Jules Vanderstichelen
Jules Vanderstichelen (Gent, 18 september 1822 - Brussel, 19 juli 1880) was e Belgische liberoale pollitieker.
Je was de zeune van de douaneverificateur Charles Vanderstichelen en van Marie-Caroline Doop. Je trouwde mè Louise Rogier, dochter van den diplomoat Firmin Rogier, broere van Charles Rogier, êen van de groendleggers van de Belgische stoat.
Je promoveerde toet doctor in de rechtn an den universiteit van Gent in 1846 en je vestigdeg' hem ols avocoat. Je was e tyd hoofdredacteur van de Journal de Gand.
Je was liberoal gemêenteroadslid van Gent van 1851 toet 1854 en je zeteldeg' in de Koamer van Volksverteegnwoordigers van 1857 toet 1870. Je was Minister van Oopnboare Werkn van 1859 toet 1868 en Minister van Buutnlandsche Zoakn van 1868 toet 1870 in ipvolgienge van Charles Rogier. Vanof 1878 toet 1880 wast 'n ook nog gouverneur van de Nationale Bank van België .
Jules Vanderstichelen èt ols Minister van Oopnboare Werkn e deurslaggeevnde rolle gespeeld by den anleg van d' hoave van Blanknberge. Der is doa ton ook e stroate noar hem vernoemd, de Vanderstichelenstroate.