te zendn,[19] en teêknden ze doarachter e contract van êen joar vo de ceremonie van 2023 uut te zendn, die verplatst wierd noar e dysendagavend vo nie in e conflict te kommn met Sunday Night Football en de College Football Playoff National Championship.[32] In november 2023 miek DCP een akkôord van êen joar bekend vo d' 81ste ceremonie uut te zendn ip CBS en te streamen ip Paramount+, woaby da de ceremonie vôgde ip de NFL-uutziendiengn van CBS in de namiddag.[62] In moarte 2024 ankoendigde DCP e vufjoarig akkôord me CBS om de Golden Globes uut te bluuvn zendn; 't akkôord bevat ôok de rechtn vo d' American Music Awards vanaf 2025 (ôok geproduceerd deur DCP), die e pauze a genoomn achter d' editie van 2022 oen da nunder contract met ABC ofliep.[63] In september 2025 wierd ankoendigd da CBS een extra Golden Globes-special gienk uutzendn — Golden Eve — ip d'n dunderdag vôorn de ceremonie. Da programma gienk d' ountvangers van de Cecil B. DeMille en Carol Burnett oeuvrepryzn in de blommetyes zettn, en d' ôogtepuntn toogn van 't idder nie-uutgezoundn gala.[64]

Podcasts toegevoegd in 2026

[bewerkn | brontekst bewerken]

Vo de pryzn van 2026 voegden de Golden Globes e nieuwe categorie vo Beste Podcast toe, refererend noa de "seismische" groei van 't medium. D'n êesten prys wierd gewonn'n deur Amy Poehler vo eur wekelikse show, Good Hang with Amy Poehler.[65]

Categorieën

[bewerkn | brontekst bewerken]

Filmpryzn

[bewerkn | brontekst bewerken]

Televizjepryzn

[bewerkn | brontekst bewerken]

Audiopryzn

[bewerkn | brontekst bewerken]
  • Beste Podcast: sinds 2026[66]

Ofgeschafte pryzn

[bewerkn | brontekst bewerken]

Superlatievn

[bewerkn | brontekst bewerken]

Films

[bewerkn | brontekst bewerken]
Films met de mêeste pryzn[70]
Antal Pryzn Film Joar van uutreikienge Ref.
7 La La Land 2016 [71]
6 Lawrence of Arabia 1962 [72]
One Flew Over the Cuckoo's Nest 1975 [73]
Midnight Express 1978 [74]
5 All the King's Men 1949 [75]
Doctor Zhivago 1965 [76]
The Graduate 1967 [77]
Love Story 1970 [78]
The Godfather 1972 [79]
A Star Is Born 1976 [80]
Ordinary People 1980 [81]
Gandhi 1982 [82]
Oppenheimer 2023 [83]
Films met de mêeste nominoaties[84]
Antal Nominoaties Film Joar van uutreikienge Ref.
11 Nashville 1975 [85]
10 Emilia Pérez 2024 [86]
9 Cabaret 1972 [87]
Barbie 2023 [88]
One Battle After Another 2025 [89]

Televizje

[bewerkn | brontekst bewerken]
Televizjeprogramma's met de mêeste pryzn
Antal Pryzn Televizjeprogramma Joarn Ref.
9 The Carol Burnett Show 1967–1978 [90]
Succession 2018–2023 [91]
8 All in the Family 1971–1979 [92]
M*A*S*H 1972–1983 [93]
Alice 1976–1985 [94]
Sex and the City 1998–2004 [95]
The Crown 2016–2023 [96]
Televizjeprogramma's met de mêeste nominoaties
Antal Nominoaties Televizjeprogramma Joarn Ref.
32 Cheers 1982–1993 [97]
31 L.A. Law 1986–1994 [98]
30 All in the Family 1971–1979 [92]
Will & Grace 1998–2006; 2017–2020 [99]

Menschn

[bewerkn | brontekst bewerken]
Menschn met de mêeste pryzn (ollêne competiesje)[100]
Antal Pryzn Noame Beroep Ref.
8 Tom Hanks Acteur, producent [101]
Meryl Streep Actrice [102]
Barbra Streisand Actrice, regisseur, componist [103]
7 Julie Andrews Actrice [104]
Jane Fonda Actrice [105]
Paul Newman Acteur, producent, regisseur [106]
6 Alan Alda Acteur [107]
Nicole Kidman Actrice, producent [108]
Angela Lansbury Actrice [109]
Shirley MacLaine Actrice [110]
Jack Nicholson Acteur [111]
Oliver Stone Regisseur, scenarioschryver, producent [112]
Menschn met de mêeste nominoaties
Antal Nominoaties Noame Beroep Ref.
33 Meryl Streep Actrice [102]
26 John Williams Componist [113]
22 Jack Lemmon Acteur [114]
20 Steven Spielberg Regisseur, scenarioschryver, producent [115]
19 Shirley MacLaine Actrice [110]
Al Pacino Acteur [116]

Acteurs

[bewerkn | brontekst bewerken]
Menschn die mêerdere acteernominoaties wonn'n in 'tzeste joar[117]
Antal Pryzn Noame Joar van uutreikienge Categorie en werk Ref.
2 Sigourney Weaver 1989 Beste Actrice in e Film – Drama (Gorillas in the Mist)
Beste Vrouwelikke Byrolle – Film (Working Girl)		 [118]
Joan Plowright 1993 Beste Vrouwelikke Byrolle – Film (Enchanted April)
Beste Vrouwelikke Byrolle – Serie, Miniserie of Film vo Televizje (Stalin)		 [119]
Helen Mirren 2007 Beste Actrice in e Film – Drama (The Queen)
Beste Actrice – Miniserie of Film vo Televizje (Elizabeth I)		 [120]
Kate Winslet 2009 Beste Actrice in e Film – Drama (Revolutionary Road)
Beste Vrouwelikke Byrolle – Film (The Reader)		 [121]
Menschn met drie acteernominoaties in 'tzeste joar[122]
Noame Joar van uutreikienge Categorie Werk Resultoat Ref.
Jamie Foxx 2005 Beste Acteur in e Film – Musical of Komedie Ray Gewonn'n [123]
Beste Mannelikke Byrolle – Film Collateral Genomineerd
Beste Acteur – Miniserie of Film vo Televizje Redemption: The Stan Tookie Williams Story Genomineerd
Helen Mirren 2007 Beste Actrice in e Film – Drama The Queen Gewonn'n [120]
Beste Actrice – Miniserie of Film vo Televizje Elizabeth I Gewonn'n
Prime Suspect: The Final Act Genomineerd

