Kakkernestje
De term kakkernestje of kakkersnestje (Brugge) goa mêestal gepoard mee twêe criteria: ten êeste moet 't kakkernestje veel jounger zyn of z'n andere broers of zusters, en ten twêede moet 't kakkernestje vrêe verwend zyn van z'n ouders, 't is te zeggen, mêer dan d'andre klêen mann die vôor 't kakkernestje geboorn zyn.
Twêe criteria
[bewerkn | brontekst bewerken]Een kakkernestje is 'ntwien die veel loater geboorn is of de andere kinders van z'n ouders. D'er is wel nog wa klappinge over wat dat die periode minstens zoe moetn zyn, moa ge kunt stellen da vana't er mêer of 8 joar tussn de vôorlatstn en de latstn van de kinders zit, dat er wel deeglik sproake kan zyn van een kakkernestje. Verdr wordt een kakkernestje bovendien ton nog mêestal zwoar verwend en bedorven deur z'n ouders. Angezien da ze nie mi gepeisd addn van nog ne klêen te krygn, zien ze (en ton vooral de moedre) da kind mêestal als een geschenk en goan da kind ton ook nog ne kêe bederven als bedankinge voe d'er te zyn in feite.
Vôordêeln
[bewerkn | brontekst bewerken]Een kakkernestje is mêestal dôoverwend omda 't zo geirn gezien is. Azô zoe 't mêer kansn krygn dan d'andere kinders. Nie alêne 't gezin zelve moak zich azô schuldig an bedervinge van 't kakkernestje, moar ook d'andre minsn van buutn 't gezin zien 't kakkernestje als ntwa specioal en gedroagn udder d'er ôok noar.
Noadêeln
[bewerkn | brontekst bewerken]'t Kakkernestje zyn is echter ôok nie olles: d'oudere broers en zusters zyn mêestal jaloes a ze zien oe dat dienen achterkommer veel mêer gedoan krygt van z'n ouders en goan ton ôok mêer ip 't kakkernestje z'n kappe zittn, mee olle mentoale gevolgn van dien. 't Verwyt da ze soms ôok noar uddere kop geslingerd krygn is da ze een accidentje zoen zyn. En tis vrjeed, ma tmoe gezeid wordn, tis mêestal azo.