H8000

Van Wikipedia
Naar navigatie springen Naar zoeken springen

H8000 es de noame voo de hardcorescène in West-Vloandern, die ipkwam middnt de joarn ’90. De noame wèr uitgesprookn als Hate Thousand. H stoat voe Hate, 8000 voe de West-Vlamsche postnummers.

Geschiedenisse[bewerkn | brontekst bewerken]

De hardcorescene in West-Vloandern kwam ip in 't midden van de joarn 90. Groepn lik Liar en Congress shockeerdn de internationoale hardcorescene omda ze metal in under geluud brachtn. Ze noemdn under nieuwe genre ‘edgecore’. In dien tyd wa voorol old school hardcore en emo populair. Der kwam veel kritiek uut 't buutnland, mo in oeze streke wa de ‘metalcore’ vree populair.

Buutn 't zwoare geluud, a de edgecore ôok een sterke straight-edge bôodschap. Veel bands kwoamn ip voo diernrechtn en veganisme en teegn drugs. Ondertussn kwam ôok in Amerika edgecore ip me bands lik Earth Crisis. Azô kostn sommigste H8000 bands toern deur Europa, Amerika, Japan,… en werdn ze vree populair.

Toen da veel edgecorebands lik Blindfold, Spirit of Youth, Regression, Sektor, Solid en Spineless stoptegen, wa de rek der 'n bitje uut voo 'n poar joar.

Mo sinds kort es H8000 were bezig an e remonte. Êest en voorol kwoamn der mêer beatdown groepn uut Yper, lik Retaliate en First Alliance. In plekke van rappe metal, singalongs en straight edge, brachtn zudder lompe, zwoare beatdown, arte moshpits en violent dancing. Boovndien woarn ze nie straight-edge, mor addn ze mêer een hiphop mentaliteit me danze under eign crews begostn te vormn.

Ôok andere genres kwoamn ip in de streke: old school hardcore, metalcore, deathcore en crossover. 't Epicentrum van de scene verschoof van Kortryk na Brugge en Yper.

In 2006 stoptegen Liar (Edit: Ondertussn es Liar were beginnen me liedjes scriven en were begunnen me iptreden) en Congress, de twêe belangrykste bands van de scène. Ip 't latste iptreedn van Congress kwaamn der mêer dan 850 fans uut West-Vloandern, joung en oud. Ondanks da die twêe groepn stopten, es de H8000 vandoage populairder dan ôoit.

Tegenwoordig is het alson mjeer en mjeer moeilijker om shows te kunnen zetten, want de minsen zin nie meer zo happig op kot en geruchte in under stroate, maar toch lukt het me wa goede afspraken te maken in de geburte. zo zijn der 2 jeugdhuizen die zeer gesmaakt zijn in de scene en die met de geburte geen gerooi hebben, kheb het hier over "The Pits" in Kortrijk en "De Vort"n Vis" in ieper, daar kan je olsan shows regelen, De vort'n is wel makkelijker om binnen e geraken, daardat The Pits meer zich toespits op hun eigen programma met veel buitenlandse toerende bands, veel H8000 bands staan wel dan vele in het voorprogramma van die tourende bands. In Toeroet ist der wok een plekke die veel bands zet, en dan heb ik het over "The Fox".

Bands[bewerkn | brontekst bewerken]

  • Eerste periode: Liar, Congress, Blindfold, Spirit of Youth, Sektor, Shortsight, Lifecycle, Legion, Regression, ODK Crew, Firestone, Solid, Spineless, Vitality, Forced Hate, Deformity, ....
  • Tweede periode: Morda, Core of Anger (†), Blood Redemption, Senseless Wake, STAB, Shredder, The Boss, First Alliance (†), Fatal Recoil, Rafflesia, Your God Is Dead (†), No Recess (†), Exzistem (†), Knockdown, All My Sins, Urge For Blood, Retaliate, ...
  • Recentste periode: Stab, Headshot, Tarmak, The Ignored, Griptape, 6 Days of Justice, The Company, Murderhorn, Saviour, United Blood, From Beyond, Golden Bullet, Pride Zero, xViciousx, Trenchfoot, The Go Hards, AmenRa, Fields of Troy, Open Sesame, Control State, Seventh Circle, Deconsecrate, Minded Fury, Lockstitch, BloodlineHC, Hold The Crown, Crossface, Countdown, Makasrr (Met Regression gitarist David)

Labels[bewerkn | brontekst bewerken]

  • Genet Records
  • Sober Mind Records (†)
  • Goodlife Records (legendoarisch over de hêle wereld)
  • Eyespy Records
  • Reality Records
  • Awesome Vision Records
  • Eighty Five Records
  • Kick Out The Jams

Varia[bewerkn | brontekst bewerken]

In 2004 kwam ter een DVD uut me interviews me belangryke gastn uut de H8000 scene. en momenteel zin ze bezig aan nen boek wok vul interviews en zulks.

Iederjin wit da hardcore nie alleene over muziek goat, zo zijn der nog mensen bezig die tjin en tander doen voor de scene. kpeize in de jiste plekke aan Ferm en fameus vegan catering, die gasten zijn heer en meesters in samenstellen van plantaardige njammies.

Bookers[bewerkn | brontekst bewerken]

  • Plectrum Concertwerking Roeselare
  • Heartbreaktunes
  • Realrandom bookings
  • 85 Hardcore
  • Get Something To Say Bookings
  • Ironheart Bookings
  • Good Clean Hate Hardcoreshows
  • Genet Bookings
  • 24 edge

Festivols[bewerkn | brontekst bewerken]

Joarliks zyn ter een poar hardcorefestivols in oeze streke:

  • Ieperfest (êen van de grôotste hardcorefestivols in Europa)
  • Tieltfest (da goa nie mêer deure mee da den organisator 't nie mêer kan bekostigen)
  • Bergrock (Blanknberge)
  • Stekkerrock (Nieuwpoort)
  • Thoprock (Brugge)
  • H8000-fest (Roeselare)
  • Northseafest (Heist)
  • Falloutfest (Knokke-Heist)
  • Sample This!
  • Break Bones Fest
  • Roeselare Loud
  • Days of War (Mullebêeke)
  • Kortrijk hardcore Fest (Kortrijk)
  • H8000 Hardcore/Punk show (Ieper)

Scène[bewerkn | brontekst bewerken]

Belangryke platselikke scenes zyn:

Externe koppeliengn[bewerkn | brontekst bewerken]