Kykcyfers

[bewerkn | brontekst bewerken]
Joar Dag Uutzenddoatum Zender Uusouds-rating (Nielsen) 18–49-rating (Nielsen) Kykers
(in miljoenn)		 Ref.
Rating Andêel Rating Andêel
1960 Goensdag 9 moarte KTTV [124][125]
1961 Vrydag 17 moarte [126]
1962 Dysendag 6 moarte [127]
1963 Goensdag 6 moarte [128]
1964 11 moarte [129]
1965 Moandag 8 februoari
(als specioale uutziendienge van The Andy Williams Show)		 NBC [130]
1966 31 januoari
(als specioale uutziendienge van The Andy Williams Show)		 ~22 [131][132]
1967 Goensdag 15 februoari [133]
1968 Moandag 12 februoari [134]
1969 Nie ip tv uutgezoundn [135]
1970 [136]
1971
1972
1973 Zundag 28 januoari Metromedia [137]
1974 Zoaterdag 26 januoari [138]
1975 25 januoari [139]
1976 24 januoari [140]
1977 29 januoari [141]
1978 Zundag 29 januoari NBC 19.4 30 [142]
1979 Nie ip tv uutgezoundn [143]
1980 Zoaterdag 26 januoari KHJ-TV [144]
1981 Zoaterdag 31 januoari CBS 15.9 26 [145]
1982 30 januoari 13.6 24 [146]
1983 Moandag 31 januoari Gesyndiceerd
1984 Zundag 29 januoari
1985 27 januoari
1986 Vrydag 24 januoari
1987 Zoaterdag 31 januoari
1988 23 januoari
1989 28 januoari TBS
1990 20 januoari
1991 19 januoari
1992 18 januoari
1993 Moandag 25 januoari
1994 Zoaterdag 22 januoari 2.9 3.90 [147]
1995 21 januoari 2.5 3.64 [147]
1996 Zundag 21 januoari NBC 12.9 20 18.47 [147]
1997 19 januoari 13.4 21 19.87 [147]
1998 18 januoari 15.9 25 10.8 25 24.34 [147][148]
1999 24 januoari 16.1 24 10.2 23 24.18 [147][149]
2000 23 januoari 15.0 22 22.11 [147]
2001 21 januoari 14.6 21 9.9 22 22.49 [147][150]
2002 20 januoari 14.9 23 9.5 22 23.45 [147][151]
2003 19 januoari 13.4 20 7.8 17 20.10 [147][151]
2004 25 januoari 16.9 25 9.9 23 26.80 [147][151]
2005 16 januoari 11.3 17 5.7 13 16.85 [147][151]
2006 Moandag 16 januoari 12.5 18 6.3 15 18.77 [147][151]
2007 15 januoari 13.2 20 6.5 15 20.04 [147][151]
2008 Massapersconferentie vanweuge de WGA-stoakienge
2009 Zundag 11 januoari NBC 9.3 14 4.9 12 14.86 [147][151]
2010 17 januoari 10.0 16 5.5 14 16.98 [151][152]
2011 16 januoari 10.0 16 5.2 14 17.00 [151][152]
2012 15 januoari 10.2 16 5.0 12 16.85 [151][152]
2013 13 januoari 11.8 18 6.4 15 19.69 [151][152]
2014 12 januoari 12.4 19 6.5 15 20.87 [151][152]
2015 11 januoari 11.4 18 5.8 16 19.31 [151][152]
2016 10 januoari 11.1 18 5.5 16 18.51 [151][152]
2017 8 januoari 11.6 19 5.6 17 20.02 [153]
2018 7 januoari 11.2 19 5.0 17 19.01 [154]
2019 6 januoari 10.7 20 5.2 20 18.61 [155]
2020 5 januoari 10.7 21 4.7 21 18.32 [156]
2021 28 februoari 1.5 10 6.91 [157]
2022 Nie ip tv uutgezoundn [27]
2023 Dysendag 10 januoari NBC / Peacock 1.1 6.3 [158][159]
2024 Zundag 7 januoari CBS / Paramount+ 9.47 [160]
2025 5 januoari 9.2 [161]

Schandoaln en kritiek

[bewerkn | brontekst bewerken]

Sinds de loate joarn '50 is d' HFPA geteisterd deur schandoaln en controverses. D' organisoatie krêeg kritiek vo 't klêen antal leedn, de kwaliteit van de leedn, 't uutsluutn van serieuze filmauteurs en nunder dichte bandn me de filmindustrie en de sterrn. De Golden Globes ounder de HFPA wierdn d'r ôok van beschuldigd da ze gekocht of geruild wierdn, woaby da de HFPA-leedn nunder gemakkelik lietn beïnvloedn deur diere cadeaus en toegank (access) da ze krêegn van studio's, productiemoatschappyn en sterrn.[162][163][164][165]

Ontslag van Henry Gris

[bewerkn | brontekst bewerken]

