Hoorn (Noord-Holland)
 Hoorn
| |
|---|---|
|
|
 Oede Doelenkoaie | |
| Geografie | |
| Provinsje | Noord-Holland |
| Coördinoatn | 52°39′NB 5°3′OL |
| Ippervlak | 53,46 km² |
| Inweuners | |
| Inweuners | 73.769 2021 3620 inw./km² |
| Mêer info | |
| Burgemêester | Jan Nieuwenburg (PvdA) |
| Postcode | 1620 - 1628 1689, 1695 |
| Website | www.hoorn.nl |
 Liggynge in de provinsje Noord-Holland | |
Hoorn is e stad en gemeente in 't noordwestn van Holland in de provinsje Noord-Holland. 't Is de grotste stad en officieuzn hoofdstad van de regio West-Friesland. Hoorn ligt an 't Markermeer, 20 kilometer ten oosten van Alkmaar en 35 kilometer ten noordn van Amsterdam. 't Is de derde dichtstbevolkte gemeente van Noord-Holland achter Haarlem en Amsterdam. Buytn de stad Hoorn omvat de gemeente de dorpn Blokker en Zwaag, en ook deeln van de gehuchtn De Bangert, De Hulk en Munnickaij. Den burgemêester Jan Nieuwenburg i van de PvdA.
Hoorn is in Holland bekend vo zyn ryke geschiedenisse. De stad verwierf in 1357 stadsrechtn en floreerde binst de Goedn Eeuwe. In die periode oentwikkelde Hoorn hem toet e welvoarnde hoavnstad met één van de zes koamers van de Verenigde Oost-Indische Compagnie (VOC). Teegn 't ende van d' achttienste eeuwe begost 't wel assan moa moeilyker te komn vo te bluyvn concurreern met Amsterdam. Uytendelyk verloor 't zyn functie van hoavnstad en 't wierd e regionoal commercecenter die surtout de klèindere dorpn van West-Friesland bedient. Den dag van vandoage is Hoorn e stad mè moderne weunwykn en 'n historisch stadscenter. Koap Hoorn en de Hoorn-eylandn zyn noa de stad vernoemd.
Beziënsweirdigheedn[bewerkn | brontekst bewerken]
Hoorn telt ca. 383 ryksmonumentn, e goeie 400 gemeentelyke monumentn en e deel oorlogsmonumentn
- Oosterpoorte, enige overgebleevn stadspoorte van Hoorn
- Hoofdtorre an d' hoavn van de stad
- Oosterkerke in gotische styl
- Stoatncollege mè 't Westfries Museum
- De Waag, gebouwd in 1609
- Mariatorre of Kruyttorre, gebouwd in 1508 in loatgotische styl
- Oostereyland, kunstmoatig eyland in d' hoavn, angeleid tusschn 1662 en 1668
- Julianapark, stadspark geleegn an 't Markermeer
Oosterpoorte 
Hoofdtorre 
Oosterkerke 
Stoatncollege mè 't Westfries Museum 
De Waag