Vroegern HFPA-vôorzitter Henry Gris nam in 1958 ontslag uut 't besteur en beweerde da "sommigte pryzn min of mêer lik e gunste wordn gegeevn". Andren vroegn nunder of woarom datter zovele winnoars verteegnwoordigd wierdn deur êen en 'tzeste PR-bureau.[41][166]

FCC-uutzendverbod

[bewerkn | brontekst bewerken]

De FCC legde NBC een uutzendverbod ip vo de Golden Globes achter de ceremonie van februoari 1968. Filmcriticus Rex Reed schrêef in een artikel uut dien tyd over d' uutziendienge:

"De tv-uutziendienge van de 25ste joarlikse Golden Globe Awards van de Foreign Press Association moeste gezien ein vo 't te kunn'n geloovn. De Federal Communications Commission eit advocoatn gestuurd vo 't t' ounderzoekn. Moa 't uutdêeln van pryzn, oe zinloos da 't ôok is, is nog olsan grôte business, en 't gift kykers de kanse vo nunder favoriete sterrn nundern eign belachelik te zien moakn in 't openboar. Dus woarn de Golden Globes were, zounder sommigte van nunder sponsors, die ip 't latste moment ofoakt'n...

Juuste verleên weke meldde Newsweek da de Foreign Press Association ountkende dan eur leedn pryzn geevn an de sterrn die de grotste fêestn geevn. 'We loatn uus nie beïnvloedn deur e glas champagne,' snauwde [HFPA-president Howard] Luft, 'Kirk Douglas gaf verleên joar e fêeste, en wuk eit 'n gewonn'n? Niks.'

Dit joar wos 't er zelfs e specioale categorie, de Cecil B. DeMille Humanitarian Award genoemd. Wie won der? Je radt 't al. Kirk Douglas."[167]

De FCC greep in omda 't publiek misleid wos over oe da de pryzn in 't echt wierdn toegekend. Adverteerders van de Golden Globe-uutziendiengn bepoaldn de winnoars en d' HFPA zette genomineerdn ounder druk vo noa de ceremonie te kommn deur te dreign da ze d'n prys van e winnoare die nie kwam ipdaagn, gingn geevn an e verliezende genomineerde die wél in de zoale zat. 't Verbod deurde toet 1974.[163]

Achter 't verbod zond NBC de pryzenceremonie were uut, moa ze stopten nunder contract me d' HFPA achter 't schandoal round Pia Zadora in 1982 (zie iereounder).[163]

Pia Zadora wint "Nieuwe Sterre van 't Joar" in 1982

[bewerkn | brontekst bewerken]

In 1982 won Pia Zadora e Golden Globe in de categorie "Nieuwe Sterre van 't Joar in e Film" vo eur rolle in Butterfly, en ze versloeg doamee concurrentie lik Elizabeth McGovern (Ragtime) en Kathleen Turner (Body Heat).[168] D'r woarn beschuldigiengn da de leedn van de Foreign Press Association woarn ommegekocht.[169] Zadora eur vint, multimiljonair Meshulam Riklis, vloog de stemmende leedn noa zyn casino, 't Riviera Hotel ip de Las Vegas Strip, wuk da d'n indruk wekte dan ze uut wederdienst vo Zadora gestemd addn. Riklis a de stemmende leedn ôok uutgenodigd in zyn uus vor e luxueuze lunch en e vertôonienge van de film. J' gaf ôok e masse geld uut an reclame.[170][171] Doaneffest a Zadora zovoele lik 17 joar idder ol eur filmdebuut gemakt lik kiendactrice in Santa Claus Conquers the Martians.[172]

Beschuldigiengn van payola in 2011

[bewerkn | brontekst bewerken]

In 2011, drie doagn vôorn d' uutziendienge van de Golden Globe Awards, diende publicist Michael Russell e claim van 2 miljoen dollar in woarin dat 'n beweerde da HFPA-president Philip Berk 't contract van Russell en zyn partner achter d' uutziendienge van 2010 a stopgezet omdan ze by em ethische zörgn over payola (smeergeld) addn g'uut, woarounder beschuldigiengn da HFPA-leedn steekpenniengn anpaktn vo nominoaties en pryzn. De rechtszoake beweerde da HFPA-leedn "nunder posities misbruukn en meedoen an onethische en meugelik illegoale deals en regeliengn die nêerkommn ip e 'payola'-systeem." D' HFPA ountkende de beschuldigiengn en beweerde dat 't verzinsels woarn van e kwoaden ex-werknemer.[173] De rechtszoake wierd loater geschikt.

Nominoaties vo Burlesque en The Tourist in 2011

[bewerkn | brontekst bewerken]

De nominoaties vo de Golden Globes van 2011 zorgden direct vo twyfel, omdan de Hollywood Foreign Press Association The Tourist genomineerd ad in de categorieën vo Beste Musical/Komedie, oewêl dat 'n ôorsprounkelik gepromoot wierd lik e spionagethriller, en bovendien êen van de slêchtst onthoalde films van 't seizoen wos. Presentateur Ricky Gervais vroeg in e grapke an d'n ôofdrollespeler van d'n film, Johnny Depp, of dat 'n d'n film zelve a gezien. Depp zyn teegnspeelster Angelina Jolie zou HFPA-leedn persôonlik gelobbyd ein, wuk da resulteerde in e nominoatie in e categorie woa da de film eigelik nie in thuusôorde.[165] D'r kwoamn ton geruchtn an 't lucht da Sony, de distributeur van The Tourist, de Golden Globe-stemmers a beïnvloed met e reize noa Las Vegas woaby da olles betoald wos, met lik ôogtepunt e concert van Cher.[174][175] 't Lobbyen deur Sony zörgde ôok vor e nominoatie vo Beste Musical/Komedie vo Cher eur slêcht beoordeelde film Burlesque.[165]

Aziatische films uutgeslootn van Beste Film-categorieën

[bewerkn | brontekst bewerken]

In 2020 krêeg d' HFPA e masse kritiek omdan ze Aziatische en Aziatisch-Amerikoansche films lik The Farewell, Parasite en Minari genomineerd addn vo Beste Nie-Iengelstoalige Film, moa ze uutgeslootn addn van de nominoaties vo de ôofdcategorieën van Beste Film. De beslissienge vo Minari te klasseren lik e buutnlandse film, oewêl da d'n film een uutsluutend Amerikoans productieteam a en em in de Verênigde Stoatn ofspeelt, wierd zwoar verôordeeld deur vele acteurs en filmmakers van Aziatische ofkomste.[176][177] Binst da de regels van de HFPA bepoaln dat e film ten minste 50% Iengelschen dialoog moe ein vo genomineerd te wordn vo Beste Drama of Komedie/Musical, merktn critici ip da films lik Inglourious Basterds en Babel de 50%-drempele ôok nie oaldn moa tòch genomineerd wierdn vo de Beste Film-categorieën. Dat zörgde vo beschuldigiengn van anti-Aziatisch racisme.[176]

Zwarte verteegnwoordigienge

[bewerkn | brontekst bewerken]

Zie ôok d'n tekst over de boycot in 2022 ierboven.

In de joarn 2020 begost d' HFPA kritiek te krygn over d' ethische standoardn van nunder werkieng — woarounder beschuldigiengn datter een gebrek an verantwoordelikheid wos binn'n d' organisoatie, en datter e gebrek an zwarte verteegnwoordigienge wos by de leedn.[178] D'n roep om ervormiengn lik antwoord ip die probleemn zörgde d'rvôorn da de 79ste Golden Globe Awards wierdn geboycot deur nunder zender en andre productiemoatschappyn; doarom wierd de ceremonie g'oudn lik e privé-evenement zounder tv-uutziendienge. 't Joar doarachter kwam t'er were een uutgezoundn ceremonie.

Zie ôok

[bewerkn | brontekst bewerken]

Referenties

[bewerkn | brontekst bewerken]
  1. 1 2 Nolfi, Joey (12 juni 2023). Golden Globes acquired, HFPA membership dissolves in awards shocker, Entertainment Weekly.
  2. 1 2 3 4 Leonelli, Elisa. The Henrietta Mystery Solved, Golden Globe Awards. Geraadpleegd ip 16 ogustus 2023.
  3. ↑ Framke, Caroline (7 januoari 2018). The Golden Globes and the controversial group that decides the awards, explained, Vox. Geraadpleegd ip 23 januoari 2016.
  4. ↑ Hess, Stephen (2005). Through Their Eyes: Foreign Correspondents in the United States, Brookings Institution Press.
  5. ↑ FindArticles.com – CBSi. Geraadpleegd ip 31 oktober 2016.
  6. ↑ The Cecil B. deMille Award, Golden Globe Awards. Geraadpleegd ip 19 januoari 2020.
  7. ↑ Harel, Monica Corcoran (5 januoari 2018). Miss Golden Globe Is No More. Long Live the Golden Globe Ambassador., The New York Times. Geraadpleegd ip 8 januoari 2018.
  8. ↑ New Look For Golden Globe Statuette, CBS News (8 januoari 2009). Geraadpleegd ip 27 december 2012.
  9. ↑ The Carol Burnett Award, Golden Globe Awards. Geraadpleegd ip 24 meie 2021.
  10. ↑ HFPA Golden Globes – Young Artist Foundation. Geraadpleegd ip 31 moarte 2011.
  11. ↑ KABC-TV – Budding stars shine at Young Artist Awards, ABC Local. Geraadpleegd ip 31 moarte 2011.
  12. ↑ Young Artist Awards – President's Message. Geraadpleegd ip 31 moarte 2011.
  13. ↑ Davis, Clayton (27 februoari 2021). Golden Globes Former President Admits the HFPA Hasn't Had Any Black Members in Two Decades, Variety. Geraadpleegd ip 10 meie 2021.
  14. ↑ Patten, Dominic (3 meie 2021). NBC Backs Derided HFPA Promise Of Wide-Ranging Overhaul To Address Lack Of Black Members, Payouts & Governance, Deadline. Geraadpleegd ip 10 meie 2021.
  15. ↑ Patten, Dominic (7 meie 2021). HFPA Reforms Slammed As "Window-Dressing Platitudes" By Time's Up; PR Gurus Push For Haste, Deadline. Geraadpleegd ip 10 meie 2021.
  16. ↑ Haring, Bruce; Patten, Dominic (8 meie 2021). Amazon Studios Joins In Shunning Of HFPA Until It Revamps Diversity And Inclusion, Deadline.
  17. ↑ Golden Globes group faces mounting pressure from Netflix, Amazon and publicists to reform, Los Angeles Times (7 meie 2021).
  18. 1 2 Schneider, Michael (10 meie 2021). WarnerMedia Joins HFPA and Golden Globes Boycott, Regrets Industry 'Tolerated' Members' Behavior, Variety.
  19. 1 2 Ausiello, Michael (10 meie 2021). Golden Globes Cancelled: NBC Scraps 2022 Ceremony As Backlash Grows, TVLine.
  20. ↑ Fleming, Mike Jr. (10 meie 2021). Tom Cruise Returns His Three Golden Globe Trophies To Join Protest Against HFPA, Deadline Hollywood.
  21. ↑ Pedersen, Erik (10 meie 2021). HFPA Board Issues Statement On Golden Globes Controversy & Sets Timeline For Reforms: "Top Priority For Our Organization", Deadline.
  22. ↑ Davis, Clayton (1 oktober 2021). Hollywood Foreign Press Association Adds 21 New Members With Emphasis on Diversity, Variety.
  23. ↑ Lang, Brent (1 oktober 2021). Todd Boehly Named Interim CEO of Hollywood Foreign Press Association (EXCLUSIVE), Variety.
  24. ↑ Littleton, Cynthia (15 oktober 2021). Golden Globe Awards Set for Jan. 9 as Hollywood Foreign Press Assn. Unveils 2022 Calendar, Variety.
  25. ↑ Gilbert, Matthew (27 juli 2021). Critics Choice Awards out to replace Golden Globes, Boston Globe.
  26. ↑ Hammond, Pete (22 december 2021). Critics Choice Awards Postponed Due To Covid Concerns; New Date TBA, Deadline Hollywood.
  27. 1 2 Feinberg, Scott (6 januoari 2022). Golden Globes to Be Held as "Private Event" With No Livestream Available, The Hollywood Reporter.
  28. ↑ Ellefson, Lindsey (23 september 2020). Variety Parent Penske Media to Take Over Hollywood Reporter, Billboard in Joint Venture With MRC, TheWrap.
  29. ↑ D'Alessandro, Anthony (28 juli 2022). HFPA Will Be Both A Private Company & Non-Profit, Deadline.
  30. ↑ Schneider, Michael (28 juli 2022). In Move to Save Golden Globes, HFPA to Become For-Profit Org, Add More Voting Members, Variety.
  31. ↑ Wilkinson, Allison (9 januoari 2023). The Golden Globes, Hollywood's most chaotic awards, have returned, Vox.
  32. 1 2 Schneider, Michael (20 september 2022). Golden Globes Return to TV in 2023, NBC and HFPA Set One-Year Deal, Variety.
  33. ↑ Whitten, Sarah (12 juni 2023). The Golden Globes find new home as the Hollywood Foreign Press Association shuts down, CNBC.
  34. ↑ Andreeva, Nellie (12 juni 2023). Golden Globes Acquired By Dick Clark Productions & Eldridge; HFPA To Wind Down, Deadline Hollywood.
  35. ↑ Ryan, Patrick. Amy Poehler wins first Golden Globe in controversial podcast category, USA TODAY. Geraadpleegd ip 21 januoari 2026.
  36. 1 2 3 4 5 6 7 8 9 Golden Globe Award Consideration Rules, Hollywood Foreign Press Association. Geraadpleegd ip 10 januoari 2018.
  37. ↑ Hollywood Foreign Press Says No Press Conferences For 2023 Golden Globes, Deadline (22 oktober 2022). Geraadpleegd ip 14 moarte 2024.
  38. 1 2 Award Rules And Entry Forms, Golden Globes. Geraadpleegd ip 10 januoari 2018.
  39. ↑ Moreau, Jordan (2 oktober 2023). Golden Globes Hits 300 Voters and 60% Diversity, Adds 11 Members, Variety. Geraadpleegd ip 14 moarte 2024.
  40. ↑ Earl, William (10 april 2023). HFPA Recruits 128 New Voters for 2024 Golden Globe Awards, Variety. Geraadpleegd ip 14 moarte 2024.
  41. 1 2 3 StarVibe (6 januoari 2025). Celebrity Couples Who Stole the Spotlight at Golden Globes 2025, YouTube.
  42. ↑ Ricky Gervais to Return as Golden Globes Host!, ComingSoon.net (16 november 2011).
  43. ↑ X JAPAN: Yoshiki Composes 2012 Golden Globes Theme, Metal Temple (15 januoari 2012).
  44. ↑ Tucker, Reed (16 januoari 2011). The Moet the merrier, The NY Post.
  45. ↑ Tucker, Reed (16 januoari 2011). The Moet the merrier, The NY Post.
  46. ↑ Kearney, Ryan (14 januoari 2011). Golden Globes 2011: Why you should care, TBD.
  47. ↑ Weinraub, Bernard (20 januoari 1992). Track Record Polishes Golden Globes' Gleam, The New York Times.
  48. 1 2 3 Dick Clark Productions Prevails in Golden Globes Trial, Will Remain Show Producer, The Hollywood Reporter.
  49. ↑ Schneider, Michael; Adalian, Josef (11 januoari 2008). Golden Globes telecast up for grabs, Variety.
  50. ↑ No Red Carpet For TV Guide Net's 'Golden Globes', Mediapost.
  51. ↑ TV Guide Network downsizes, but doesn't cancel, Golden Globes coverage, Variety (8 januoari 2008).
  52. ↑ Ryan, Maureen (13 januoari 2008). Golden Globes winners? Not the viewers, that's for sure, Chicago Tribune.
  53. ↑ Stanley, Alessandra (14 januoari 2008). Strike Was Unseen Star of the Night, The New York Times.
  54. ↑ Owen, Rob (14 januoari 2008). Tuned In: Cable bests NBC in Golden Globes coverage, Pittsburgh Post-Gazette.
  55. ↑ Johnson, Ted (14 juli 2014). HFPA Settles Golden Globes Lawsuit With Dick Clark Prods., Variety.
  56. ↑ Golden Globes Players Settle Long-Running Legal War (Exclusive), The Hollywood Reporter.
  57. ↑ NBC and HFPA Sign 8-Year Deal for Golden Globes, The Hollywood Reporter.
  58. ↑ Holloway, Daniel (14 september 2018). NBC Sets Eight-Year Golden Globes Deal, Variety.
  59. ↑ Maglio, Tony; Baysinger, Tim (3 januoari 2019). Why the 2019 Golden Globes Are Already a Ratings Hit – Probably, The Wrap.
  60. ↑ Schneider, Michael (3 januoari 2020). Golden Globes: Here's What Will Happen if NBC's NFL Game Spills Into the Awards on Sunday, Variety.
  61. ↑ McNary, Dave (22 juni 2020). Golden Globes 2021 Postponed Nearly Two Months, Variety.
  62. ↑ Otterson, Joe (17 november 2023). Golden Globe Awards to Air on CBS in 2024, Variety.
  63. ↑ Hailu, Selome (25 moarte 2024). Golden Globes and CBS Ink 5-Year Deal That Includes American Music Awards Broadcast Rights, Variety.
  64. ↑ Andreeva, Nellie (18 september 2025). Golden Globes Special Honoring Cecil B. DeMille & Carol Burnett Award Recipients Set At CBS, Deadline.
  65. ↑ Ryan, Patrick. Amy Poehler wins first Golden Globe in controversial podcast category, USA TODAY. Geraadpleegd ip 21 januoari 2026.
  66. ↑ Davis, Clayton (7 meie 2025). Golden Globes Add Best Podcast Category for 2026 Ceremony, Variety. Geraadpleegd ip 7 meie 2025.
  67. ↑ HFPA. Geraadpleegd ip 31 oktober 2016.
  68. ↑ Winners & Nominees: Promoting International Understanding, goldenglobes.com. Geraadpleegd ip 29 juli 2021.
  69. ↑ Winners & Nominees Juvenile Performance, www.goldenglobes.com. Geraadpleegd ip 29 ogustus 2022.
  70. ↑ Most Golden Globe awards won by a film, Guinness World Records. Geraadpleegd ip 30 december 2025.
  71. ↑ La La Land, Golden Globe Awards. Geraadpleegd ip 30 december 2025.
  72. ↑ Lawrence of Arabia, Golden Globe Awards. Geraadpleegd ip 30 december 2025.
  73. ↑ One Flew Over the Cuckoo's Nest, Golden Globe Awards. Geraadpleegd ip 30 december 2025.
  74. ↑ Midnight Express, Golden Globe Awards. Geraadpleegd ip 30 december 2025.
  75. ↑ All the King's Men, Golden Globe Awards. Geraadpleegd ip 30 december 2025.
  76. ↑ Doctor Zhivago, Golden Globe Awards. Geraadpleegd ip 30 december 2025.
  77. ↑ Graduate, The, Golden Globe Awards. Geraadpleegd ip 30 december 2025.
  78. ↑ Love Story, Golden Globe Awards. Geraadpleegd ip 30 december 2025.
  79. ↑ Godfather, The, Golden Globe Awards. Geraadpleegd ip 30 december 2025.
  80. ↑ Star Is Born, A (1976), Golden Globe Awards. Geraadpleegd ip 30 december 2025.
  81. ↑ Ordinary People, Golden Globe Awards. Geraadpleegd ip 30 december 2025.
  82. ↑ Gandhi, Golden Globe Awards. Geraadpleegd ip 30 december 2025.
  83. ↑ Oppenheimer, Golden Globe Awards. Geraadpleegd ip 30 december 2025.
  84. ↑ Wiseman, Andrea; Hipes, Patrick (8 december 2025). Golden Globes Nominations Revealed: ‘One Battle’ Leads Way; ‘Sinners’, Neon, Netflix, ‘Only Murders’, ‘White Lotus’ Score Well, Deadline Hollywood. Geraadpleegd ip 30 december 2025.
  85. ↑ Nashville, Golden Globe Awards. Geraadpleegd ip 30 december 2025.
  86. ↑ Emilia Pérez, Golden Globe Awards. Geraadpleegd ip 30 december 2025.
  87. ↑ Cabaret, Golden Globe Awards. Geraadpleegd ip 30 december 2025.
  88. ↑ Barbie, Golden Globe Awards. Geraadpleegd ip 30 december 2025.
  89. ↑ One Battle After Another, Golden Globe Awards. Geraadpleegd ip 30 december 2025.
  90. ↑ The Carol Burnett Show, Golden Globe Awards. Geraadpleegd ip 30 december 2025.
  91. ↑ Succession, Golden Globe Awards. Geraadpleegd ip 30 december 2025.
  92. 1 2 All in the Family, Golden Globe Awards. Geraadpleegd ip 30 december 2025.
  93. ↑ M*A*S*H (TV Show), Golden Globe Awards. Geraadpleegd ip 30 december 2025.
  94. ↑ Alice, Golden Globe Awards. Geraadpleegd ip 30 december 2025.
  95. ↑ Sex and the City, Golden Globe Awards. Geraadpleegd ip 30 december 2025.
  96. ↑ Crown, The, Golden Globe Awards. Geraadpleegd ip 30 december 2025.
  97. ↑ Cheers, Golden Globe Awards. Geraadpleegd ip 30 december 2025.
  98. ↑ L.A. Law, Golden Globe Awards. Geraadpleegd ip 30 december 2025.
  99. ↑ Will & Grace, Golden Globe Awards. Geraadpleegd ip 30 december 2025.
  100. ↑ Most Golden Globe awards won by an individual, Guinness World Records. Geraadpleegd ip 30 december 2025.
  101. ↑ Tom Hanks, Golden Globe Awards. Geraadpleegd ip 30 december 2025.
  102. 1 2 Meryl Streep, Golden Globe Awards. Geraadpleegd ip 30 december 2025.
  103. ↑ Barbra Streisand, Golden Globe Awards. Geraadpleegd ip 30 december 2025.
  104. ↑ Julie Andrews, Golden Globe Awards. Geraadpleegd ip 30 december 2025.
  105. ↑ Jane Fonda, Golden Globe Awards. Geraadpleegd ip 30 december 2025.
  106. ↑ Paul Newman, Golden Globe Awards. Geraadpleegd ip 30 december 2025.
  107. ↑ Alan Alda, Golden Globe Awards. Geraadpleegd ip 30 december 2025.
  108. ↑ Nicole Kidman, Golden Globe Awards. Geraadpleegd ip 30 december 2025.
  109. ↑ Angela Lansbury, Golden Globe Awards. Geraadpleegd ip 30 december 2025.
  110. 1 2 Shirley MacLaine, Golden Globe Awards. Geraadpleegd ip 30 december 2025.
  111. ↑ Jack Nicholson, Golden Globe Awards. Geraadpleegd ip 30 december 2025.
  112. ↑ Oliver Stone, Golden Globe Awards. Geraadpleegd ip 30 december 2025.
  113. ↑ John Williams, Golden Globe Awards. Geraadpleegd ip 30 december 2025.
  114. ↑ Jack Lemmon, Golden Globe Awards. Geraadpleegd ip 30 december 2025.
  115. ↑ Steven Spielberg, Golden Globe Awards. Geraadpleegd ip 30 december 2025.
  116. ↑ Al Pacino, Golden Globe Awards. Geraadpleegd ip 30 december 2025.
  117. ↑ Davis, Clayton (17 februoari 2021). These Potential Golden Globes Winners Would Make History, Variety. Geraadpleegd ip 30 december 2025.
  118. ↑ Sigourney Weaver, Golden Globe Awards. Geraadpleegd ip 30 december 2025.
  119. ↑ Joan Plowright, Golden Globe Awards. Geraadpleegd ip 30 december 2025.
  120. 1 2 Helen Mirren, Golden Globe Awards. Geraadpleegd ip 30 december 2025.
  121. ↑ Kate Winslet, Golden Globe Awards. Geraadpleegd ip 30 december 2025.
  122. ↑ D'Alessandro, Anthony (3 februoari 2021). Sacha Baron Cohen Ties Record For Most Golden Globe Noms For A Performer In One Year, Deadline Hollywood. Geraadpleegd ip 30 december 2025.
  123. ↑ Jamie Foxx, Golden Globe Awards. Geraadpleegd ip 30 december 2025.
  124. ↑ Smith, Cecil (8 moarte 1960). Nostalgic Salute to Big Bands Era, Los Angeles Times. Geraadpleegd ip 30 januoari 2020.
  125. ↑ Rich, Allen (8 moarte 1960). Listening post and TV review, Valley Times. Geraadpleegd ip 10 meie 2021.
  126. ↑ Previews of Today's TV, Los Angeles Times (16 moarte 1961). Geraadpleegd ip 30 januoari 2020.
  127. ↑ Previews of Today's TV, Los Angeles Times (5 moarte 1962). Geraadpleegd ip 30 januoari 2020.
  128. ↑ Previews of Today's TV, Los Angeles Times (5 moarte 1963). Geraadpleegd ip 30 januoari 2020.
  129. ↑ TV highlights, Hollywood Citizen-News (10 moarte 1964). Geraadpleegd ip 12 moarte 2021.
  130. ↑ Golden Globe Awards on TV, Democrat and Chronicle (7 moarte 1965). Geraadpleegd ip 30 januoari 2020.
  131. ↑ Special Planned, Reno Gazette-Journal (18 februoari 1966). Geraadpleegd ip 30 januoari 2020.
  132. ↑ Dr. Zhivago cops "Globes" in film fete, Citizen-News (1 februoari 1966). Geraadpleegd ip 12 meie 2021.
  133. ↑ Golden Globes Awards Shown On TV Wednesday, The Times Herald (11 februoari 1967). Geraadpleegd ip 30 januoari 2020.
  134. ↑ Golden Globe Awards Are Colorcast, Anderson Herald (10 februoari 1968). Geraadpleegd ip 30 januoari 2020.
  135. ↑ Golden Globes return minus TV, Los Angeles Times (23 februoari 1969). Geraadpleegd ip 12 moarte 2021.
  136. ↑ Golden Globe Awards may relight; try for a Metromedia spread, Variety (6 december 1972).
  137. ↑ WXIX to televise Golden Global Awards this Sunday, Hamilton JournalNews (26 januoari 1973). Geraadpleegd ip 30 januoari 2020.
  138. ↑ Top Viewing Today, Independent Press-Telegram (26 januoari 1974). Geraadpleegd ip 30 januoari 2020.
  139. ↑ Martin, Bob (25 januoari 1975). Golden Globe awards tonight, Independent Press-Telegram. Geraadpleegd ip 30 januoari 2020.
  140. ↑ Golden Globe Awards To Honor Films, Stars, Hartford Courant (11 januoari 1976). Geraadpleegd ip 30 januoari 2020.
  141. ↑ Mirisch to Get DeMille Award, Los Angeles Times (19 januoari 1977). Geraadpleegd ip 30 januoari 2020.
  142. ↑ 1977–78 primetime specials ratings, Variety (20 september 1978).
  143. ↑ Tusher, Will (31 januoari 1979). Awards spared blips but not bores, Variety.
  144. ↑ Stop Arthritis Telethon Due, Los Angeles Times (26 januoari 1980). Geraadpleegd ip 30 januoari 2020.
  145. ↑ Bierbaum, Tom (21 januoari 1997). Globes help NBC conquer Nielsens, Variety. Geraadpleegd ip 17 januoari 2020.
  146. ↑ 1981–82 primetime specials ratings, Variety (6 oktober 1982).
  147. 1 2 3 4 5 6 7 8 9 10 11 12 13 14 15 Golden Globes TV Ratings History, TV by the Numbers (17 januoari 2010). Geraadpleegd ip 30 januoari 2020.
  148. ↑ Primetime TV rate race, The Hollywood Reporter (21 januoari 1998).
  149. ↑ Primetime TV rate race, The Hollywood Reporter (27 januoari 1999).
  150. ↑ Freeman, Michael; Pursell, Chris (30 juli 2001). Hollywood Notes, Electronic Media. Geraadpleegd ip 1 februoari 2020.
  151. 1 2 3 4 5 6 7 8 9 10 11 12 13 14 SpotVault – Golden Globe Awards Ratings, 2002–Present, Spotted Ratings. Geraadpleegd ip 9 januoari 2020.
  152. 1 2 3 4 5 6 7 Episode List: Golden Globe Awards, TV Tango. Geraadpleegd ip 9 januoari 2020.
  153. ↑ Pucci, Douglas (11 januoari 2017). Sunday Final Nationals: NBC Scores Second Most-Watched Golden Globes in a Decade, Programming Insider. Geraadpleegd ip 28 januoari 2020.
  154. ↑ Pucci, Douglas (10 januoari 2018). Sunday Final Nationals: Second Most-Watched Golden Globe Awards in a Decade on NBC, Programming Insider. Geraadpleegd ip 28 januoari 2020.
  155. ↑ Pucci, Douglas (8 januoari 2019). Sunday Final Ratings: Golden Globe Awards on NBC Grows Slightly from Last Year Among Adults, Programming Insider. Geraadpleegd ip 28 januoari 2020.
  156. ↑ Pucci, Douglas (7 januoari 2020). Sunday Final Ratings: Vikings-Saints on Fox Delivers Best Audience for Early Sunday NFL Wild Card Game in Three Years, Programming Insider. Geraadpleegd ip 28 januoari 2020.
  157. ↑ Metcalf, Mitch (2 moarte 2021). Showbuzz Daily's Top 150 Sunday Cable Originals & Network Finals: February 28, 2021, Showbuzz Daily. Geraadpleegd ip 2 moarte 2021.
  158. ↑ Feinberg, Scott (20 september 2022). Golden Globes Officially Returning to NBC, The Hollywood Reporter. Geraadpleegd ip 20 september 2022.
  159. ↑ Maas, Jennifer (11 januoari 2023). Golden Globes Ratings Down More Than 26% from Last NBC Show in 2021, Variety. Geraadpleegd ip 13 januoari 2023.
  160. ↑ Andreeva, Nellie (17 november 2023). Golden Globes Land At CBS For 2024 Telecast, Deadline Hollywood. Geraadpleegd ip 17 november 2023.
  161. ↑ Campione, Katie; Andreeva, Nellie (7 januoari 2025). Golden Globes 2025 Viewership On Par With 2024, Off By 2% – Update, Deadline Hollywood. Geraadpleegd ip 7 januoari 2025.
  162. ↑ Nolfi, Joey (10 januoari 2023). HFPA in crisis: Scandals that rocked the Golden Globes over the years, EW.com. Geraadpleegd ip 10 januoari 2024.
  163. 1 2 3 The Scandals that Nearly Ended the Golden Globes, Project Casting (29 september 2021). Geraadpleegd ip 17 ogustus 2023.
  164. ↑ Golden Globes voters in tumult: Members accuse Hollywood Foreign Press Assn. of self-dealing, ethical lapses, Los Angeles Times (21 februoari 2021). Geraadpleegd ip 10 meie 2021.
  165. 1 2 3 Pisani, Lisa (10 januoari 2015). How stars and studios 'bribe voters' for Golden Globes, New York Post. Geraadpleegd ip 17 ogustus 2023.
  166. ↑ 'Fix-Via-PR' Rumors Mar Foreign Prizes, Variety (5 moarte 1958), p. 26. Geraadpleegd ip 18 januoari 2021.
  167. ↑ Reed, Rex (1969). Conversations in the Raw, World Publishing Co., New York, pp. 105–106.
  168. ↑ Golden Globes, USA (1982), IMDb.
  169. ↑ Pia Zadora, Stomptokyo.com. Geraadpleegd ip 21 november 2009.
  170. ↑ Adelson, Suzanne; Marx, Linda (22 februoari 1982). How Did Actress Pia Zadora Ever Win a Golden Globe? The Answer Is Riklis Love, People Magazine.
  171. ↑ Figueroa, Dariel (11 januoari 2015). The Story Of How A Wall Street Tycoon And A Broadway Actress Nearly Ended The Golden Globes In 1982, UPROXX.
  172. ↑ Santa Claus Conquers the Martians (1964), IMDb. Geraadpleegd ip 1 juli 2018.
  173. ↑ Golden Globes Accused of "Payola" in Lawsuit, CBS News (14 januoari 2011). Geraadpleegd ip 17 ogustus 2023.
  174. ↑ Snyder, Steven James. The Night Shift: Gervais Talks Globes, and We Wonder — Has the Fallout Said More About Celebs Than the Comedian?, Time.
  175. ↑ Adams, Guy (19 december 2010). Bribed Golden Globe judges nominate flops after Vegas junket: 'The Tourist' and 'Burlesque' are among poorly reviewed films up for awards, The Independent.
  176. 1 2 Lee, Janet W. (23 december 2020). Hollywood Slams Golden Globes for Categorizing 'Minari' as Foreign Language Film: 'Enough of This Nonsense', Indiewire. Geraadpleegd ip 24 december 2020.
  177. ↑ Sharf, Zack (23 december 2020). Golden Globes Under Fire for Shutting 'Minari' Out of Best Picture: 'Racist,' 'Complete Bullsh*t', Indiewire.
  178. ↑ Golden Globes voters in tumult: Members accuse Hollywood Foreign Press Assn. of self-dealing, ethical lapses, Los Angeles Times (21 februoari 2021). Geraadpleegd ip 10 meie 2021.

Externe koppeliengn

[bewerkn | brontekst bewerken]
Wikimedia Commons
Overgenomen van "https://vls.wikipedia.org/w/index.php?title=Golden_Globe&oldid=324591"